JOHAN 17:24 - Ngawm Bible

²⁴ Pa aw! Nangma piakmi ka sunloihnak hi amuh theihnak haw tukin nangmah in, amuhte cu ka khut sungah pia zo ci. Keima umnakah umbok tukin deih ing hi; itahim titale leipi a pian laihngawlin it zo ci.

JOHAN 17:24 Iomraidhean Croise

PIANPATNAK 45:13

Izipt ngamsung a, huham ka neih daan hi ka pa i lakah hilh unna, na tawh uhmi le na muh uhmi hempoh a dang vang hilh khawng un hi. Manlang zetin kikta unna, pa cu hi laiah pui un,” ti hi.

MATTHAI 25:21

A bawipa in, ‘Umlawh pha, muantakzet ci! A dawmno i humah muantak na hih hangin tampi cingtu in bawl tung hi. Hung inna, ka lungdamnak puai sungah tel bokin,’ tin ti hi.

MATTHAI 25:23

A bawipa in, ‘Pha hei, umlawh pha le muantak hi ci. A dawmno humah muantak na hih hangin tampi cingtu tukin koih tung hi. Hung inna, ka lungdamnak sungah tel bokin,’ tin ti hi.

MATTHAI 25:34

Mahten Kumpipa in, a taklam a mipha tei lakah, ‘Hung un ka pa i thupha piakmite! Hung unna, leihum semsuah pepan nangmu ca lepsami ngamnop luah un hi.

MATTHAI 26:29

Thungai in hilh ing; ka Pa i Uknak sungah nangmuh tuah sabit thak ka inleh laklawh cu hi sabit inleh tukma toh ing,” ti hi.

LUKA 12:37

A bawipa haw a kihleh ten a hakmi le ngallinnak neimi innceng cu itizah takin lungdamhuai him? Thungai in hilh ing. Mansa hilhialin, a um nungten an ei tukin khungtik tuk a, amah hihimin tuamlawm tuk hi.

LUKA 23:43

Jesuh in, a lakah “nangmah thutiam ing. Tuni in, keimah tuah Paradis ah um ngel tuk hung,” tin ti hi.

JOHAN 1:14

Mah Thu cu mihingah cangin, eimu lakah um a; hehpihnak le thutak tuah dim hi. A sunloihnak mu hung a, Pa in, a Capa neihcalam lakah a piakmi sunloihnak hi.

JOHAN 12:26

Akua hei hihen ka na a dek nuamtu ten ka nungzuitute hi haw tuk hi. Itahim titale ka nadektu cu keimah tuah um kawm thei tuk hi. Keima nadektu cu ka Pa in pahcoihnak pia tuk hi.

JOHAN 14:3

Hawh tung a, nohtei umnak tuk mun ka bawl celh ten hungkikleh tung hi. Nohte cu keima lakah pui tung a, ka umnakah umbok tuk uh ci.

JOHAN 15:9

Ka Pa in, keimah a ih bang bokin nohte it bok ing a, ka ihnak sungah um leleng un hi.

JOHAN 17:2

Capa i lakah na piakmi mihing hempoh tei lakah kumkhua nunnak a piak theihnak tukin leihum hinnam hempoh tei humah thuneihnak pia zo ci.

JOHAN 17:22

Nangmah le keimah cu pumkhat a hih uh bangin amuhte vang pumkhat a suah theihnak haw tukin nangma piakmi sunloihnak cu amuhte vang pia bok ing.

JOHAN 17:5

Pa aw! Leipi bawl laihngawl khin nangmah tuah ka neimi sunloihnak khi atu-in, na mitmuhah pia in hi.

JOHAN 6:37

Ka pa in keimah a piakmi pawpoh cu kua hei hihen ka lakah hung haw tuk hi. Keima lakah a hungmi pawpoh cu pa khatno hei kik tuk mang hi.

JOHAN 6:39

Keimah a tiiktu pa i deihnak cu ni dawlbel ten pa khatno hei paithong ngawlin nunnakah thawhlehtik theihnak tukin hi.

JOHAN 8:58

Jesuh in, “Thutakin hilh ing. Abraham pian laih ngawlin kei um zo ing hi,” tin don hi.

1 KORIN 13:12

Atu-in, amuhdan uhte hi limlang sung a, ciang ngawlin a lim bek amuh uh bang hi. Mahnaven mah hun ten, maitonin mu tuk hung hi. Tu a ka theihnakte hi cangkim ma hi, mahnaven mah hun ten cangkim tuk hi. Pathian in kei a theihnak a cangkim bangin ka theihnak vang cangkimzet tuk laih hi.

2 KORIN 3:18

Ohte hei cu a venghawng uhin a mai uh puan tuah tuammi a hihleh uh ngawl toh hangin Topa i sunloihnak cu thalang bangin a langtiktu hung hi. Mah sunloihnak cu Hawvang a himi Topa i lak pen a hun hangin a nunnak uh sunglawi sesemin le amah bang dedeuhin thek tawto hi.

2 KORIN 4:6

“Khuathimnak sung pen khuavaknak suak hen,” tin, a titu Pathian cu Khrih i mitmai hum a, Pathian i sunloihnak khi ka theih zawhnak tukin keimu lungmu sungah a vaknak piatu cu Pathian amah leleng hi.

2 KORIN 5:8

A lungmu uh khoh, a ngal uh pha in mai nuamnak bangin a cangthei ahin hi leihum taksa, a inn uh hi zamta in Topa i innah amah tuah um langkhat teng saw tuk hung hi.

FILIPI 1:23

Ka lungmu mun nihah hawh hi. Hi nunnak hi zamsanin Khrih tuah um cu nuamzet ing hi; mah tih hi cu pha deuh ngangai hi.

1 THESALON 4:17

Mahten oh a nunglaih mite cu vanahTopa tawk tukin a tho masate tuah meingo humah cawi toh khawng hi tuk hung. Mahten Topa tuah kumkhua in um langkhat tuk hung.

1 PETER 1:21

Amah hangin Pathian muang uh ci, Pathian in amah cu thihnak pen tholehtikin, sunloihnak pia hi. Mah hangin na upnak uh le na muansannak uh cu Pathian humah a phutmi hi uh ci.

1 JOHAN 3:2

Ka ihmite aw, atu-in Pathian cate hi zo hung hi; mahnaven iti bang tuk laih kam hung tih cu ciang ma laih hi. Khrih a hunsuk ten amah bang tuk hung hi tih cu thei hung hi. Itahim titale ama hihnak bang loli in mu tuk hung hi.

MANGMUHNAK 21:22

Mah khuapi ah biakinn umma hi. Itahim titale a biakinn cu Topa Pathian Cungnungbel le Tuuno hi cih toh hi.

MANGMUHNAK 3:21

Nehtu hi zo ing a, atu-in ka pa i kumpi khunnak humah ka khun bangin nehtute cu ka kumpi khunnak humah khun theihnak thupia tung hi.