JOHAN 17:22 - Ngawm Bible

²² Nangmah le keimah cu pumkhat a hih uh bangin amuhte vang pumkhat a suah theihnak haw tukin nangma piakmi sunloihnak cu amuhte vang pia bok ing.

JOHAN 17:22 Iomraidhean Croise

MARKA 6:7

Mah laih takin Jesuh in, a nungzuitu sawm le pa nihte samin, dawi ngilote hawlvawk theihnak tukin thuneihnak pia in, pa nih pa nih tekin vaktik hi.

LUKA 22:30

Ka uknak sung a, ka cabuai ah in le ei bok tuk uh ci. Israel miphun sawm le pa nih uktu tukin bawi khunnakah khung tuk uh ci,” ti hi.

JOHAN 1:14

Mah Thu cu mihingah cangin, eimu lakah um a; hehpihnak le thutak tuah dim hi. A sunloihnak mu hung a, Pa in, a Capa neihcalam lakah a piakmi sunloihnak hi.

JOHAN 1:16

A cangkim zetmi a hehpihnak tuah ohte cu muicu pia zo a, muicu cu pa khat nung pa khat pia hi.

JOHAN 14:20

Mah ni le hun a hen ten kei cu ka pa i sungah ka um lam thei tuk uh ci. Nangmuh vang keima sungah na um lam uh le nangmu sungah kei ka um lam thei bok tuk hi uh ci.

JOHAN 17:24

Pa aw! Nangma piakmi ka sunloihnak hi amuh theihnak haw tukin nangmah in, amuhte cu ka khut sungah pia zo ci. Keima umnakah umbok tukin deih ing hi; itahim titale leipi a pian laihngawlin it zo ci.

NUNGZUITU 5:41

Nungzuitute cu khonsil upa tei lak pen a tul haw ten lungdamzet haw hi; Itahim titale Jesuh min hangin minsiatnak thuak tukin Pathian i teksa hi tin ngaisung haw a hih hangin lungdam mahtak haw hi.

ROM Khua Khristian Tei Lakah Paul i Laikuat (Paul’s Letter to the Romans) 8:30

Mah hangin Pathian i a dangno in, a koihsa mite cu sam vang sam hi. Mahten a sammite cu thiancotikin, a sunlawinak vang cu pia bok hi.

2 KORIN 3:18

Ohte hei cu a venghawng uhin a mai uh puan tuah tuammi a hihleh uh ngawl toh hangin Topa i sunloihnak cu thalang bangin a langtiktu hung hi. Mah sunloihnak cu Hawvang a himi Topa i lak pen a hun hangin a nunnak uh sunglawi sesemin le amah bang dedeuhin thek tawto hi.

2 KORIN 5:20

Mah hangin kohte cu Khrih i palai ung hi: Pathian amah loli in keimuh mangin thu a hilh bangin thuhilh ung. Khrih minin nangmuhte zawm ung hi. Pathian tuah lemdun unna, a ngal hihnak pen a ngualcamin cang zal un. Khrih cu sualnak imah nei ma hi;

2 KORIN 6:1

Pathian tuah na a dek langkhatmi ka hih uh hangin Pathian hehpihnak a cotu noh ten mah hehpihnak cu a thawnthongin cangtik pahsuh un tin ngen ung hi.

EFESA 2:20

Nohte vang nungzuitu le profet tei a bul a phut ngah suakmi hum a, sakmi inn hi bok zo uh ci, a kil tawphah suang cu amah Khrih Jesuh hi.

FILIPI 1:29

Khrih na upnak uh bekah hi ngawlin ama ca na thuaknak uhah covo sepmi na hih uh hi, mi bawngpha hi uh ci.

KOLOSE 1:24

Nangmu ca haksatnak ka thuakmite hangin lungdamnak nei ing hi; itahim titale ka pumpi in ka tawhmi thuaknak i hangin, Khrih in ama pumpi pawlpi ca in haksatnak a tawhmi khi kimtik bok ing.

1 JOHAN 1:3

Pa le a Capa Jesuh Khrih tuah pawlkomnak a neih uhmi sungah na tel theihnak tuk uhin ka muh uhmi le ka zak uhmi cu nangmuh tei lakah phuang ung hi.

1 JOHAN 3:24

Pathian thupiakmi a zuitu hempoh cu Pathian tuah umkawmin, Pathian vangin amu lakah um bok hi. Pathian i piakmi Hawvang hangin Pathian cu eimuh tuah umkawm tih thei hung hi.

1 JOHAN 4:17

Thukhennak Ni ten ngalhannak a neihnak tukin itnak cu eimu sungah cangkimtik zo hi. Mahten leihum a nunnak uh cu Khrih nunnak bang a hih hangin mah ngalhannak cu nei loli tuk hung hi.

MANGMUHNAK 21:14

Khuapi upnak kulhtian cu, inn kil tawphah suang sawm le pa nih humah phutmi hi haw hi; mahmi suang humah Tuuno i a tiikmi sawm le pa nih tei min ngan haw hi.