JOHAN 17:15 - Ngawm Bible

¹⁵ Amuhte cu leihum pen latulin, tin ngen kha man naveng mipha ngawlmi pa i lak pen hupin hi bangin ngen ing.

JOHAN 17:15 Iomraidhean Croise

PIANPATNAK 48:16

Siatsuahnak namkim sung pen kei a pantu vancungmi in, Nohte cu muicu pia zal tahen. Keima min le ka pu Abraham, ka pa Isaak i min cu, amuh tei hu le thawmin nung leleng zal tahen. Tu le ca tampi nei in, leihumah hinnam tampi in, suak haw tahen!” tin ti hi.

1 KHANGSIALNAK 4:10

Jabez in Israel Pathian nelah thungenin, “Topa muicu pia zal inna, ngam zalzet pia in hi. Ka lakah um inna, siatnak le haksatnak ka tawh ngawlnak tukin hupin,” ti hi. Mah hangin Pathian in, a ngetmi bangin pia hi.

SAAM LABU 121:7

Thinsuk launak hempoh pen Topa in nang hup tuk hi. A nunnak uh lungmuang zetin koih tuk hi.

SAAM LABU 30:9

Ka thi tale na ca in, phatnak ite um tuk him? Mithi khanah ka hawh tale ikaw na nemcuam tuk? Mi thi ten thangphat haw tuk maw? A bo awng ngawlmi na phatnak cu phuang thei haw maw?

THUHILHTU 9:10

Na tawhmi nadeh hempoh cu na zaangtha neih hempoh tuah dek pohin; itahim titale na hennak tuk Sheol ah nadehnak hihen, ngaihsutnak hihen, theihnak hihen, cihnak hihen um tukma toh hi.

ISAIAH 57:1

Mipha cu thi haw naven kuamah in theihpih cuam ngawlin simsial kha haw ma. Mahnaven a thih haw ten siat theihnak thuak ngawlnak munah heng haw hi.

MATTHAI 5:37

Mah hi; mahma, tih bek ti un; mah sial ngawl cu mipha ngawl, khawhuai lak pen a tulmi haw hi.

MATTHAI 6:13

Sualsohnakah tel tuk ngawlin, siatnak lak pepanin. Na uknak, thawm ngengnak huham le sunloih upatnak cu na humah catngawl kho leleng tahen. Amen.

LUKA 11:4

Ka hum uh sualnak a bawltu ka ngaihthiam uh bangin kohtei sualnak ngaithiamin hi. Sualsohnak haksapi hengtik pahsun tin ti un hi,’ tin hilh hi.”

LUKA 22:32

Mahnaven Simon, na muannak tham thong tuk ngawlin nangma ca tukin thungen ing. Mahten keima lam na hek kikleh ten na unau khi thapia in,” ti hi.

GALATI 1:4

Tuhun hi hunsia sung pen ohte luattik tukin Khrih in Pa Pathian i deihnak zui in, ohtei sualnak hangin a nunnak pia zo hi.

2 THESALON 3:3

Mahnaven Pathian cu muantak zetin amah in ngilnak pia in, mi ngilo tei khut sung pen humhim tuk hi.

2 TIMOTE 4:8

Atu-in ka Topa thudik khentu Topa in, mah ni khua ten a piak tukmi nehnak laksawng cu ka ca in, a koihsami cu ngak ing. Mah laksawng cu dikcangnak lukhu hi, keima ca bek kha ma hi; itnak tuah a lang tukmi amah a ngaktu hempoh tei ca hei in hi.

1 JOHAN 5:18

Pathian cate cu sualnak bawl leleng ma hi tih thei hung hi. Itahim titale Pathian Capa in hupin, Satan in siatsuah thei ma hi.

1 JOHAN 5:19

Leihum buppi cu Satan in uk naven ohte cu Pathian ta hung hi tih thei hung.