JOHAN 17:11 - Ngawm Bible

¹¹ Atu-in, na lakah hung tung a, kei cu leihumah umleh tukma toh naven amuhte cu leihumah um haw tuk laih hi. A thiangthomi ka Pa, nangmah le keimah pa khat a hih uh bangin leihumah a umlaih mite cu pa khat a hih theihnak tukin na piakmi na min i huham tuah humhimin hi.

JOHAN 17:11 Iomraidhean Croise

SAAM LABU 79:9

Topa aw, bawm inna, panin hi. Na min sunloihnak tukin, Ka sualnak uh ngaidam inna, pan zalin hi.

THUPAUCAP 18:10

Topa cu buknak inn sangpi na hi, midik miphate cu a lakah hawhin himdam haw hi.

ISAIAH 27:3

“Ka sabit huan cu keimah in cingin tui leih leleng ing. Kuamah i siatsuah tuk ngawlin a sun le zan cing ing.

ISAIAH 64:2

Mei hum a, tui a so tawtok bangin hing li haw tuk hi. Hung inna, na ngal tei lakah, na ngilnak huham langtikin, na miphun hempoh ten amuh haw ten can li haw tahen.

JEREMIAH 14:21

Na thutiammi cu phawkleng zal inna, zawnsak zazal pahsun hi. Na sunloihnak khunnak Jerusalem humah mualphonak hengtik zal pahsun, Keimuh tuah na bawlmi thutiamnak cu siatsuah zal pahsun maw.

JEREMIAH 14:7

Ka mite ka lakah au haw, ka sualzet uh hei in, na thutep bangin, Topa bawm zazalin hi. Na lak pen vei tampi tai zo ung a, na humah sual leita zo ung.

EZEKIEL 20:22

Mahnaven bawlsuak mang, itahim titale Izipt ngam pen Israel minamte ka puitulnak a mutu miphun tei lakah ka minsia sual kawn ka tih hang hi.

EZEKIEL 20:44

Ka min hup tukmi thil ka bawl ten na phatngawlnak uhleh na sualnak uh zahin nohte cu siatsuah mang hi,” tin Cungnungbel Topa in ti hi.

EZEKIEL 20:9

Mahnaven thuak lehtik mang, itahim titale a umnak haw Izipt ngamsung mihing tei mai ah ka minsia sual kawn ti ing. Israel tei lakah Izipt ngam pen puitul tung hi tin than ing.

MATTHAI 10:16

“Ngai un! Cingne hang hon lakah tuu bangin nohte hah ing. Mah hangin ngul bangin cip unna, khulo bangin nunnem un.

MATTHAI 5:48

Vancung a na Pa uh a cangkim bangin cangkim bok un hi.

MATTHAI 6:9

Mah hangin hi bangin thungen un: Vanhum a um kohtei Pa; Na min upatnak um tahen;

JOHAN 13:1

Atu-in Kaltan Puainak tuk ni khat bek sam toh hi. Leihum zamsanin, Pa i lakah a hawh lehnak tuk hun heng zo tih thei hi. Hi leihum a ummi a mihingte khi it lelengin, amuhte a dawltawpnak tian it hi.

JOHAN 13:3

Pa in huham cangkim zetin pia zo hi tih cu Jesuh in theicop leng hi. Pathian lak pen hungin, Pathian nelah hawhleh tung hi tihvang cu thei hi.

JOHAN 14:20

Mah ni le hun a hen ten kei cu ka pa i sungah ka um lam thei tuk uh ci. Nangmuh vang keima sungah na um lam uh le nangmu sungah kei ka um lam thei bok tuk hi uh ci.

JOHAN 16:28

Ka Pa i lak pen a hungmi tatak ing a, leihumah hung ing. Atu-in hi leihum pen tulin ka Pa i lakah hawh tung,” ti hi.

JOHAN 16:33

Nohte cu keimah tuah na pehzomnak uh i hu le thawm hangin lungmuannak na ngah theihnak tuk uhin hi thu hi nohte hilh ing. Leihumin nohte cu haksatnak pia tuk hi. Mahnaven lau ngawlin ngalhang zetin um un! Leihumpi cu neh zo ing!” ti hi.

JOHAN 17:23

Leihumin nangma tiikmi ing tih a theihnak haw tukin le keimah na ih bangin amuh vang na ihlam a theih theihnak haw tukin, kei cu amu sungah umin, nang cu keima sungah um ci.

JOHAN 17:25

A dikcangmi Pa aw! Leihum ten nangmah thei haw ma naven kei in nangmah thei ing a, nangma tiikmi ka hihlam cu thei bok haw hi.

JOHAN 17:6

Leihum pen na samtulmi tei lakah na min cu langtik zo ing. Mah mite cu nangmata hi haw in, keima lakah na piakmi hi haw a, na thu zui haw hi.

JOHAN 7:33

Jesuh in, “Dawmlaih sung cu nangmu lakah um hih tung a, mah nungten keimah tiiktu pa i lakah hawh tung hi.

NUNGZUITU 3:21

Pathian in tanglaih a, profet thiangtho tei sung pen a sonsa bangin, ihempoh a thakin bawl hun a kim laklawh Jesuh cu vancungah um tuk hi.

ROM Khua Khristian Tei Lakah Paul i Laikuat (Paul’s Letter to the Romans) 12:5

Mahti bangin ohte vang cu mi tampi nave hungin Khrih tuah a pehdunnak uhah pumkhat hung hi. A pumpi uhah tisa khen tampi a pehdun khawng haw bangin pehdun khawng bok hung hi.

ROM Khua Khristian Tei Lakah Paul i Laikuat (Paul’s Letter to the Romans) 9:17

Izipt ngam a, Faro kumpipa i thu ah Lai Thiangtho in, “Nangmah cu kumpi in bawl ing a, leihum hempoh ah ka huham langtik tukin le ka min na thantiknak tukin teng ing hi,” tin ti hi.

1 KORIN 1:10

U le naute aw, nangmu sungah khenkheknak um tuk ngawlin na lungmu uh ailemno in um un, tin a Topa uh Jesuh Khrih minin ngen ing. Lemdunzet le lungmu munkhatno in tuptahnak bangtenno in, na um un.

GALATI 3:28

Mah hangin Judah mi le Gentail mi tin deidat dunnak umleh ma toh hi; sal le a luatmi, numei le pano ah hei hihen deidat dunnak umleh ma toh hi. Na venghawng uhin Khrih Jesuh tuah pehzop dunnak sungah pa khat hi uh ci.

EFESA 4:4

Pathian in, a samnak sanbel a muansan uhmi cu pa khat a hih bangin pumpi pa khat um a, Hawvang pa khat um bok hi.

FILIPI 2:9

Mah hangin a sangbelnak munah Pathian in cawisangto a, min hempoh lak pen a ngengbel min pia hi.

HEBRU 1:3

Amah cu Pathian sunloihnak langtiktu hi a, Pathian bang cikcek hi. Huham a neihmi thu tuah lei le van pumpi cu umtikin, cingkhawi hi. Mihing tei sualnak ngaidam le sual a thiantik ceng ten vanhum a Cungnungbel Pathian taklamah khung hi.

HEBRU 9:24

Mah a tatak a cuncop haw mi, mihing tei bawlmi Mun Thiangtho sungah Khrih cu tum ma hi. A tumnak cu vancungah hi a, atu-in eimu ai-awhin Pathian i mai ah um hi.

JAMES 4:4

Muantak ngawl mihingte leipi tuah ngualcam pha na hih uh cu Pathian tuah ngaldunnak hi tih thei ma uh cim? A kuakua hei in, leipi tuah a komduntu cu Pathian i ngalin, a bawlcopmi hi.

1 PETER 1:5

Hun dawlbel ten langtik tukin, atu a koihsami nunpatnak cu upnak hangin Pathian i huham tuah cinkhawimi nangmuh tei co tukmi lo le lam hi.

1 JOHAN 3:12

Kain bang hi kha pahsuh un; amah cu Satan i ca ah cangin, a nau Abel that hi. Ita Kain in Abel cu that him? Itahim titale a bawlmi khialin, a naupa i bawlmi cu a dik hangin hi.

1 JOHAN 5:19

Leihum buppi cu Satan in uk naven ohte cu Pathian ta hung hi tih thei hung.

JUDE 1:1

Khrih i nadektu le James i nau keimah Jude in, Pathian i sammi, Pa Pathian i ihmi le Jesuh Khrih i humhimnak sungah a ummi tei lakah hi laikuat hi ngan ing.

JUDE 1:24

Lum le bah tuk ngawlin cingkhawi a, sualnak nei ngawlin lungdamnak tuah a sunglawimi a umnakah a hen theitu,

MANGMUHNAK 15:4

Topa nangmah kihca ngawltu kua heng a um tuk? Na thawmngeng dan phuang tuk a, eltu akua um tuk him? Nangmah bek a thiangthomi hi ci. Minam hempoh na lakah hungin bia haw tuk hi. Itahim titale a dikmi na thil bawlmi cu mi hempohin mu zo haw hi,” tin sa haw hi.

MANGMUHNAK 19:12

A mitte cu mei alh bang hi a, a lu humah kumpi lukhu tampi khu hi. A humah a min ngatsa in um hi. Mahnaven amah sial ngawl kuamah in thei haw ma hi.

MANGMUHNAK 4:8

Mah nganhing pa li ten ha pa luk ten nei haw a, mah hate cu a sunglam, a pualamin mit nguakcang tuah dim hi. Sun le zan catngawlin, “Thiangtho, Thiangtho, Thiangtho, Cungnungbel Topa Pathian, um zo, umlaih le a um tuk laihmi hi,” tin lasa haw hi.