JOHAN 17:1 - Ngawm Bible

¹ Jesuh in hi thu a hilh ceng ten vanlam zoto in, “Ka Pa, a hun heng zo hi. Capa in nangmah a sunloihnak le huham a piak theihnak tukin na Capa i lakah sunloihnak pia tohin hi.

JOHAN 17:1 Iomraidhean Croise

SAAM LABU 123:1

Topa aw, na uknak vancung ngam cu zoto ing!

ISAIAH 38:14

Ka nunnak cu a phiah haw mi buak bangin bota. Thiambu pen ahmi puan bangin, Pathian in ka nunnak botik si maw, tin ti ing.

MARKA 14:41

A vei thumnak a kihleh ten amuh tei lakah, “Hihbu in, cawl hiahhuah thei laih uh cim? Tawk toh hen! A hun heng zo hi! Zo un! Mihing Capa cu misual tei khutah piak hi zo hi!

LUKA 18:13

“Mahnaven siahkhontu cu khawla thimah dingin van hei dakto ngam ngawlin a awmcumin, ‘Maw Pathian aw, kei hehpih zalin; kei cu misual, mikhial ing,’ tin ti hi.

LUKA 22:53

Nisial Biakinn ah nangmu lakah um leleng naveng man awng ma si uh si. Mahnaven atu-in khuathim huham cu ngil laihtak a hih tak nohtei nadeh can hi,” tin ti hi.

JOHAN 11:4

Jesuh in, mah thu a zak ten, “Lazaras i nat a tawpnak cu thihnak hi kha tukma hi. Hi hangin Pathian Capa sunloihnak a langnak tuk hi,” ti hi.

JOHAN 11:41

Suangpek cu thawn haw in, Jesuh cu van hekto in, “Pa aw, ka thu na ngaih hangin lungdam ing.

JOHAN 12:23

Jesuh in, “Mihing Capa cu minthannak ngengpi a ngahnak tuk hun heng zo hi.

JOHAN 13:1

Atu-in Kaltan Puainak tuk ni khat bek sam toh hi. Leihum zamsanin, Pa i lakah a hawh lehnak tuk hun heng zo tih thei hi. Hi leihum a ummi a mihingte khi it lelengin, amuhte a dawltawpnak tian it hi.

JOHAN 16:32

Ngai un hi. Na venghawng un taikeh khawngin, nangmu inn tekah zuan tuk uh ci a, keimah nguakcang na zam hun uh heng tuk hi. Mah hun cu atu-in heng zo hi. Mahnaven Pa cu keima lakah a um hangin keimah nguakcang kha ma ing hi.

JOHAN 7:30

Mahten amah cu man nuam haw naven kuamah in, a humah khut ha thei haw ma hi. Itahim titale a huncan kim ma laih hi.

JOHAN 7:39

Jesuh i hilhnuammi cu Hawvang Thiangtho thu hi. Mah Hawvang Thiangtho cu amah umtu hempoh tei ngah tukmi hi. Hi hunlaihin Hawvang Thiangtho cu piakin umma laih. Itahim titale Jesuh cu sunloihnak tuah thawhtik hi ma laih hi.

JOHAN 8:20

Jesuh i thuhilhnak mun cu, Biakinn sung a, sumpi koihnak mun hi a, ama huncan a kim laih ngawl hangin kuamah in man haw ma hi.

NUNGZUITU 3:13

Abraham, Isaak le Jakob tei Pathian, a pu le pa tei Pathian in ama sunloihnak cu a Capa Jesuh lakah pia zo hi. Mahnaven noh ten amah cu thuneitu tei khut sungah pia uh ci. Pilat in hah tung hi tin thu a sonsami cawmin, Pilat i maicang loli pen el zo uh ci.

1 PETER 1:21

Amah hangin Pathian muang uh ci, Pathian in amah cu thihnak pen tholehtikin, sunloihnak pia hi. Mah hangin na upnak uh le na muansannak uh cu Pathian humah a phutmi hi uh ci.