JOHAN 16:5 - Ngawm Bible

⁵ Mahnaven atu-in keimah a tiiktu Pa i lakah hawh tuk toh ing. Ilai ah hawh tuk nge cim? tin a dongtu umma laih uh ci.

JOHAN 16:5 Iomraidhean Croise

JOHAN 13:3

Pa in huham cangkim zetin pia zo hi tih cu Jesuh in theicop leng hi. Pathian lak pen hungin, Pathian nelah hawhleh tung hi tihvang cu thei hi.

JOHAN 13:36

Simon Peter in, “Topa, ilai ah kaw na hawh tuk?” tin dong hi. Jesuh in, “Ka hawhnak tuk munah atu-in zui thei tukma laih ci. Mahnaven tunung deuh ten zuileh tuk ci,” tin don hi.

JOHAN 14:28

“Hawh hih tung a, nohtei lakah hungleh tung hi,” tin ka hilhmi thu za zo uh ci. Keimah na it ngangai uh tale ka Pa i lakah ka hawh tuk hi lungdamzet tuk uh ci. Itahim titale amah cu keimah sangin ngeng saw hi.

JOHAN 16:10

Dikcangnak humah a ngaihsut khialdan haw hilhciang tung hi. Itahim titale kei cu ka Pa i lakah hawh tung a, na muhleh tuk uh ngawl toh hangin hi.

JOHAN 16:16

“Ngeican um ngawlin kei cu mu tukma toh uh ci a, imah can ngei ngawlin keimah muleh tuk uh ci.”

JOHAN 16:17

A nungzuitu khenkhat ten, “Hi thu sullam i nantim? Imah can um ngawlin keimah muleh tukma toh uh ci a, imah can ngei ngawlin keimah muleh tuk uh ci tin, a tih hi. Mahten ‘Pa i lakah ka hawh tuk hangin,’ tin ti lalaih sih hi.

JOHAN 16:28

Ka Pa i lak pen a hungmi tatak ing a, leihumah hung ing. Atu-in hi leihum pen tulin ka Pa i lakah hawh tung,” ti hi.

JOHAN 17:13

Atu-in nangma lakah hung tuk toh ing a; leihumah hi thu ka hilhnak cu ka lungdamnak amu lungmu sungah cangkim zetin, a neih theihnak haw tukin hi.

JOHAN 17:4

Nadeh na piakmi dek khawng zo ing a, na sunloihnak cu leihumah langtik zo ing.

JOHAN 6:62

Tehkipnakin Mihing Capa hi a umnaksa lengah a kaitoleh khi na mu uh bang ahin, itin ti kam ni uh ci?

JOHAN 7:33

Jesuh in, “Dawmlaih sung cu nangmu lakah um hih tung a, mah nungten keimah tiiktu pa i lakah hawh tung hi.

HEBRU 1:3

Amah cu Pathian sunloihnak langtiktu hi a, Pathian bang cikcek hi. Huham a neihmi thu tuah lei le van pumpi cu umtikin, cingkhawi hi. Mihing tei sualnak ngaidam le sual a thiantik ceng ten vanhum a Cungnungbel Pathian taklamah khung hi.

HEBRU 12:2

A upnak uh a patnak pen a tawpnak tian a sihsan uhmi Jesuh khi tawp ngawlin zo leng poh nung. Mailam ten a co tuk uhmi lungdamnak khi a tuptahmi a hih hangin thinglamteh hum a, zahcaknak tuah thih tuk hei poi sa ngawl thuakin, atu-in Pathian khunnak taklamah khung hi.