JOHAN 16:33 - Ngawm Bible

³³ Nohte cu keimah tuah na pehzomnak uh i hu le thawm hangin lungmuannak na ngah theihnak tuk uhin hi thu hi nohte hilh ing. Leihumin nohte cu haksatnak pia tuk hi. Mahnaven lau ngawlin ngalhang zetin um un! Leihumpi cu neh zo ing!” ti hi.

JOHAN 16:33 Iomraidhean Croise

SAAM LABU 68:18

Topa cu muallekah kai hi. A ngalmatmi tampi hawhpih hi. Ngalthotu tei lak pen laksawng tampi ngah hi. Topa Pathian cu mahlai ah um tuk hi.

MIKAH 5:5

lemdaihnak henpih tuk hi. Assiria miten a ngam uh do in, a ngalpannak mun uh a hen haw ten amuhte do tukin a puitu uh sung pen mi ngilbelte hah tuk hung.

MATTHAI 9:2

Mi khenkhat ten khut le ke zawngpa cu a zaunak tuah Jesuh lakah zawng haw hi. Jesuh in, upnak a neihdan haw a muh ten khut le ke zawngpa i lakah, “Ka capa, lau viang pahsun. Na sualnak cu ngaihdam hi zo hi,” ti hi.

LUKA 19:38

“Topa i minin, a hungmi Kumpipa i humah Pathian muicu um tahen! Vanah lemdaihnak um tahen na, Pathian nelah sunloihnak um tahen,” tin au haw hi.

LUKA 2:14

“A sangbel vanah Pathian cu thangphatin um tahen, A ihmi mihing tei umnak hi lei humah lemdaihnak um tahen,” tin sa haw hi.

JOHAN 12:31

Atu-in hi leihum thu a khen hun le leihum uktu neh huncan hi tuk toh hi.

JOHAN 14:1

Jesuh in, “Thinkham le ngaihsut haksa in, um pahsun un hi. Pathian um unna, keima hei um bok un hi.

JOHAN 14:27

Lungmuannak nohte zam ing. Keima lungmuannak tatak khi pia ing. Leihum mitei piakmi bangin pia kha mang hi. Lungmu tamin na umta pahsuh un hi. Thinsu li hei in, na umta pahsuh un hi.

JOHAN 16:11

Thukhennak thu i humah a ngaihsutdan haw khial hi. Itahim titale leihum uktu bawi cu thukhensa zo hangin hi.

NUNGZUITU 14:22

Thu umtute thapia thah pepelin, upnak sungah muantak zetin um tukin so pepel haw hi. “Pathian Uknak sungah a tum tukmi ahi uh tale haksatnak tampi a tawh tuk hihim uhmi hi,” tin zilh pepel haw hi.

NUNGZUITU 23:11

Mah zanin Topa cu Paul i elah dingin, “Imah lau pahsun! Hilai Jerusalem khua ah keima ca in ka tetti hi zo ci, hitih bangbok lengin Rom khua ah vangin ka tetti hi tuk laih ci,” ti hi.

NUNGZUITU 27:22

Mahnaven atu hei in thinsu pahsuh un tin hilh ing. Tinbaw cu sung tuk nave hungin eimuh cu lalthong tukma hung hi.

NUNGZUITU 27:25

Mah hangin unaupihte, lau pahsuh un! Itahim titale Pathian muang ing, a hilhsa bangkekin, hi tuk poh hi.

NUNGZUITU 9:31

Mahten Judah ngam, Galilee ngam le Samaria ngamsung a pawlpite cu ngimtano in um haw hi. Pawlpi cu Hawvang Thiangtho i bopnak tuah cak dedeuhin, mipum vang khang tawto haw a, Pathian kihcano in um haw hi.

2 KORIN 1:3

A Topa uh Jesuh Khrih i Pa le a Pathian, mi hehpihtu a Pa uh, ihempoh pen bopnak a piatu Pathian cu pahcawi nung hi.

2 KORIN 13:11

Atu-in u le naute damno in um zal un. Cangkimzet tukin zuam un. Ka ngetnakte khi ngai un, pa khat le pa khat thinkhat le lemdunno in um unna, itdunnak le lemdaihnak Pathian cu nangmuh tuah um kawm tuk hi.

2 KORIN 2:14

Pathian nelah thangphatnak um tahen! Itahim titale Khrih tuah a pehdun uhnak hangin Khrih i nehnak puai sungah a hawhtu tukin Pathian in lamhuai ngut hi. Khrih i thu cu khua hempoh ah pak namtui bangin tangzalhtu tukin Pathian in kohte cu mang hi.

2 KORIN 4:7

Mahnaven hi hawvang lo le lam thil a cotu kohte cu beellei tuah bawlmi beel bang poh ung hi; itahim titale a sangbel thuneihnak cu keimuta hi ngawlin Pathian ta hi tih langtiknakin hi.

2 KORIN 6:4

Thinsau zetin cimnak le haksatnak nam tuatuam thuakin mahten Pathian i nadektu ka hihnak uh langtik ung hi.

2 KORIN 7:4

Ka muan zetmi hi uh ci. Ka maiphatiktu vang nangmuh uh ci. Haksat mangbang ka tawh hei ten muansannak nei leleng ing. Ka lungdamnak vang let duaduah hi!

GALATI 1:4

Tuhun hi hunsia sung pen ohte luattik tukin Khrih in Pa Pathian i deihnak zui in, ohtei sualnak hangin a nunnak pia zo hi.

GALATI 6:14

Mahnaven kei ca in, a Topa uh Jesuh Khrih i thinglamteh sial ngawl tuangkhawn tuk a dang imah nei mang. Itahim titale Khrih cu thinglamtehah a thih zo hangin hi leihum pi hi kei ca in thi zo a, kei vang hi leihumpi i ca in, a nungmi hileh bokma toh ing.

FILIPI 4:7

Mahten mihing tei ngaihsut bat ngawlmi, Pathian i lemdaihnakin, na lungmu uh le na ngaihsutnak uh cu Khrih Jesuh tuah na pehzomnak uh sungah himdamno in koih tuk hi.

KOLOSE 1:20

Mahten a Capa i sung pen lei le van cu Pathian i lakah kiklehtik nuam hi. Pathian in, a Capa thinglamteh hum a, thisan i hangin van le lei a thil hempoh tuah lemnak bawlin mahten ama lakah pui kikleh hi.

1 THESALON 3:4

Itahim titale nangmu lakah ka umlaih uh khin bawlsiatnak thuak tuk hung hi tih cu hilh ham zo ing. Na theih uh bangin, ka hilh masanak bang cikcekin piang ngangai hi.

1 THESALON 3:7

Mah hangin u le naute, haksatnak le bawlsiatnak a tawk uh vangin nangmu hangin lungmu ngilcangzet ung. Thazaang a piatu cu nangmuh tei upnak hi.

2 THESALON 3:16

Lemdaihnak bulpi ohtei Topa in lemdaihnak cu a phunkimin, i hun bang hunah hei in, pia tahen. Topa cu nangmu venghawng lakah um tahen.

2 TIMOTE 3:12

A kuakua hei hihen Khrih tuah a pehdunnak hangin Pathian deihzawngin nun a tumtu cu bawlsiatnak tawk haw tuk hi.

HEBRU 11:25

Hun comno sung sualnak sungah nunnopin um tuk sangin Pathian i mihingte tuah haksat thuak tuk teng saw hi.

HEBRU 7:2

Mahten Abraham in, a ngal tei khut sung pen a lonmi thil cu Melkhizedek lakah seh sawm seh khat pia hi. (Melkhizedek min a sullam pa khatnak cu “Dikcangnak, Kumpipa,” tihnak hi. Amah cu Salem Kumpipa a hih bangin “Lemdaihnak kumpipa,” tih vangin hi.)

1 PETER 5:9

Na upnak uhah khohzet unna, dawihmangpa cu do un; itahim titale leihum khua hempoh a ummi thu umtute vang hiti bang haksatnakte thuak bok haw hi tih khi thei uh ci.

1 JOHAN 2:13

Pate aw, a pat pepan a um zo mi, na theih uh hangin hi laikuat hi nangmu lakah ngan ing. Khangnote aw, Satan na neh theih uh hangin hih laikuat hi nangmu lakah ngan ing.

1 JOHAN 4:4

Mahnaven ka cate aw, nohte cu Pathian cate hi uh ci. Profet man ngawlte vang neh zo uh ci. Itahim titale nangmu sungah a ummi Hawvang cu leihum mitei sung a, hawvang sangin ngil saw hi.

1 JOHAN 5:4

Itahim titale Pathian ca a himi hempoh ten hi leihum cu neh thei haw hi. Mahten a upnak uh hangin ohte cu leihum nehtu hi hung hi.

MANGMUHNAK 12:11

A unaupih uhten Tuuno thisan le thudik a phuan haw mi i thawmin, nehnak ngah zo haw hi. A nunnak haw vang piak phal haw a, thih vang ngam haw hi.

MANGMUHNAK 3:21

Nehtu hi zo ing a, atu-in ka pa i kumpi khunnak humah ka khun bangin nehtute cu ka kumpi khunnak humah khun theihnak thupia tung hi.

MANGMUHNAK 7:14

“Thei ma sing, Topa, nangmah in thei saw tuk ci,” tin donleh ing. Amah in, “Hi mite cu bawlsiatnak nasezet sung pen a himno in, a suakmite haw hi. A puan haw cu Tuuno thisan sungah sawpin, ngotik zo haw hi.

THUKHENTUTE 3:2

Israel mi khenkhat tei ngaldo hi iti bang him tih a theih awng laih ngawl ten ngaldo a zilnak haw tukin le a theihnak haw tukin a tantik himmi hi.