JOHAN 16:32 - Ngawm Bible

³² Ngai un hi. Na venghawng un taikeh khawngin, nangmu inn tekah zuan tuk uh ci a, keimah nguakcang na zam hun uh heng tuk hi. Mah hun cu atu-in heng zo hi. Mahnaven Pa cu keima lakah a um hangin keimah nguakcang kha ma ing hi.

JOHAN 16:32 Iomraidhean Croise

ZEKHARIAH 13:7

Cungnungbel Topa in, “Maw, ngalnam, tho inna, ka ca in, nadektu tuucingte cu satin! That inna, tuute cu mun tihkimah lengkek khawng haw tahen. Mi nautate cu keimah in siatsuah tung a;

MATTHAI 26:31

Jesuh in, “Tuzan loli ah na venghawng uhin keimah taisan khawng tuk uh ci; itahim titale Lai Thiangtho in, ‘Pathian tuucingpa cu that tung a, tuuhonte cu taikeh haw tuk hi,’ tin ti hi.

MATTHAI 26:56

Mahnaven profet tei Lai Thiangtho sungah a ngatmi haw a kim theihnak tukin hitih bangin bawl hi uh ci,” ti hi. A nungzuitu ten Jesuh cu zamsanin, taisan khawng hawta hi.

MARKA 14:27

Jesuh in, “Na venghawng uhin keimah zam tuk uh ci; Lai Thiangtho sungah, ‘Pathian in tuucingtu cu that tuk a, tuute cu vakkek khawng haw tuk hi,’ tin ngatsa in um hi.

MARKA 14:50

Mahten a nungzuitu hempoh ten zamsan khawng haw hi.

JOHAN 12:23

Jesuh in, “Mihing Capa cu minthannak ngengpi a ngahnak tuk hun heng zo hi.

JOHAN 16:2

A pumkhawm inn haw pen nangmuh hawlvawk haw tuk a, mahbek sial ngawlin nangmuh a thah tuk khi Pathian nadeh pa khat hi tin a ngaihsut hun heng tuk hi.

JOHAN 16:25

“Tuni tianin santehnak tuah ngehin hilh ing. Mahnaven ka Pa i thu cu santehnak tel ngawlin ciangkohin ka son hun heng tuk hi.

JOHAN 16:31

Jesuh in, “Atu aw keimah um toh uh cim?

JOHAN 19:27

Mahten a nungzuitu tei lakah, “Amah cu na nu uh hi,” tin ti hi. Mah pepanin nungzuitu pa in, Jesuh nu cu a innah umtik hi.

JOHAN 20:10

Mahten a nungzuitute cu amu innah pinleh haw hi.

JOHAN 4:21

Jesuh in, a lakah, “Numei nu, ka hilhmi hi umin: Miten Pathian cu hi mualah hihen, Jerusalem hei ah hihen a biak haw ngawl hun heng tuk hi.

JOHAN 4:23

Mahnaven Pathian i Hawvang ngilnak hangin Pathian a bia tatak ten Pa cu Hawvang le thutak tuah a biak haw hun heng tuk hi; mah hun cu atu-in hung zo hi. Mahti bangin biak tuk cu Pathian in, a deihmi hi.

JOHAN 5:25

Thutakin hilh ing hi; mithi ten Pathian Capa i aw a zak haw hun heng tuk bek hi ngawlin, atu-in, a zatu hempoh ten nunnak a ngah haw hun heng li zo hi.

JOHAN 5:28

Hi bang a hih hangin lamdangsa pahsuh un. Mithi hempoh ten a aw cu zain,

JOHAN 8:16

Mahnaven thu ka khen tuk bang ahin, ka thukhennak cu thuman hi tuk hi. Itahim titale hi thu ah keimah nguakcang kha mang hi. Kei a tiiksuktu ka Pa cu keimah tuah um kawm ung hi.

JOHAN 8:29

Keimah a tiiktu Pa hei cu keima lakah umin; ama deihnak bangin na ka deh hangin keimah nguakcang zamthong ma,” ti hi.

NUNGZUITU 21:6

Mahten pa khat le pa khat “Damno tukin maw,” tin tidunin kohte cu timbaw humah kai ung a, amuhte vang innah pin haw hi.

NUNGZUITU 8:1

Stefen a thah haw cu Saul vangin a lungkim bok hi. Mah ni pepan Jerusalem a, pawlpite cu nase zetin bawlsiatnak thuak haw hi. Nungzuitu sialngawl, a dang thu umtu hempoh cu Judah ngam le Samaria ngam sungah khenkeh khawng haw hi.