JOHAN 16:28 - Ngawm Bible

²⁸ Ka Pa i lak pen a hungmi tatak ing a, leihumah hung ing. Atu-in hi leihum pen tulin ka Pa i lakah hawh tung,” ti hi.

JOHAN 16:28 Iomraidhean Croise

LUKA 24:51

Mahti bangin muicu a piak laihin, amu lak pen vanah cawi tohin um hi.

LUKA 9:51

Jesuh cu vanah lak tohin, a umnak tuk hun nai nawnawm toh hangin Jerusalem lamah hawh tuk ngaisung catin hawh hi.

JOHAN 13:1

Atu-in Kaltan Puainak tuk ni khat bek sam toh hi. Leihum zamsanin, Pa i lakah a hawh lehnak tuk hun heng zo tih thei hi. Hi leihum a ummi a mihingte khi it lelengin, amuhte a dawltawpnak tian it hi.

JOHAN 13:3

Pa in huham cangkim zetin pia zo hi tih cu Jesuh in theicop leng hi. Pathian lak pen hungin, Pathian nelah hawhleh tung hi tihvang cu thei hi.

JOHAN 14:28

“Hawh hih tung a, nohtei lakah hungleh tung hi,” tin ka hilhmi thu za zo uh ci. Keimah na it ngangai uh tale ka Pa i lakah ka hawh tuk hi lungdamzet tuk uh ci. Itahim titale amah cu keimah sangin ngeng saw hi.

JOHAN 16:10

Dikcangnak humah a ngaihsut khialdan haw hilhciang tung hi. Itahim titale kei cu ka Pa i lakah hawh tung a, na muhleh tuk uh ngawl toh hangin hi.

JOHAN 16:16

“Ngeican um ngawlin kei cu mu tukma toh uh ci a, imah can ngei ngawlin keimah muleh tuk uh ci.”

JOHAN 16:30

Nangmah in ihempoh thei khawng ci, kuamah i dotlih na kul ngawllam cu atu-in theiciang ung hi. Hi thu in nangmah cu Pathian lak pen a hungtu pa na hihlam um khotik hi,” tin ti haw hi.

JOHAN 16:5

Mahnaven atu-in keimah a tiiktu Pa i lakah hawh tuk toh ing. Ilai ah hawh tuk nge cim? tin a dongtu umma laih uh ci.

JOHAN 17:11

Atu-in, na lakah hung tung a, kei cu leihumah umleh tukma toh naven amuhte cu leihumah um haw tuk laih hi. A thiangthomi ka Pa, nangmah le keimah pa khat a hih uh bangin leihumah a umlaih mite cu pa khat a hih theihnak tukin na piakmi na min i huham tuah humhimin hi.

JOHAN 17:13

Atu-in nangma lakah hung tuk toh ing a; leihumah hi thu ka hilhnak cu ka lungdamnak amu lungmu sungah cangkim zetin, a neih theihnak haw tukin hi.

JOHAN 17:5

Pa aw! Leipi bawl laihngawl khin nangmah tuah ka neimi sunloihnak khi atu-in, na mitmuhah pia in hi.

JOHAN 8:14

Jesuh in donlehin, “Mah kha ma hi. Keima thu lala ka son cop li vangin ka sonmi thu cu thuman hi. Itahim titale ilai pen hungin, ilai ah hawh tung kaw tihvang thei zo ing. Nohten ilai pen hung ing a, ilai lamah hawh tung kaw tih hei thei ma uh ci.

JOHAN 8:42

Jesuh in, “Pathian cu na pa ngangai uh ahi tale keimah it tuk uh ci. Itahim titale kei cu Pathian lak pen hungin, atu-in hilai ah um ing. Keima thu in hung cawm mang hi. Keimah tiiktu pa i thu tuah hung ing.