JOHAN 16:27 - Ngawm Bible

²⁷ Itahim titale ka Pa amah hihimin nohte it hi. Noh ten keimah it in, keimah hi Pathian lak pen a hungmi hi tih na um uh hangin nohte it hi.

JOHAN 16:27 Iomraidhean Croise

ZEFANIAH 3:17

Topa na Pathian cu na nelah um hi, a ngilnak huhamin nehnak pia hi. Topa cu na humah a lungdamin, a hehpihnak hangin nunnak thak pia tuk hi. Lasa tuk a, na humah a lungdam tuk hi.

MATTHAI 10:37

Kua hei hihen, keimah sangin a nu le pa a it saw tu cu ka nungzuitu tukin tak ma hi. Keimah sangin a canu hihen, a capa hihen, a it saw tu cu ka nungzuitu tukin tak ma hi.

JOHAN 14:21

Ka thupiak pomin, a zuitu cu keimah ittu hi. Ama lakah keimah le keimah lang tung hi.

JOHAN 14:23

Jesuh in, “Kei a ittu pawpohin ka thu khi ngai tuk hi. Amah cu ka Pa in, it bok tuk a, keimah le ka Pa cu hungin ama lakah um tuk ung hi.

JOHAN 16:30

Nangmah in ihempoh thei khawng ci, kuamah i dotlih na kul ngawllam cu atu-in theiciang ung hi. Hi thu in nangmah cu Pathian lak pen a hungtu pa na hihlam um khotik hi,” tin ti haw hi.

JOHAN 17:23

Leihumin nangma tiikmi ing tih a theihnak haw tukin le keimah na ih bangin amuh vang na ihlam a theih theihnak haw tukin, kei cu amu sungah umin, nang cu keima sungah um ci.

JOHAN 2:11

Jesuh in nalamdang a bawl masabelmi cu Galilee peng Kanaan khua ah bawl hi. Mahlai ah a sunloihnak langtikin, a nungzuitu ten um haw hi.

JOHAN 3:13

Vancung pen a tolh sukmi Mihing Capa sial ngawl kuamah vancungah a kaitu um haw ma,” ti hi.

JOHAN 7:29

Mahnaven kei cu thei ing. Itahim titale ama lak pen hung ing a, a tiiksuktu cu amah hi,” tin nging zetin au hi.

JOHAN 8:42

Jesuh in, “Pathian cu na pa ngangai uh ahi tale keimah it tuk uh ci. Itahim titale kei cu Pathian lak pen hungin, atu-in hilai ah um ing. Keima thu in hung cawm mang hi. Keimah tiiktu pa i thu tuah hung ing.

ROM Khua Khristian Tei Lakah Paul i Laikuat (Paul’s Letter to the Romans) 8:3

Mihing hihnak hi a nawmtam leita hangin daan i bawl theih ngawlmi khi Pathian in bawlsak hi. Ama Capa loli pia in, mihing hihnak sung a ummi sualnak khi thukhennak pia hi; mah a Capa cu sualnak bothaltik tukin mihing hihnak tuah hung hi.

1 KORIN 15:47

Lei a bawlmi masabel Adam cu lei pen hung hi. A pa nihnak Adam cu van pen hung hi.

1 KORIN 16:22

Kua hei in, Topa a deih ngawltu cu a humah siatnak heng tahen. Maranatha: Topa hung tohin hi.

2 KORIN 5:14

Ka hi uh tale nangmuh hangin hi. Mi pa khat cu mi hempoh tei ai-in thi hi. Mahmi a thihnak sungah kua hempoh telin kawm bok hung hi tih theih ngah nungten Khrih i itnakin uk hi.

GALATI 4:4

Mahnaven hun thiahmi a hen hun ten Pathian in, a Capa hah hi. Numei sung pen hingin Judah tei Daan nuai ah nung hi.

EFESA 6:24

A catngawlmi itnak tuah a Topa uh Jesuh a ittu na venghawng uh lakah Pathian hehpihnak cu kho zal tahen.

1 TIMOTE 1:15

Khrih Jesuh cu misual tei nunpan tukin leihumah tolh hi tihmi cu a manmi awn hi a, cangkim zetin pomtak le santak hi, mah misual tei lak pen kei cu misualbel ing.

HEBRU 12:6

Itahim titale Topa in, a ih mite nun hilhin, ca tatakin a lakmite cu dantat mek hi.”

1 PETER 1:8

Amah cu mu awng ma nave uhcin it uh ci, mu ma nave uhcin um uh ci. Mah hangin kam hei son zawh ngawlmi a sunglawimi lungdamnak nei uh ci.

1 JOHAN 4:19

Pathian a itnak uh cu amah in, a it masak hangin hi.

MANGMUHNAK 3:19

Ka it ka deihmite cu liatin dantat ing. Mah a hih hangin hantiam inna, sualnak pen kiklehin hi.

MANGMUHNAK 3:9

Ngai un! Judah mi hi ung ti sihin, ahi ngangai ngawl zolthu sontu Satan mihingte cu na lakah hawhin, na mai ah kuntik tung hi. Nangmah ka ihnak thu hi a venghawng haw in thei haw tuk hi.