JOHAN 16:22 - Ngawm Bible

²² Mahti bang bokin nohte vang hi bok tuk uh ci. Atu-in, na tha uh sia hi. Mahnaven nohte cu muleh tung a, na lungmu uh cu lungdamnak tuah dim tuk hi. Mah lungdamnak cu kua mah i lonsak thei ngawl tohmi lungdamnak hi tuk hi.

JOHAN 16:22 Iomraidhean Croise

JOB Laibu (The Book of Job) 34:29

Pathian in zamsan thong tukin a ngaisung tale, akua in kaw a mawhsiat thei tuk? A mai a sel ten milai ten ikaw a tih theih haw tuk?

SAAM LABU 146:2

Ka nunsung hempoh amah thangphat tung. Ka nunsung catngawlin ka Pathian nelah lasa tung;

SAAM LABU 33:21

Amah hangin na lung uh dam hi. A min thiangtho muang hung hi.

ISAIAH 25:9

Mah hun a hen ten a kuakua hei in, “Amah cu ka Pathian uh hi! Amah cu muang zo toh ung, amah in nunpan zo hi! Amah cu Topa hi! Ama lakah ka muannak uh cu koih ung, lungdam thatui in um zo ung; itakaw titale pan zo toh hi,” tin ti haw tuk hi.

JEREMIAH 31:12

Zion mualah lungdam zetin lasa thahin hung haw tuk a, an, sabit, olif situi ka laksawng hangin le tuu le khui ka laksawng hangin thatui haw tuk hi. Tui tamzet leihmi huan bang haw tuk a, a kulmi haw hempoh nei haw tuk hi.

MATTHAI 28:8

Mah hangin manlang zetin khan pen pin haw a, lau thah sih, lungdam thahsihin nungzuitute a hilh tukin tai haw hi.

LUKA 10:42

Mahnaven a kul ngangai mi cu pa khat bek um hi. Mary in thil dik teng ngah zo tohin, kuamah in lonsakleh thei haw tukma toh,” ti hi.

LUKA 16:25

Mahnaven Abraham in, ‘Ka capa aw, ngaisungin hi. Na nunlaih khin thilpha hempoh ngah kim zo toh ci. Lazaras in thilpha ngawl hempoh khi co hi. Mahnaven atu-in amah cu hilai ah hin nunnopin um hi. Nang cu atu-in, a thuak hi ci.

LUKA 19:26

A sazapa haw in, ‘Ciang zetin hilh ing. Thil a nei mitei lakah a dang piakbet hi tuk hi. Mahnaven a nei ngawltu lak pen a neihcalam demno nangawn laksak hi tuk hi.

LUKA 24:41

Mahnaven um zo cuang haw ma laih hi. Lungdam bangsih, amthim bangsihin um haw laihin, “Hilai ah an eih tuk nei uh cim?” tin dong hi.

JOHAN 14:1

Jesuh in, “Thinkham le ngaihsut haksa in, um pahsun un hi. Pathian um unna, keima hei um bok un hi.

JOHAN 14:19

Imah can um ngawlin leihumpi in, kei cu muleh tukma toh hi. Mahnaven noh ten kei cu mu tuk uh ci. Mahbek sial ngawlin keimah ka nun bang bokin nohte vang nungbok tuk uh ci.

JOHAN 14:27

Lungmuannak nohte zam ing. Keima lungmuannak tatak khi pia ing. Leihum mitei piakmi bangin pia kha mang hi. Lungmu tamin na umta pahsuh un hi. Thinsu li hei in, na umta pahsuh un hi.

JOHAN 16:16

“Ngeican um ngawlin kei cu mu tukma toh uh ci a, imah can ngei ngawlin keimah muleh tuk uh ci.”

JOHAN 16:20

Thutakin hilh ing. Nohte cu kapin, au li tuk uh ci. Mahnaven leipi cu a lungdam tuk hi; na tha uh sia in, khua ngai tuk naven uhcin na khua ngaihnak hempoh uh cu lungdamnakin suakleh tuk hi.

JOHAN 16:6

Atu-in ka hilh zo hangin na lungmu sung uhah thasiatnak tuah dim uh ci.

JOHAN 21:7

Jesuh i ihbelmi a nungzuitu in Peter i lakah, “Topa pahcuh!” ti hi. Peter in, Topa hi tih a theih ten a vante a duhsa khawng hangin a angki cu nawhkhah mahtak silhin tui sungah dawksuk hi.

JOHAN 4:14

Mahnaven ka piakmi tui a intute cu ituk mahten dangdumleh haw tukma toh hi. Keima piak tukmi tui cu a sungah ciktui in cang tuk a, mahmi in nunnak tui le kumkhua nunnak pia tuk hi,” ti hi.

NUNGZUITU 13:52

Antiok khua a thu umtute cu lungdamnak le Hawvang Thiangtho tuah dim haw hi.

NUNGZUITU 16:25

Zanngil laihtakin, Paul le Silas cu thungenin Pathian thangphatnak lasa in, thawngta dang ten ngai haw hi.

NUNGZUITU 2:46

Ni khat nung ni khat Biakinn sungah tawkdun khawm haw in; a inn hawah ante kawmin, niamkhiatnak le lungdam thatuino in, ei langkhat haw hi.

NUNGZUITU 5:41

Nungzuitute cu khonsil upa tei lak pen a tul haw ten lungdamzet haw hi; Itahim titale Jesuh min hangin minsiatnak thuak tukin Pathian i teksa hi tin ngaisung haw a hih hangin lungdam mahtak haw hi.

2 KORIN 6:10

Ka lung uh siatik mek haw naven lungdam zetin um leleng ung; kohte cu mi zawngzet bang nave ung, mi tampi mihau in cangtik ung hi. Imah nei ngawl bang hi naven ung, ihempoh neitu ung hi.

2 THESALON 2:16

Kohte it in, a hehpihnak i hangin catngawlin ngilnak le muankhonak a piatu Topa Jesuh Khrih le Pa Pathian in,

HEBRU 10:34

Thawngtate a haksatnak haw thuakpih uh ci. Na neih uhmi van hempoh a lonsak khawng haw ten, na sunnak uhte cu lungdamin umpih thei uh ci; itahim titale hi vante sangin a pha saw mi le kumkhua a kho leleng tukmi nei leng hung tih khi thei uh ci.

HEBRU 6:18

Hi thu pa nih hi thek thong theih ngawlmi a hih hangin Pathian hei in hi thu humah zolthu sonnuam ma hi. Mahti bang a hih hangin ama lak pen humhimnak a ngahtu cu ngalphatnak le thathonak ngengpi nei in, a mai uhah a koihsami muansannak cu khimzet pom hung hi.

1 PETER 1:8

Amah cu mu awng ma nave uhcin it uh ci, mu ma nave uhcin um uh ci. Mah hangin kam hei son zawh ngawlmi a sunglawimi lungdamnak nei uh ci.