JOHAN 16:2 - Ngawm Bible

² A pumkhawm inn haw pen nangmuh hawlvawk haw tuk a, mahbek sial ngawlin nangmuh a thah tuk khi Pathian nadeh pa khat hi tin a ngaihsut hun heng tuk hi.

JOHAN 16:2 Iomraidhean Croise

ISAIAH 65:5

Mahnaven midang tei lakah, ‘tawngkha pahsuh un, mi thiangtho ve ung,’ tin ti haw hi. Hiti bang mihingte cu a thuak hei thuak thei ma toh ing, a hum haw a, ka thinuknak cu a mit awng ngawlmi mei bang hi.

ISAIAH 66:5

Topa i otmi hi ngai hem un, noh amah a lautu le a thu zuitute; “Keimah na muang uh hangin na phunpih uh mi khenkhat ten, hua in, imah simsial haw ma hi. Zotsaknak tuah ‘Lungdam thatui in, na khuasak uh cu mu nuam ung hi.’ Mah hangin Topa in, a ngilnak langtikin hup hen,” tin ti haw hi. Mahnaven amuhte saw zakca haw tuk hi.

DANIEL 11:33

Mipi lak a, hotu ten a cihnak haw cu mi tampi tei lakah kawm bok haw tuk hi. Mahnaven a ngei ngawlin mahmi khenkhatte cu ngaldonakah thi haw tuk a, khenkhatte cu mei tuah halkang haw tuk hi. Mi khenkhat cu a van haw lonsak hi haw tuk a, thawngah khiak hi haw tuk hi.

MATTHAI 10:28

Taksa pumpi that thei in, hawvang a that thei ngawltu cu lau pahsuh un. Taksa pumpi le hawvang a pa nihin hell sungah a that theitu Pathian lau saw un hi.

MATTHAI 24:9

Mahten nohte cu man haw tuk a, dantat tuk le thah tukin mi khutah hengtik haw tuk hi. Keima hangin miphun hempoh ten hua haw tuk hi.

LUKA 6:22

Mihing Capa i hangin miten nangmuh hua in, a deidat hangin le zawnsakin, a sonsia haw ahi tale mi muicu hi uh ci.

JOHAN 12:42

Hiti bangin hi thu a piang vangin Judah thuneitu tampi ten Jesuh cu um haw hi. Mahnaven Farasi ten Biakinn pen hawlvawk tuk a lau haw hangin langtaak zetin awn ngam haw ma hi.

JOHAN 16:25

“Tuni tianin santehnak tuah ngehin hilh ing. Mahnaven ka Pa i thu cu santehnak tel ngawlin ciangkohin ka son hun heng tuk hi.

JOHAN 16:32

Ngai un hi. Na venghawng un taikeh khawngin, nangmu inn tekah zuan tuk uh ci a, keimah nguakcang na zam hun uh heng tuk hi. Mah hun cu atu-in heng zo hi. Mahnaven Pa cu keima lakah a um hangin keimah nguakcang kha ma ing hi.

JOHAN 4:21

Jesuh in, a lakah, “Numei nu, ka hilhmi hi umin: Miten Pathian cu hi mualah hihen, Jerusalem hei ah hihen a biak haw ngawl hun heng tuk hi.

JOHAN 4:23

Mahnaven Pathian i Hawvang ngilnak hangin Pathian a bia tatak ten Pa cu Hawvang le thutak tuah a biak haw hun heng tuk hi; mah hun cu atu-in hung zo hi. Mahti bangin biak tuk cu Pathian in, a deihmi hi.

JOHAN 9:22

A nu le pa ten ita hi bangin donleh haw him titale, Judah thuneitu ten Jesuh cu Khrih hi tin, a titu pawpoh cu biaknak inn pen hawlvawk tuk hung hi, tin lungkimnak a neihsa haw mi a lau haw hangin hi.

JOHAN 9:34

Amuh ten, “Nang, sualnak sung pen tulin sualnak tuah a khangtomi in kohte thuhilh tuk ngen ngaisung bok cu?” tin pumkhawm inn pen hawlvawk haw hi.

NUNGZUITU 5:33

Mahtin a tih haw cu khonsil sungtel ten a zak haw ten thinuk mahtak haw in, nungzuitute cu that khawng nuam ngangai haw hi.

NUNGZUITU 7:56

“Zo hem un! Van cu hongdunin Pathian taklamah mi capa ding leng khi mu ing,” ti hi.

1 KORIN 4:13

Zotsaknak ka tawh uhten awnnemno in don ung. Kohte cu leihum a buaknawn bang thongpoh ung hi; tuni tianin mitei lakah a deih haw ngawlmi le a vawk haw mite poh ung hi.

FILIPI 3:6

ka thin pulhang zetin pawlpi mite bawlsia ing. Daan zui in midik hih theihnak lamah keimah cu a khial ngawlmi ing.

MANGMUHNAK 6:9

Tuuno in tacik pa nganak duuk hi. Pathian thu a hilh haw hangin le muantak zetin, a phuan ngamnak haw hangin, thahnak tawktu tei hawvangte cu biaklandawh nuai ah mu ing.

THUKHENTUTE 6:30

Joash lakah khuasungmi ten, “Na capa cu hilai ah suahtul inna, that tuk ung, Baal biaklandawh pheletin, a el a, milim Asherah phuk hi,” tin ti haw hi.