JOHAN 16:14 - Ngawm Bible

¹⁴ Amah in keima cungcang ka hilhsami thu khi la in nangmu lakah hilh tuk a, amah in sunloihnak pia tuk hi.

JOHAN 16:14 Iomraidhean Croise

ZEKHARIAH 12:10

David casuante le Jerusalem khua a midangte cu hehpihnak lungmu le thunget nuamnak lungmu tuah a lungmu haw dimtik tung hi. Mi a dawhhup sa mi cu zo lehin, a ca neihcalam haw thi in, a kah haw bangin kap haw tuk hi. A capa upabel haw thi in, lungleng khawngai tei umdan bangin um haw tuk hi.

JOHAN 14:21

Ka thupiak pomin, a zuitu cu keimah ittu hi. Ama lakah keimah le keimah lang tung hi.

JOHAN 15:26

Ka Pa i lak pen Bawmtu, Hawvang heng tuk a, amah cu Pathian i thutak langtiktu tuk hi. Ka Pa i lak pen tiik tung a, keima cungcang hilh tuk hi.

JOHAN 7:39

Jesuh i hilhnuammi cu Hawvang Thiangtho thu hi. Mah Hawvang Thiangtho cu amah umtu hempoh tei ngah tukmi hi. Hi hunlaihin Hawvang Thiangtho cu piakin umma laih. Itahim titale Jesuh cu sunloihnak tuah thawhtik hi ma laih hi.

1 KORIN 12:3

Mahnaven Pathian Hawvang i lampui miten, “Jesuh cu tamsiat hi tahen,” tin ti thei tukma hi. Hawvang Thiangtho lampui mite bekin, “Jesuh cu Topa hi,” tin ti thei haw tuk hi.

2 KORIN 4:6

“Khuathimnak sung pen khuavaknak suak hen,” tin, a titu Pathian cu Khrih i mitmai hum a, Pathian i sunloihnak khi ka theih zawhnak tukin keimu lungmu sungah a vaknak piatu cu Pathian amah leleng hi.

GALATI 5:5

Mahnaven ohtei a muansan uhmi cu Pathian amah in thiancotik tuk tihmi hi. Mahmi cu eimu upnak i hangin Pathian i Hawvangin bawlsuak tuk hi tih a ngahhelhzet uhmi hi.

1 PETER 2:7

Thu umtu nangmuh tei ca in suang manpha hi. Mahnaven umngawltu tei ca in, “Inn satu tei nemcuam ma tin, a lawl haw mi suang cu man neibel suangin suak hi,” tihmi khi hi.

1 JOHAN 3:23

Thu a piakmi cu Khrih i thupiakmi bangin, a Capa Jesuh Khrih umin, pa khat le pa khat a ihdun theihnak tukin hi.

1 JOHAN 5:20

Pathian Capa hungsukin, ohtei nelah theihnak pia zo tih theih hung hi. Amah cu thuman tih thei hung a, ohte cu thuman sungah um hung hi. A Capa Jesuh Khrih sungah hei um hung hi. Himi hi kumkhua nunnak thuman hi.

1 JOHAN 5:6

Jesuh Khrih cu tuiphumnak le thisan luangin thihnak tuah a hungmi hi. Tui tuah bekin hungmi hi ngawlin tui le thisan tuah a hungmi hi. Hitih bang a hunnak cu a dikmi loli hi tin Hawvangin theihpih hi; itahim titale Hawvang cu thutak hi.

MANGMUHNAK 19:10

Mahten amah bia tukin a ke bulah kun ing; mahnaven amah in, “Mahtin kun pahsun, kei vang nangmah bangbokin, a nadektu ing hi. Jesuh i phuanmi thutak a pom ngahtu na unaupih tei lak pen pa khat hi bok ing hi; Pathian bek biak tukmi hi,” ti hi. Profette lungthotiktu cu Jesuh i phuanmi thutak khi hi.