JOHAN 16:13 - Ngawm Bible

¹³ Mahnaven Hawvang Thiangtho a hen ten Pathian i thutak langtiktu a hih hangin thutak hempoh sungah lamhuai tuk hi. Ama thuno in, awn tukma naven a zakmi cu hilhin, a heng tuk laihmi thu vang hilh tuk hi.

JOHAN 16:13 Iomraidhean Croise

ISAIAH 11:2

Topa i hawvangin cihnak pia tuk hi. A mite uk thiamnak le theihtupnak pia tuk hi. Topa i deihnak cu thei in, kihca tuk hi.

JOEL 2:28

Tu nungten mi hempoh humah ka Hawvang buak tung a, na capa le canu uhten ka thu phuang haw tuk hi. Na putek uhten mangmanin, Na khangno uhten muhnak nei haw tuk hi.

JOHAN 12:49

Hi thu hi thuman hi. Itahim titale keima thu in hilh mang hi. Keimah tiiktu pa i thupiaknak bangin hilh ing.

JOHAN 14:17

Amah cu Hawvang hi ama Pathian thutak langtiktu hi. Leihumpi in amah pom thei ma hi. Itahim titale a theih haw ngawl hangin le amuh bat haw ngawl hangin hi. Mahnaven noh ten amah khi thei uh ci. Itahim titale nangmu lakah umcih leng a, na sung uhah amah a nun hangin hi.

JOHAN 14:26

Mahnaven Ka Pa in keima minin, a tiik tukmi Bawmtu, Hawvang Thiangtho in, nohte cu ihempoh hilh tuk hi. Nangmuh ka hilhmi thu hempoh cinglengtik tuk hi.

JOHAN 14:6

Jesuh in, “Kei cu lampi, thutak le nunnak ing. Keimah tawn ngawlin kuamah in ka Pa i lakah heng thei haw tukma hi.

JOHAN 15:26

Ka Pa i lak pen Bawmtu, Hawvang heng tuk a, amah cu Pathian i thutak langtiktu tuk hi. Ka Pa i lak pen tiik tung a, keima cungcang hilh tuk hi.

JOHAN 16:12

Thuhilh tuk tampi nei laih ing. Mahnaven atu-in, cing khawng zo tukma uh ci.

JOHAN 3:32

Amah in, a muhmi le a zakmi thute hilh naven kuamah in, a thu cu pom haw ma hi.

JOHAN 8:38

Kei cu ka Pa i laksami thute bek phuang ing. Mahnaven nohten na pa uh i hilhsa bek bawl uh ci,” ti hi.

NUNGZUITU 11:28

Amu lak a, profet pa khat Agabas a tih haw mipa cu dingto a, Hawvang i huham tuah awnin, “Leihum khua hempoh ah paampi heng tuk hi,” tin hilhham hi. Mah paampi cu Klaudias i Rom kumpi a deh sungin heng hi.

NUNGZUITU 20:23

Khua hempoh ah thawngtaknakleh haksatnak bebekin ngak hi, tih cu Hawvang Thiangtho i ngallinnak a piaknak i hangin thei ing.

NUNGZUITU 27:24

‘Paul, lau pahsun hi, Rom kumpipa i mai ah na din kul hi! Pathian na humah a phat hangin nangmah tuah a hawhtute cu pa khatno hei thi ngawlin a nunnak haw khawih khawng tuk hi,’ tin ti hi.

2 THESALON 2:12

Mahten thutak sang ngawlin, sualnak lam a tengtu cu siatnakah heng haw tuk hi.

2 THESALON 2:3

Kuamah in zol haw pahsuh hen. Itahim titale dawlbel ngal dodunnak a hen laih ngawl le hell sungah a cak tukmi Mi Ngilo Pa a hen laih ngawlin Topa i ni cu heng tukma hi.

HEBRU 1:1

Tanglaihin Pathian in, a pu le pa tei lakah profette mangin vei tampi in thuhilh hi.

1 JOHAN 2:20

Mahnaven nohte cu Khrih in Hawvang thiangtho a buak zo hangin na venghawng uhin thutak theitu hi uh ci.

1 JOHAN 2:27

Nohte cu Khrih in, nangmu humah a Hawvang a buak zo hangin mah a Hawvang cu nangmu sungah a um sungin midang tei zilh lih kulma toh uh ci. Itahim titale a Hawvangin ihempoh hilhin, a hilhmi cu zolthu kha ma, thuman hi; mah hangin Hawvang i zilhmi cu zui unna, Khrih tuah pehzomdun lelengin um un.

1 JOHAN 4:6

Mahnaven ohte cu Pathian ta hung hi. Pathian a theitu hempohin eimu thu ngai haw hi. Pathian ta ahi ngawlmi in eimu thu ngai haw ma hi. Mahten a dikmi Hawvang le a dik ngawlmi hawvang deidatnak cu mu thei hung hi.

1 JOHAN 5:6

Jesuh Khrih cu tuiphumnak le thisan luangin thihnak tuah a hungmi hi. Tui tuah bekin hungmi hi ngawlin tui le thisan tuah a hungmi hi. Hitih bang a hunnak cu a dikmi loli hi tin Hawvangin theihpih hi; itahim titale Hawvang cu thutak hi.

MANGMUHNAK 1:1

Hi thu hi Jesuh Khrih i phuanmi hi: A hengpal tukmi nate, a sila tei lakah langtik tukin Pathian in, a lakah a phuanmi hi. Mahmi cu Khrih in, a vancungmi pa khat hahin, a sila Johan lakah a theihtikmi hi.

MANGMUHNAK 1:19

Mah hangin na muhmi nate, tulaihtak a, a ummi le mailam a, a um tuk laihmite hi nganin hi.