JOHAN 16:11 - Ngawm Bible

¹¹ Thukhennak thu i humah a ngaihsutdan haw khial hi. Itahim titale leihum uktu bawi cu thukhensa zo hangin hi.

JOHAN 16:11 Iomraidhean Croise

PIANPATNAK 3:15

Numei nu tuah ngalduntik tung a, na casuan uh tianin ngaldun tuk uh ci. Amuh ten na lu supeek haw tuk a, nang vangin, a kecawk cik tuk ci,” tin ti hi.

SAAM LABU 68:18

Topa cu muallekah kai hi. A ngalmatmi tampi hawhpih hi. Ngalthotu tei lak pen laksawng tampi ngah hi. Topa Pathian cu mahlai ah um tuk hi.

MATTHAI 12:18

“Ka tenmi ka nadektu pa cu hilai hah um, Ka ihmi le a humah ka lungdam zetmi hi. A humah ka Hawvang koih tung a, Ka thukhennak cu mi phun hempoh tei lakah than tung.

MATTHAI 12:36

“Thungai in hilh ing hi; kua hei hihen ngalling ngawlin a otmi cu Thukhen Ni ten ita mahti bangin awn kaw, tin a hilhciangleh kul tuk hi.

LUKA 10:18

Jesuh in, “Khuaphelep bangin vanhum pen Satan caksuk mu ing.

JOHAN 12:31

Atu-in hi leihum thu a khen hun le leihum uktu neh huncan hi tuk toh hi.

JOHAN 14:30

Hi leihumpi uktu pa hung li toh a hih hangin thu saupi sonpih man lehma toh ing. Keima humah thuneihnak imah nei ma hi.

JOHAN 16:12

Thuhilh tuk tampi nei laih ing. Mahnaven atu-in, cing khawng zo tukma uh ci.

NUNGZUITU 10:42

Mahten mitei lakah Thuthangpha hilh tukin le amah cu a nungmi le a thi mitei humah thukhentu in, a bawlnak vang a hilhtu tukin tiik hi.

NUNGZUITU 24:25

Mahnaven Paul in, a phatnak thu, mah le mah supnak thu le a heng tukmi thukhennak thu a hilh ten Felix cu a thinsu in, “Atu-in kikleh hihin hi. Hun ka neih ten samleh tung,” ti hi.

NUNGZUITU 26:18

A mit haw haktik tuk ci a, khuathimnak sung pen khuavaknakah Satan huham sung pen Pathian i lakah kiklehtik tuk ci. Mahten keimah a upatnak haw i hangin a sualnak haw cu ngaihdam hi haw tuk a, Pathian i mihing tenmi sungah tel bok haw tuk,” ti hi.

ROM Khua Khristian Tei Lakah Paul i Laikuat (Paul’s Letter to the Romans) 16:20

Eimuh tei lemdaihnak bulpi Pathian in nangmu ke nuai ah Satan cu tanpekin, ngawikeh bilhbelh tuk hi. Topa Jesuh Khrih i hehpihnak cu nangmuh tei nelah um tahen.

ROM Khua Khristian Tei Lakah Paul i Laikuat (Paul’s Letter to the Romans) 2:16

Mah hangin Pathian in Jesuh Khrih tawnin, mi hempoh tei lungmu sungah a ngaihsut kuh haw mi cu thu a khen ni ten, ka phuanmi Thuthangpha bangin thukhen hi tuk hi.

1 KORIN 4:5

Mah hangin a hun a kim laih ngawlin kuamah in, a thu haw son pahsuh un hi. Topa a hun ten dawlbel thukhennak um tuk hi. Amah in khuathim sung a selmi thukuhte cu khuavak sungah tulpih tukin, mihing tei lungmu sung a ngaihsut kuhte cu phuanglang khawng tuk hi. Kuakua hei in Pathian lak pen a co haw tukmi covo thangphatnak cu ngah haw tuk hi.

2 KORIN 4:4

Mahmi ten sang haw ma hi, itahim titale hi leihum i pathian sesuakin, a lungmu haw cu khuathim lakah a koih leleng hangin hi. Thuthangpha i vaknak Khrih i sunloihnak pen a hengmi vaknak cu mu haw ma hen tin mah pathian in lim leleng hi. Khrih cu Pathian tuah bangve loli hi.

EFESA 2:2

Mah hun laihin leihum daan pha ngawl zui uh ci; Van le lei laklawh a hawvang huham neitu, Pathian thu a zui nuam ngawlte uktu i thu khi zui uh ci.

KOLOSE 2:15

Mahten hawvang uktu tei huham cu thinglamteh pen siatsuah khawng a, ngalmatmi sal bangin pui khawng hi.

HEBRU 2:14

Mahten “Naupangte” tin a sammi a mihingte cu thi le sa a neimi a hih haw hangin Jesuh hei cu amuh bangin thi le sa nei in mihing nunah nung bok hi. Hi tin, a bawlnakin, a tuptahmi cu ama thihnak pen thihnak hum a, thuneitu Satan khi siatsuahin,

HEBRU 6:2

Tuiphumnak thu le khutsuannak thu, mithi thawhlehnak thu le kumkhua thukhennak thu, a bul pepan kikleh li tukma toh hung.

HEBRU 9:27

Mihing cu a kuakua hei hihen vei khat thih dan poh hi; mahnung ten Pathian in thukhen tuk hi.

2 PETER 3:7

Mahnaven atu a ummi van le lei pi hi mei tuah siatsuah tukin, Pathian i thupiaknak lelengin, a khawih hihmi haw hi. Pathian a zawnsaktute cu thu a khen ni le siatnak a tawh haw tuk ni ca in khawih hihmi hi haw hi.

1 JOHAN 3:8

Kua hei hihen sualnak a bawl lelengtu cu Satan ta hi. Itahim titale Satan cu a pat pepan sualnak a bawltu hi. Pathian Capa a hunnak cu Satan nadehnak siatsuah khawng tukin hi.

MANGMUHNAK 1:7

Zo un! Khrih cu meingo hum pen hung tuk a, mi hempoh ten mu haw tuk hi; amah a suntute vangin mu bok haw tuk hi. Leihum mi hempoh ten sikkikin, kap haw tuk hi. Mahtin um tatak tuk hi! Amen.