JOHAN 16:10 - Ngawm Bible

¹⁰ Dikcangnak humah a ngaihsut khialdan haw hilhciang tung hi. Itahim titale kei cu ka Pa i lakah hawh tung a, na muhleh tuk uh ngawl toh hangin hi.

JOHAN 16:10 Iomraidhean Croise

ISAIAH 42:21

Topa cu mi pan tukin a nuam zetmi Pathian hi. Mah hangin a daan le a thuzilhmi sunloihin, A mihingte hei in upat haw hen tih deih hi.

DANIEL 9:24

“Sualnak le phatngawlnak pen na mihingte le na khuapi a luatnak tukin Pathian in kum sawm salih i let salih teksa zo hi. Sualnak cu ngaihdam hi tuk a, diknak cu kumkhua khohtik tuk hi, a hilhsami le na muhmite cu heng ngangai haw tuk a, Biakinn thiangtho cu a thakin, thianthohtik hileh tuk hi.

JOHAN 16:28

Ka Pa i lak pen a hungmi tatak ing a, leihumah hung ing. Atu-in hi leihum pen tulin ka Pa i lakah hawh tung,” ti hi.

JOHAN 16:5

Mahnaven atu-in keimah a tiiktu Pa i lakah hawh tuk toh ing. Ilai ah hawh tuk nge cim? tin a dongtu umma laih uh ci.

JOHAN 3:14

“Moses in phillawn pen ngolh humah daal ngul a khai bangin Mihing Capa vang khai hi bok tuk hi;

JOHAN 5:32

Mahnaven keima ai-in keima thu a hilhtu tuk midang pa khat umin, ka thu a hilhmi cu man tih thei ing.

JOHAN 7:33

Jesuh in, “Dawmlaih sung cu nangmu lakah um hih tung a, mah nungten keimah tiiktu pa i lakah hawh tung hi.

NUNGZUITU 17:31

Itahim titale a tensami mi pa khatin leihum buppi hi diknak tuah thukhencat tukin ni ciangtan zo hi. Mahmi thu cu thihnak pen tholehtik zo toh,” ti hi.

NUNGZUITU 2:32

Pathian in Jesuh loli cu thihnak pen tholehtikin, mahmi a theihpihtu tetti cu keimuh hi ung hi.

NUNGZUITU 3:14

Jesuh cu mi thiangtho le miphazet hi naven noh ten kik uh ci; mah i humah Pilat lakah laithattu saw hah tukin ngen uh ci.

NUNGZUITU 7:52

Na pu le pa tei bawlsiat ngawlmi profet pa khatno bek um haw ni maw? A dikmi Pathian i Salpa hung tuk hi tin ni dang laih cawngin, a phuangtu Pathian i palai that haw hi. Atu-in mah a dikmi a salpa cu zuakin that uh ci!

ROM Khua Khristian Tei Lakah Paul i Laikuat (Paul’s Letter to the Romans) 1:17

Itahim titale Pathian in Amah le mihing tei laklawhah itin lemnak bawl him tih khi langtikin; mahmi cu a patnak pen a tawpnak tian upnak hangin hi. Lai Thiangtho vangin “Upnak hangin Pathian tuah a lemdunmi cu nung haw tuk,” ti hi.

1 KORIN 1:30

Khrih Jesuh cu na nunnak uhah a bulpantu cu amah Pathian hi. Pathian in Khrih cu eimu cihnak tukin bawl hi. Khrih i hangin ohte cu Pathian tuah lemdun zo hung. Pathian mi thiangtho in suak zo hung a, a suakcami hi zo hung hi.

2 KORIN 5:21

Khrih i hangin Pathian i dikcangnak kawm thei bok tukin, Pathian in eimuh tei sualnak hangin, sualnak a nei vingviang ngawlmi Khrih cu misualah cangtik hi.

GALATI 5:5

Mahnaven ohtei a muansan uhmi cu Pathian amah in thiancotik tuk tihmi hi. Mahmi cu eimu upnak i hangin Pathian i Hawvangin bawlsuak tuk hi tih a ngahhelhzet uhmi hi.

1 TIMOTE 3:16

A biaknak sung uh a, thu-ip cu ngeng ngangai hi, tih cu kuamah in el thei haw tukma hi. Amah cu mihing bangin langto a, a diknak thu cu Hawvangin langtikin, vancungmite vangin mu haw hi. A thu le la cu mi hempoh tei lakah phuan hi a, leihum khua hempoh ten um haw in, vancungah lato haw hi.

1 PETER 3:18

Itahim titale mihing tei sualnak hangin Khrih cu kumkhua phaat thihnak thuak hi; nangmuhte Pathian nelah hen tukin mipha pa cu misual tei ai-in thi hi. A tisa in thihnak thuak naven Hawvangin nunglehtik hi.