JOHAN 15:8 - Ngawm Bible

⁸ Noh ten ngah tampi na ngahnak uh i hu le thawm hangin ka Pa i sunloihnak na langtik uh hangin ka nungzuitu na hih theihnak uh hi.

JOHAN 15:8 Iomraidhean Croise

ISAIAH 60:21

Na miten a manmi bawl haw tuk a, hi ngam cu a kumkhua in luah haw tuk hi. A venghawng haw humah ka thawm ngengnak langtik tukin ka phutmi le ka bawlmi hi haw hi.

ISAIAH 61:3

Zion pen a tauli tei lakah thasiatnak ai-in, lungdam thatuinak Khaw-ngaihnak ai-in, thangphatnak la hentu tukin keimah hah zo hi. Topa ama phutmi thingkung bang hi haw tuk hi. A venghawng haw in, a manmi bawl haw tuk a Pathian cu a thil bawlmi hangin thangphat hi tuk hi.

HAGGAI 1:8

Mualhumah kai un, thingte la in, Biakinn saleh un. Ka lungdam tung a, mahlai ah ka sunloihnak langtik tung hi.

MATTHAI 5:16

Mahtibang bokin na vaknak uh cu mitei mai ah vaktik saw unna, thilpha na bawl uhmi amuh haw ten van a ummi na Pa uh thangphat haw tuk hi.

MATTHAI 5:44

Mahnaven kei in, hi bangin hilh ing, na ngalte it inna, a bawlsiatu tei ca in thunget sak un.

MATTHAI 9:8

Mahmi cu mipi in amuh haw ten lamdangsa sihin, hitih bang thuneihnak hi mihing lakah a piak hangin Pathian min thangphat haw hi.

LUKA 6:35

Mahti bang kha ma hi! Na ngalte it unna, amu humah phatnak bawl un, ngahleh tung tin ngaihsutnak tuah sum leicawi pahsun hi. Mahti bang na bawl uh tale laksawng tampi ngahin, Cungnungbel Pathian i ca hi tuk uh ci. Itahim titale amah cu misual le lungdamnak thei ngawl tei humah hei in pha hi.

JOHAN 13:35

Pa khat le pa khat na itdun uh tale mi hempoh ten nohte cu keima nungzuitu na hihlam thei haw tuk hi,” tin don hi.

JOHAN 15:5

Sabit nguipi cu keimah ing a, nohte cu a kangkak hi uh ci. Akua hei hihen keima sungah umin, kei vang a sungah ka um bok tale ngah tampi ngah thei tuk hi. Itahim titale keimah tel ngawlin imah bawl theih ma uh ci.

JOHAN 8:31

Jesuh in, amah a umtu Judah mitei lakah, “Ka thuzilhnak na zui uh tale ka nungzuitu tatak hi tuk uh ci.

1 KORIN 10:31

Hi zuh hi; iti bang nate na bawl uh hei in, na eih uhten hei hihen, na in uhten hei hihen, a venghawngin Pathian sunloihnakin bawl un hi.

1 KORIN 6:20

Aman piakin lei mite uh ci. Mah hangin na taksa uh Pathian sunloihnak tukin mang un hi.

FILIPI 1:11

Jesuh Khrih bek i piak theihmi ngamtat pha ngangai cu na nunnak uhah dim tuk a, mahmi cu Pathian thangphatnak le sunloihnak tukin hi.

TITUS 2:10

Mahten nate vang ngu haw pahsuh hen. Mipha a hihnak hawleh muantak a hihnak haw langtik saw haw tahen na, mahten a bawl haw mi hempoh ah nunpantu a Pathian uh thu a zilh uhmi humah thangphatnak hengtik haw tuk hi.

1 PETER 2:12

Pathian a um kha ngawl tei lakah zohteh tak tukin nung unna, phat ngawlnak a bawltu tin sual a nawn haw hei in, na ngamtat phatnak uhte mu in, Pathian a hunleh ni ten amah cu thangphat haw tuk hi.

1 PETER 4:11

Ihempoh humah Pathian in Jesuh Khrih hangin thangphatnak a ngah theihnak tukin thusontu ten Pathian i thu son unna, nadektu ten Pathian piakmi thazaang tuah dek un hi. Sunloihnak le huham hempoh cu kumkhua in amata hi. Amen.