JOHAN 15:5 - Ngawm Bible

⁵ Sabit nguipi cu keimah ing a, nohte cu a kangkak hi uh ci. Akua hei hihen keima sungah umin, kei vang a sungah ka um bok tale ngah tampi ngah thei tuk hi. Itahim titale keimah tel ngawlin imah bawl theih ma uh ci.

JOHAN 15:5 Iomraidhean Croise

THUPAUCAP 11:30

Diknak i ngah cu nunnak hi. Mahnaven phatngawlnakin nunnak cu paitik thei hi.

HOSEA 4:8

Ka miphun tei sualnak hangin mihau cang uh ci a, sualtik nuam sesem uh ci.

MATTHAI 13:21

Lungdam zetin pom haw naven, amu sung thukpi ah a mut ngawl hangin ngeiphat ma hi. A pom haw mi thu le la hangin haksatnak le bawlsiatnak a hen ten tawpleh paih haw hi.

JOHAN 12:24

Thutak hilh ing; leisung a, cinmi anci cu a muat masa ma tale amah cu cang khat bekno leng tuk hi. A thih hihta ceng ten anci dang tampi piangtik thei hi.

JOHAN 15:16

Noh ten keimah teng kha ma uh ci. Keimah in nangmuhte teng saw ing hi. Mah hangin ka minin, na nget uhmi hempoh pa in pia tuk hi.

JOHAN 5:19

Mah hangin Jesuh in, a lak hawah, “Thutakin hilh ing; Capa in, a mahno in imah bawl thei ma hi. A Pa i bawlmi a muhmite bek bawl hi. Pa i bawlmi cu Capa hei in bawlbok hi.

JOHAN 9:33

Hi pa hi Pathian lak pen a hungmi ahimata hitih bangte bawl thei tukma hi,” tin ti hi.

NUNGZUITU 4:12

Ama sung bekah nunpatnak um hi; Pathian i piakmi nunpatnak sialngawl leihum hempoh ah min dang kuamah umma,” ti hi.

ROM Khua Khristian Tei Lakah Paul i Laikuat (Paul’s Letter to the Romans) 12:5

Mahti bangin ohte vang cu mi tampi nave hungin Khrih tuah a pehdunnak uhah pumkhat hung hi. A pumpi uhah tisa khen tampi a pehdun khawng haw bangin pehdun khawng bok hung hi.

ROM Khua Khristian Tei Lakah Paul i Laikuat (Paul’s Letter to the Romans) 6:22

Mahti bangin thil sual i thaman cu thihnak hi! Mahnaven atu-in sualnak pen luattik hi zo uh ci, Pathian i sila in cang zo uh ci. Na met uhmi cu Pathian nelah nunnak na ap khawng uhmi nunnak thiang hi, mahmi i a suahpihmi cu kumkhua nunnak hi.

ROM Khua Khristian Tei Lakah Paul i Laikuat (Paul’s Letter to the Romans) 7:4

U le naute, nangmu thu ah vang mahtih bang lelengin hi. Daan thu son ka hi tale, nohte cu Khrih pumpi i khenkhat na hih zo uh hangin a thi mi hi uh ci. Mahnaven atu-in Pathian i nadehnakah nemcuammi na hih theihnak tukin thihnak pen thawhlehtikmi pa ta hi zo uh ci.

1 KORIN 10:16

Topa i Takeih eihnakin, a man uhmi khuathai ca in Pathian nelah thungenin lungdamnak hilhin, a in uhten hi khuathai cu Khrih i thisan kawmdun hi ma hung maw? Mahten Cangho a eih uhten Khrih i pumpi kawmdun hi ma hung maw?

1 KORIN 12:12

Khrih cu taksa pumpi bang hi. Taksa pum cu pa khat hi, mahnaven khen tampi um hi.

1 KORIN 12:27

Na venghawng uhin Khrih i pumpi hi uh ci. Mahten bulpak tekin, taksa khen hi ten uh ci.

2 KORIN 13:8

Itahim titale thutak langpang thei tukma hung; a pan pih bek panpih thei hung.

2 KORIN 9:10

Mahten pawi tuk anci a piatu le eih tuk an a piatu Pathian in, na kul uhmi anci hempoh pia tuk hi. Mahten phal zetin, na piak uh hangin na ankungte uh vang khangtikin, an tampi ngah tuk uh ci.

GALATI 5:22

Mahnaven Hawvang i ngah a ngahtikmi cu itdunnak, lungdamnak, thinnopnak, lungmuannak, hehpihnak, phatnak, muantakmi hihnak,

EFESA 5:9

Itahim titale phatnak phunkim, dikcangnak le thutak a piangtiktu cu vaknak hi.

FILIPI 1:11

Jesuh Khrih bek i piak theihmi ngamtat pha ngangai cu na nunnak uhah dim tuk a, mahmi cu Pathian thangphatnak le sunloihnak tukin hi.

FILIPI 4:13

Khrih i piakmi huham tuah ihempoh nawkzawh theihnak ngilnak nei zo ing.

FILIPI 4:17

Ka deihmi cu na laksawng uh ngah tuk bek hi kha ma hi; nangmu cazin sungah a met um bok hen tih hi lak nuam ing.

KOLOSE 1:10

Mahten Topa i deihnak bangin nung thei tuk uh ci, amah lungdamtik leleng thei tuk uh ci. Mahten na nunnak uhin ngah pha a phunkim ngah tuk a, Pathian na theihnak uhah khangto pepel tuk uh ci.

KOLOSE 1:6

Pathian i hehpihnak na theih masakbel ni uh pepan atu tian, Thuthangpha in muicu cu nohtei lakah henpihin leihum khua hempoh ah zaitik hi.

JAMES 1:17

A phami le a cangkimmi laksawng hempoh cu vancung pen a hung mite hi. Vancung a, vaknak bawltu Pathian lak pen hung haw hi. A bawlmi nate kheel naven Pathian cu kheel awng ma hi. Hun le cante a hel li vangin Pathian lak pen khuathim tih um awng ma hi.

1 PETER 2:4

Topa i lakah hung un; Amah cu mihing ten nemcuam ma hi tin, a lawl haw hei in Pathian in, a sunglawi tin, a tenmi a nungmi suang hi.

2 PETER 3:18

Ohtei Topa le nunpantu Jesuh Khrih hehpihnak le amah theihnak sungah khangto sesemta un. Ama lakah sunloihnak cu atu le kumkhua in um leleng tahen! Amen.