JOHAN 15:4 - Ngawm Bible

⁴ Keimah tuah pehzom leleng unna, kei vang nangmuh tuah peh leleng tung hi. Sabit kung cu amahno in ngah cawm thei ma hi. Sabit nguipi ah a pehzom bek ten ngah thei hi. Mahti bang bokin nohte vang keima sungah na umma uh tale ngah thei tukma uh ci.

JOHAN 15:4 Iomraidhean Croise

SOLOMON LA 8:5

Oh! sulcam pen tul ngel kua kaw a lenlung tuk val pa, a khut lenleng a le. Na semnak dongdawhno, apple kung nuai pen phong ing;

HOSEA 14:8

Israel mite cu milim tuah pehdunnak neileh haw tukma toh hi. A thungetnak haw ngai in, cingkhawi leleng tung hi. A ceh a hing lelengmi thingkung pi bangin ka lim nuai ah koih tung hi. Keimah cu a muicu ngahnak bulpibel ing hi tin,” ti hi.

MATTHAI 12:33

“Thing ngah pha a ngah theihnak tukin thingkung a dam masa tuk kul hi. Thingkung ngi na ngawl na nei tale, a ngahsia tuk hi. Thingkung cu a ngah pen theihtheih hi.

LUKA 8:15

Lei ngam phatnakah a cuu mi anci i sullam cu Pathian thu cu za haw a, lungmu pha le thuhilh sangin, a tawp tian ngah nei in, a umtute haw hi,” tin ti hi.

JOHAN 14:20

Mah ni le hun a hen ten kei cu ka pa i sungah ka um lam thei tuk uh ci. Nangmuh vang keima sungah na um lam uh le nangmu sungah kei ka um lam thei bok tuk hi uh ci.

JOHAN 17:23

Leihumin nangma tiikmi ing tih a theihnak haw tukin le keimah na ih bangin amuh vang na ihlam a theih theihnak haw tukin, kei cu amu sungah umin, nang cu keima sungah um ci.

JOHAN 6:56

Ka taksa ei in, ka thi a intute cu keima sungah nung haw in, kei hei amu sungah nung bok ing.

JOHAN 8:31

Jesuh in, amah a umtu Judah mitei lakah, “Ka thuzilhnak na zui uh tale ka nungzuitu tatak hi tuk uh ci.

NUNGZUITU 11:23

Barnabas cu Antiok khua a hen ten Pathian i mipi tei lakah thupha a piakdante amuh ten a lungdam zetin, a lungmu hempoh haw tuah Topa umin, muantakmi thu umtu a hih theih hawnak tukin thazaang pia hi.

NUNGZUITU 14:22

Thu umtute thapia thah pepelin, upnak sungah muantak zetin um tukin so pepel haw hi. “Pathian Uknak sungah a tum tukmi ahi uh tale haksatnak tampi a tawh tuk hihim uhmi hi,” tin zilh pepel haw hi.

2 KORIN 13:5

Upnak sungah um hung maw? Um ma hung him tih theihciannakin nangmuh le nangmuh cekdun un. Jesuh Khrih eimu sungah um tatak tih thei ngai uh cim? A um tatak ngawl ahi tale mi lawhting ngawl hi uh ci.

GALATI 2:20

Mah hangin a nungmi cu kei hi lehma toh ing. Ka sung a nungmi cu Khrih saw na hi. Atu nung ing ka tihmi cu keimah it in, keima ca nun a piatu Pathian Capa upnak tuah nung ing.

EFESA 3:17

nangmu upnak thawmin, na lungmu uh cu Khrih in ama innah bawl zal tahen, tin thungen ing. Thu ka nget bet uhmi cu na zung uh cu itnak sungah mantik unna,

FILIPI 1:11

Jesuh Khrih bek i piak theihmi ngamtat pha ngangai cu na nunnak uhah dim tuk a, mahmi cu Pathian thangphatnak le sunloihnak tukin hi.

KOLOSE 1:23

Mahti bang a hih hangin na bulpatnak uh a kho zetmi humah kho zetin upnak tuah ding leleng un hi; Thuthangpha na zaknak uh pen na co ngah uhmi muansannak tuah kuamah in khen haw pahsuh hen. Hi Thuthangpha i ca in, keimah Paul hi, nadektu hi ing a, leihummi hempoh tei lakah a hilh haw mi Thuthangpha hi.

KOLOSE 1:27

Pathian i tuptahmi cu mi hempoh tei ca in ngaihsutsa mi a sunglawi le nalamdang thu-ip cu atu-in, a mihing tei lakah langtik tukmi khi hi. Mah a thu-ip cu nangmu sungah a ummi Khrih a tihnuammi a hih hangin Pathian i sunloihnak khi kawm bok tuk uh ci tihnak hi.

KOLOSE 2:6

Khrih Jesuh cu a Topa uh hi tih a pom ngah ciang zo uh hangin, amah tuah pehzomin nung un hi.

1 THESALON 3:5

Mah hangin ven Timote ka hahnak cu, na thu uh imah thei ngawlin um cu ka thuak theih ngawl toh hangin le na upnak uh thu ka theih nuam hangin ka hahnak hei hi. Satan in zol tuk a, ka nadeh uhmi hempoh thawnthongin, um kha kawn tih khi lauzet ing.

HEBRU 10:39

Ohte cu nungkikin, a pha thongmi hi ma hung hi. Upnak nei in, nunpatnak a cotu saw hung hi.

1 JOHAN 2:6

A kuakua hei hihen Pathian tuah pawlkomnak nei ing a titu in, Jesuh Khrih bangin nung tuk hi.

2 JOHAN 1:9

Akua hei hihen Khrih thuzilhnak sungah um ngawlin a valthau in, a nungtu cu Pathian nei ma hi. Mahnaven Khrih thuzilhnak sungah a umtu cu, Pathian nei in, a Capa vang nei bok hi.