JOHAN 15:21 - Ngawm Bible

²¹ Mahnaven hi thute hempoh cu keima mihing na hih uh hangin nohtei humah bawl haw tuk hi. Itahim titale keimah a tiiktu Pa khi a theih haw ngawl hangin hi.

JOHAN 15:21 Iomraidhean Croise

SAAM LABU 69:7

Nangmah hangin zotsaknak tawk ing, zahcaknak tampi thuak ing.

ISAIAH 66:5

Topa i otmi hi ngai hem un, noh amah a lautu le a thu zuitute; “Keimah na muang uh hangin na phunpih uh mi khenkhat ten, hua in, imah simsial haw ma hi. Zotsaknak tuah ‘Lungdam thatui in, na khuasak uh cu mu nuam ung hi.’ Mah hangin Topa in, a ngilnak langtikin hup hen,” tin ti haw hi. Mahnaven amuhte saw zakca haw tuk hi.

MATTHAI 10:18

Keima hangin uktu le kumpipa tei mai ah henpih haw tuk a, amuh le Gentail mitei lakah ka thu phuan theihnak hun pha nei tuk uh ci.

MATTHAI 10:22

Keima hangin mi hempoh ten hua haw tuk hi. Mahnaven a dawltawpnak tianin, a nang zo ten nunpatnak ngah haw tuk hi.

MATTHAI 10:39

Ama nunnak hup a tumtu cu a nunnak sung tuk hi, mahnaven keima hangin a nunnak a piatu cu nunnak hup ngah tuk hi.

MATTHAI 24:9

Mahten nohte cu man haw tuk a, dantat tuk le thah tukin mi khutah hengtik haw tuk hi. Keima hangin miphun hempoh ten hua haw tuk hi.

MATTHAI 5:11

“Keima nungzui na hih uh hangin miten zawnsakin, bawlsiatnak le a phunkimin sual a nawn haw tale thupha muicu ngahmi hi uh ci.”

MARKA 13:13

Keimah hangin nohte cu mi hempoh ten hua haw tuk naven a dawlbel tian a thuak, a nang theitu ten nunpatnak ngah haw tuk hi.

LUKA 21:12

Mahti bang thil a hen laih ngawlin noh cu mat tawkin, bawlsiatnak thuak tuk uh ci. Pumkhawm innah na thu uhte son tukin le thawng khiak tukin midang tei khutah piakin um tuk uh ci. Keima min hangin kumpi bawi le uktu bawi tei mai ah tulpih haw tuk hi.

LUKA 21:17

Keimah hangin mi hempohin hua haw tuk hi.

LUKA 6:22

Mihing Capa i hangin miten nangmuh hua in, a deidat hangin le zawnsakin, a sonsia haw ahi tale mi muicu hi uh ci.

JOHAN 15:24

Kuamah i bawl awng ngawl ka bawlmite cu bawl ngawlin ka umta ahin, amuh tei humah sualnak um tukma hi. Mahnaven atu tianah ka bawlmi khi mu leng haw naven ka Pa le Keimah hua haw hi.

JOHAN 16:3

Ka Pa hei hihen, keimah hei hihen a theih haw ngawl hangin hitih bangin nohtei humah bawl haw tuk hi.

JOHAN 17:25

A dikcangmi Pa aw! Leihum ten nangmah thei haw ma naven kei in nangmah thei ing a, nangma tiikmi ka hihlam cu thei bok haw hi.

JOHAN 8:19

Amuh ten, “Na Pa cu ilai ah kaw a um?” tin dong haw hi. Jesuh in, “Keimah hei thei ma uh ci, ka Pa hei thei ma uh ci. Keimah na thei uh bang ahin ka Pa vang thei bok tuk nave uhcin,” tin don hi.

JOHAN 8:54

Jesuh in, “Keimah pahcawi duncop tale keimah le keimah pahcoih dunnak cu imah man nei tukma hi. Keimah a pawhcawitu cu ka Pa hi. Mahmi cu ka Pathian hi, tin na tih uhmi khi hi.

JOHAN 8:55

Nohten amah cu thei awng ma uh ci. Mahnaven kei in thei ing. Thei mang ka ti ahin nangmuh bangin zolthu son hi bok tung hi. Mahnaven amah cu thei ngangai ing a, a thu vang mang ing.

NUNGZUITU 17:23

Itahim titale na khuapi sung uhte ka hawh ten Pathian na biaknak uhte ka zo ten biaklandawh pa khat humah, ‘Theih ngawlmi Pathian nelah,’ tin na ngat uh mu ing. Mahtin thei ngawl napi in, na biak uhmi Pathian cu atu nangmu lakah ka phuan lihmi hi.

NUNGZUITU 26:9

Nazareth mi Jesuh i thu cu ka do theih zahin do tung, tin keimah loli in ka ngaihsut awngmi hi.

NUNGZUITU 3:17

“Mah hangin ka u le naute, nangmuh le na hotu uhten Jesuh i humah na bawl uhmi hi na theih ngawl uh hang bawl uh ci tih cu thei ing.

NUNGZUITU 4:17

Mahnaven hi thu hi mipi tei lakah zalhkeh tuk ngawlin Jesuh minin kuamah i lakah thusonleh toh pahsuh un, tin ti nung,” tin son haw hi.

NUNGZUITU 5:41

Nungzuitute cu khonsil upa tei lak pen a tul haw ten lungdamzet haw hi; Itahim titale Jesuh min hangin minsiatnak thuak tukin Pathian i teksa hi tin ngaisung haw a hih hangin lungdam mahtak haw hi.

NUNGZUITU 9:14

Atu hei in thiampi upa tei thuneihnak tuah nangmah a biatu hempoh man tukin Damaskas ah heng si,” ti hi.

NUNGZUITU 9:16

Mahten keima ca in, a thuak tuk mite cu lak tung,” ti hi.

ROM Khua Khristian Tei Lakah Paul i Laikuat (Paul’s Letter to the Romans) 1:28

Hitih bang mihing ten Pathian thudik cu a lungmu sung hawah thei nuam ngai ngawlin lungmu nawngkainak sungah Pathian in hengtik hi. Mah hangin bawl tuk ngawl nate khi bawl haw hi.

1 KORIN 15:34

Na lungmu uh khanglo unna, na sualnak uh cawl toh un. Mi khenkhat cu Pathian hei na theih uh ngawl hangin zakca haw hen tin ka tihmi hi.

1 KORIN 2:8

Hi leihum a uktu kuamah in mah cihnak cu thei awng haw ma hi. A thei haw ahin a sunglawi Topa cu thinglamteh humah that haw tukma hi.

2 THESALON 1:8

Pathian thei ngawlte le Topa Jesuh i Thuthangpha a um a sang nuam ngawl cu mei sungah khia in, bawlsia tuk hi.

1 JOHAN 3:1

Pathian, ohtei Pa i a ihdan hi ngaisung teh un! A ihnak cu nase ngangai in, Pathian cate tin sammi hung hi. Mahtin a tih bangin hi ngangai hung hi. Mah hangin hi leipi in ohte a theih ngawlnak cu! Pathian hei thei haw ma hi.

3 JOHAN 1:7

Itahim titale Khrih nadehnak lampi a pat haw ten umngawltu tei lak pen imah la ngawlin pan haw hi.

MANGMUHNAK 2:3

Na thinsau in, keima hangin thuak navecin, thakiam ma ci.