JOHAN 15:2 - Ngawm Bible

² Ngah a ngah ngawl a kung hempoh cu talh khawngin, ngah a ngahmi a kungte cu tam sesemin, a ngahnak tuk thiang siuhseuhno in bawl hi.

JOHAN 15:2 Iomraidhean Croise

JOB Laibu (The Book of Job) 17:9

Upat takmi ing tin, a ngaisungdun cop ten, dik ung hi tin muangdun sesem haw hi.

SAAM LABU 92:14

a tek ceng sawng haw hei ten ngah haw hi; Kumkhua hing dimdemin khohzet haw hi.

THUPAUCAP 4:18

Mahnaven midik tei lampi cu zing khuavak pen sun tiang a vak dedeuhmi vaknak tuah bangve hi.

ISAIAH 27:9

Umngawltu tei biaklandawh cu miphiu vam bangin a ngawivam laklawh, Asherah pathiannu ai-awh thing a phut haw mi le namtui halnak biaklandawh a um sungin Israel i sualnak cu ngaihdam hi tukma.

ISAIAH 29:19

Mi ca-ngah le mi lungnem ten Israel Pathian thiangtho i piakmi lungdamnak cu coleh haw tuk hi.

DANIEL 11:35

Mah dotu micip khenkhatte cu thahnak tawk haw tuk hi. Hiti bang thuaknak hangin mipite cu thiangtho deuh haw tuk hi. Pathian i tekmi hun tawpnak a hen laklawh cu hi bangin cang pepel tuk laih hi.

HOSEA 6:3

Topa cu thei tukin zuam nung. Amah cu oh tei nelah zinglam sial ten khuavak bangin hung tuk a, lei kawttiktu khuapi nguah bangin pelh ngawlin hung tuk ti haw hi.

MALAKHI 3:3

Ngun cu tuitikin, thiangtik theitu bangin, thukhen tukin amah cu hung tuk hi. Thiksektu in, sui le ngun a ciantik bangin Topa i palai in, thiampite thiangtik tuk a, mahten a manmi biakpiaknak cu Topa nelah cawi haw tuk hi.

MATTHAI 13:12

Itahim titale a neisa tei humah a valin piak belh hi tuk naven a nei ngawlmi tei lak pen a neihcalamno hei laksak hi tuk laih hi.

MATTHAI 13:33

Jesuh in tehkipnak pa khat amu lakah hilh lehleu in; “Vancung Uknak cu numei pa khatin naman neuno la in sangvut seu thum sung a, cawhhelmi tuah bangten hi. Mahmi naman neuno in cangho bawm khat cu a venghawng thotik khawng hi,” tin ti hi.

MATTHAI 15:13

Jesuh in, “Vancungah a ummi ka Pa i phut ngawlmi kung cu bawhvawk tuk hi.

MATTHAI 21:19

Lampi el a, theikung cu mu in, a bulah zuan naven a ceh sialngawl a ngahmi mu ma hi. Mah hangin theikung cu, “Itukmah ten ngahleh toh pahsun,” ti hi. Thakhatin theikung pi cu ko khawng paih hi.

MATTHAI 25:29

Itahim titale tampi a neitute cu piakbet hi haw tuk a, a valin nei haw tuk hi. Mahnaven imah a nei ngawltu pa i lak pen a neihcalam cawmin laksak hi tuk hi.

MATTHAI 3:10

Thingkungte phuhnak tukin a bulah heipi koihin um zo hi. Ngah pha a ngah ngawlmi thingkung hempoh cu phuh hi haw tuk a, mei sungah vawk hi tuk hi.

MATTHAI 3:12

A khut sungah cangkhepnak lawhphek cawi hi. An cang cu beem sungah khumin, a sivaite cu a mit awng ngawl mei sungah haal tuk hi.”

MATTHAI 7:19

Ngah pha a ngah ngawlmi thingkung cu phukin, mei sungah haal mek haw hi.

MARKA 4:20

Lei ngampha mun a, cumi ancite cu Pathian thu komno za a, lungdamzetno sangin, a let sawm thum, a let sawm luk, a let za khatin ngah haw hi.

LUKA 8:13

Suang humah a cuu mi anci i sullam cu Pathian thu cu zain, lungdam zetin pom naven a lungmu sungah thuk zetin tum ngangai ma hi. Hun comno sung um naven sualsohnak a hen ten a tuleh khi hi.

JOHAN 15:1

Jesuh in, “Kei cu sabit nguipi ing a, Sabit huan neitu cu ka Pa hi.

JOHAN 15:16

Noh ten keimah teng kha ma uh ci. Keimah in nangmuhte teng saw ing hi. Mah hangin ka minin, na nget uhmi hempoh pa in pia tuk hi.

JOHAN 15:3

Nohte cu ka hilhmi thu hangin thiang khawng zo uh ci.

JOHAN 15:6

Keima sungah a umngawltu cu sabit kung vawkin, a ko mi bang haw hi. Mahtibang a kangkote cawm khawmin, meipualah vawk haw a, kangtum khawng hi.

JOHAN 15:8

Noh ten ngah tampi na ngahnak uh i hu le thawm hangin ka Pa i sunloihnak na langtik uh hangin ka nungzuitu na hih theihnak uh hi.

JOHAN 17:12

Amuh tei lakah ka umlaihin nangma piakmi na min i huham tuah hup ing. Lai Thiangtho sung a, ummi a kimnak tukin a thamthong tukmi pa khat tih sialngawl cu mi pa khat hei thamthong haw ma, humhim khawng ing.

ROM Khua Khristian Tei Lakah Paul i Laikuat (Paul’s Letter to the Romans) 11:17

A cin haw mi olif kung i a kangkak khenkhatte cu talhin, hampa lak a po mi olif kung kangkak tuah peh haw hi. Noh Gentail mi cu hampa lak a pomi olif kung tuah bangve in, Judah tei hawvang lam nunnak le a thazaang haw co bok uh ci.

ROM Khua Khristian Tei Lakah Paul i Laikuat (Paul’s Letter to the Romans) 11:22

Hilai ah Pathian cu hehpihnak neizet naven a thu cu khohzet leleng hi tih cu mu ung. A lum le bahtu tei lakah, a thu cu khohzet naven nohtei lakah hehpihnak neizet hi. Mah hehpihnak sungah na um leleng uh tale hehpih leleng tuk hi; mahnaven na um leleng uh ma tale ehtuahmi hi bok tuk uh ci.

ROM Khua Khristian Tei Lakah Paul i Laikuat (Paul’s Letter to the Romans) 8:28

Ihempoh ah Pathian in amah a ittu le ama tuptahnak bangin a sammi tei ca in, a phatnak haw tukin nadek hi tih cu thei hung hi

1 KORIN 13:1

Mihing awn a phunkim hihen, vancungmi tei awn hei hihen, ka awn thei vangin itnak ka nei ma tale ka awn cu a nging tul thongmi daak le a nging leilui thei daakkop bang hi.

TITUS 2:14

Ama nunnak loli in eimu phat ngawlnak pen suakca tukin, na pha bawl tuk a nuamtu hi tukin le ama bulta mithiang a cantiknak tukin ohte pia zo hi.

HEBRU 12:15

Pathian i hehpihnak khi kuamah in nungheksan tuk ngawlin ngalling un hi. A sia le a kha mi thingkung khangto in, a ngu pha ngawlin mi tampi cimnak a piak bang hi kha pahsuh un hi.

1 JOHAN 2:19

Hite hi eimu mi ngangai a hih haw ngawl hangin taisan haw hi. Eimu sung a telmi tatak ahi haw tale pawlkom leleng haw tuk hi. Hitih bangin a tul sannak haw cu a muhte eimu pawl sung a, mihing ngangai hi haw ma hi tih langtik hi.

MANGMUHNAK 3:19

Ka it ka deihmite cu liatin dantat ing. Mah a hih hangin hantiam inna, sualnak pen kiklehin hi.