JOHAN 15:18 - Ngawm Bible

¹⁸ Leihum pi in, nangmuhte a hua tale keimah hua masa hi tih thu phawkngilta pahsuh un hi.

JOHAN 15:18 Iomraidhean Croise

1 KUMPI 22:8

Ahab in, “Adang pa khat umlaih hi. Amah cu Imlah i capa Mikaiah hi. Mahnaven amah cu hua ing. Itahim titale ka humah thupha hilh awng ma hi. Thusia bebek hilh thei,” ti hi. Jehoshafat in, “Mahti bangin awn pahsun,” ti hi.

THUPAUCAP 29:27

Mipha, mi taituang ten mipha ngawl hua a, mipha ngawl ten mipha, mi taituang hua bok hi.

ISAIAH 49:7

Mitei zotsakmi, miphun tampi tei huatmi, uktu bawi tei umlawh nadektu tei lakah, a thiangtho Pathian Israel pantu in, “Mi luat na hihnak cu kumpi ten mu haw tuk a, upatnak a langtik tukin ding haw tuk hi. Kumpi capate le bawi ten mu haw tuk a, upatnakin, na mai ah kun haw tuk hi.” Topa Israel Pathian thiangtho in, a nadektu in teng zo toh hi. A thutepmi a kimtik leleng hangin a hum a bangin piang ngangai tuk hi.

ISAIAH 53:3

Amah cu a zotsak uhmi le a vawkthong uhmi hi. Natnak le haksatnakte thuak hi. Kuamah in, a zo hei zo nuam haw ma. Phukthong poh tin, a zamthong uhmi hi.

ISAIAH 66:5

Topa i otmi hi ngai hem un, noh amah a lautu le a thu zuitute; “Keimah na muang uh hangin na phunpih uh mi khenkhat ten, hua in, imah simsial haw ma hi. Zotsaknak tuah ‘Lungdam thatui in, na khuasak uh cu mu nuam ung hi.’ Mah hangin Topa in, a ngilnak langtikin hup hen,” tin ti haw hi. Mahnaven amuhte saw zakca haw tuk hi.

ZEKHARIAH 11:8

Keimah a huatu tuucing pa thum humah ka thinsau thei ngawl toh hangin ha khat sungin, a pa thum haw hawlvawk ing.

MATTHAI 10:22

Keima hangin mi hempoh ten hua haw tuk hi. Mahnaven a dawltawpnak tianin, a nang zo ten nunpatnak ngah haw tuk hi.

MATTHAI 24:9

Mahten nohte cu man haw tuk a, dantat tuk le thah tukin mi khutah hengtik haw tuk hi. Keima hangin miphun hempoh ten hua haw tuk hi.

MATTHAI 5:11

“Keima nungzui na hih uh hangin miten zawnsakin, bawlsiatnak le a phunkimin sual a nawn haw tale thupha muicu ngahmi hi uh ci.”

MARKA 13:13

Keimah hangin nohte cu mi hempoh ten hua haw tuk naven a dawlbel tian a thuak, a nang theitu ten nunpatnak ngah haw tuk hi.

LUKA 6:22

Mihing Capa i hangin miten nangmuh hua in, a deidat hangin le zawnsakin, a sonsia haw ahi tale mi muicu hi uh ci.

JOHAN 16:1

“Na upnak uh pen na lup khak sual ngawlnak tukin hi thu nohte hilh ing.

JOHAN 16:33

Nohte cu keimah tuah na pehzomnak uh i hu le thawm hangin lungmuannak na ngah theihnak tuk uhin hi thu hi nohte hilh ing. Leihumin nohte cu haksatnak pia tuk hi. Mahnaven lau ngawlin ngalhang zetin um un! Leihumpi cu neh zo ing!” ti hi.

JOHAN 3:20

Akua hei in thilpha ngawl a bawltu in, vaknak cu hua in, vaknak sung hei ah hung tukma hi, itahim titale a pha ngawl a bawl mite lang suak kawn tih lauthawng hi.

JOHAN 7:7

Nohte cu leihumpi in, hua thei ma naven kei cu hua hi. Itahim titale na thil bawldan uh pha ma hi tin ka hilh leleng hang hi.

NUNGZUITU 14:22

Thu umtute thapia thah pepelin, upnak sungah muantak zetin um tukin so pepel haw hi. “Pathian Uknak sungah a tum tukmi ahi uh tale haksatnak tampi a tawh tuk hihim uhmi hi,” tin zilh pepel haw hi.

HEBRU 12:2

A upnak uh a patnak pen a tawpnak tian a sihsan uhmi Jesuh khi tawp ngawlin zo leng poh nung. Mailam ten a co tuk uhmi lungdamnak khi a tuptahmi a hih hangin thinglamteh hum a, zahcaknak tuah thih tuk hei poi sa ngawl thuakin, atu-in Pathian khunnak taklamah khung hi.

JAMES 4:4

Muantak ngawl mihingte leipi tuah ngualcam pha na hih uh cu Pathian tuah ngaldunnak hi tih thei ma uh cim? A kuakua hei in, leipi tuah a komduntu cu Pathian i ngalin, a bawlcopmi hi.

1 JOHAN 3:1

Pathian, ohtei Pa i a ihdan hi ngaisung teh un! A ihnak cu nase ngangai in, Pathian cate tin sammi hung hi. Mahtin a tih bangin hi ngangai hung hi. Mah hangin hi leipi in ohte a theih ngawlnak cu! Pathian hei thei haw ma hi.

1 JOHAN 3:13

Mah hangin u le naute, leihum miten a hua haw tale lamdangsa pahsuh un.

1 JOHAN 3:3

Kua hei hihen Khrih sungah hitih bang muansannak a neitu cu Khrih a thianthoh bangin amah le mah cu thiangthono in, a cingkhawi cop hi.