JOHAN 15:16 - Ngawm Bible

¹⁶ Noh ten keimah teng kha ma uh ci. Keimah in nangmuhte teng saw ing hi. Mah hangin ka minin, na nget uhmi hempoh pa in pia tuk hi.

JOHAN 15:16 Iomraidhean Croise

PIANPATNAK 18:18

A casuante cu hinnam ngeng le ngilin, suak khawng tukin muicu ka pia zo bangin leihum hinnam hempoh ten muicu ngen haw tuk hi.

SAAM LABU 145:4

Na thil bawlmite cu tu le caleh ten thangphat haw tuk hi. Thasiahhuai na bawlte phuang haw tuk hi.

SAAM LABU 71:18

Maw Pathian aw, tekin, a puakpak zo poh tin, nunghek zal pahsun. A heng tukmi san thak lakah na huham le na ngilnak ka aupih ten ka lakah um zalin hi.

THUPAUCAP 11:30

Diknak i ngah cu nunnak hi. Mahnaven phatngawlnakin nunnak cu paitik thei hi.

ISAIAH 27:6

Mah ni ten Israel mi, Jakob i casuante cu thingkung bangin zung saleh haw tuk; kuhkuum haw tuk a, pakleh haw tuk a, lei ah a ngah dim tuk hi.

MIKAH 5:7

Israel mi a tangcalam cu miphun tampi ca in Topa i khiaksukmi daita bang hi haw tuk hi; thingkung dawnno ca in nguah masabel bang hi haw tuk hi. Mihing muang ngawlin Pathian bek muang haw tuk hi.

MATTHAI 21:22

Na um ngangai uh tale thungetnak tuah na nget uhmi hempoh cu ngah tuk uh ci,” ti hi.

MATTHAI 7:7

“Ngen unna, ngah tuk uh ci; zei unna mu tuk uh ci; kiu unna hon tuk hi.

LUKA 6:13

Zinglam khuavak ten a nungzuitute samkhawmin mah sung pen mihing sawm le pa nih tengtum pengin, mahte cu nungzuitu tin sam hi.

JOHAN 13:18

“Nohtei thuson li kha mang hi. Ka tensami cu thei ing. ‘Ka an a eitu cu ka ngalin, na cangta hi tin, Lai Thiangtho sung thu a kim tukin sam hi.’

JOHAN 15:19

Leihum mitei ta, ahi uh bang ahin, hi leimi ten nohte cu it bok tuk hi. Mahnaven nohte cu hi leihum pen teng zo ing. Amata na hihleh uh ngawl toh hangin leihum in hua hi.

JOHAN 15:5

Sabit nguipi cu keimah ing a, nohte cu a kangkak hi uh ci. Akua hei hihen keima sungah umin, kei vang a sungah ka um bok tale ngah tampi ngah thei tuk hi. Itahim titale keimah tel ngawlin imah bawl theih ma uh ci.

JOHAN 6:70

Jesuh in, “Noh sawm le pa nihte hi keimah loli in teng hi mang maw? Mahnaven pa khat cu dawi ngilo hi,” tin don hi.

NUNGZUITU 1:24

Mahten thungen haw in, “Topa, nangin mitei lungmu sung thei khawng ci; hi pa nih tei lak pen akua saw teng cim tih langtikin hi;

NUNGZUITU 1:8

Mahnaven nangmu lakah Hawvang Thiangtho a hen ten ngilnak huham tuah dim tuk uh ci, mahten Jerusalem khua, Judah ngam, Samaria ngam hempoh le leihum khua hempoh ah keima tetti hi tuk uh ci,” ti hi.

NUNGZUITU 10:41

Mi hempoh tei lakah hi ngawlin a thutheitu tukin a ten mitei lakah langtik hi.

NUNGZUITU 22:14

Amah in, ‘A pu le pa tei Pathian in ama deihnak a theitu tukin le a dikcangmi Salpa tukin le ama aw loli zatu tukin teng zo hi.

NUNGZUITU 9:15

Topa in, a lakah, “Hawhin hi, itahim titale amah cu Gentail mi, kumpi le Israel tei lakah ka minthangtik tukin le ka nadektu tukin teng zo ing.

ROM Khua Khristian Tei Lakah Paul i Laikuat (Paul’s Letter to the Romans) 1:13

U le naute hihi cing leleng un, vei tampi nangmu lakah zin tukin hantiam li zo naveng zin suak thei tuk ngawlin a khaktu um leleng hi. Gentail mitei lakah thinthekmi ka umtik theih bangin nangmu lakah vangin thinthekmi a um thei ahin tih deihzet ing.

ROM Khua Khristian Tei Lakah Paul i Laikuat (Paul’s Letter to the Romans) 1:5

Khrih Amah hangin mite sangin a thu a zui theihnak haw tukin Pathian in nungzuitu hihnak covo keimah pia hi.

ROM Khua Khristian Tei Lakah Paul i Laikuat (Paul’s Letter to the Romans) 15:4

Lai Thiangtho i zilhnak le sosuahnakte hangin muansannak a neihnak tukin Lai Thiangtho sung a ngatmi hempoh cu eimuhte thuzilhtu hi.

ROM Khua Khristian Tei Lakah Paul i Laikuat (Paul’s Letter to the Romans) 9:21

Thungai ti ahin, beel bawlpa in beel lei khi ama deih bangin bawl theihnak thunei hi; a nuam tale beellei lom khat pen beel pa nih hei bawl thei; pa khat cu hun thupi ten man tuk, pa khat cu nisial man thong tukin bawl thei hi.

1 KORIN 10:11

Hi bangin a hum haw a, na a heng mite hi midang tei zohteh tuk le ngallinnak tukin ngatmi hi. Itahim titale hun tawpnak a hen kuan hun sungah um zo hung hi.

GALATI 1:15

Mahnaven Pathian in, a hehpihnak hangin ka hin laih ngawlin teng zo in, ama nadektu tukin sam hi.

EFESA 2:10

Ohte cu Pathian i bawlmite hung a, eimu ca in, a tuptahsami thilpha cu bawlsak tukin Khrih Jesuh tuah a pehzopnak uh i hangin semsuah thakmi hi zo hung hi.

KOLOSE 1:23

Mahti bang a hih hangin na bulpatnak uh a kho zetmi humah kho zetin upnak tuah ding leleng un hi; Thuthangpha na zaknak uh pen na co ngah uhmi muansannak tuah kuamah in khen haw pahsuh hen. Hi Thuthangpha i ca in, keimah Paul hi, nadektu hi ing a, leihummi hempoh tei lakah a hilh haw mi Thuthangpha hi.

KOLOSE 1:6

Pathian i hehpihnak na theih masakbel ni uh pepan atu tian, Thuthangpha in muicu cu nohtei lakah henpihin leihum khua hempoh ah zaitik hi.

1 TIMOTE 2:7

Mah hangin hi upnak thu le thutak phuangtu tukin Gentail mitei lakah zilhtu le kamtai tukin a hahmi hi. Zolthu son mang, thutak son ing.

2 TIMOTE 1:11

Pathian in Thuthangpha phuang tukin kamtai le zilhtu ah teng zo hi.

2 TIMOTE 2:2

Theihpihtu tampi mai ah ka phuanmi ka thuzilhnakte khi midangte vang hilh thei sawlawn bok tuk tin na muanmi mihingte khi komzetno hilhin hi.

TITUS 1:5

Crete ah deh kulmi deksuak tukin le khua hempoh ah pawlpi upa koih tukin Khrit tuikulhah ka tanhihnak hi. Ka thu zilhmite cing lelengin hi.

HEBRU 11:4

Abel cu Pathian a upnak hangin Pathian nelah a piakmi biakpiaknak cu Kain i biakpiaknak sangin pha saw hi. A upnak hangin Pathian in midikah cosang hi, itahim titale a laksawng cu Pathian a lungkim hi. Abel cu thi zo naven a upnakin mi lakah thu hilh li laih hi.

JAMES 3:18

Mahten lem bawltu tei lemdaihnak tuah a cinmi anci pen a lak haw mi a ngah cu phatnak hi.

1 PETER 3:15

Na lungmu uhin Khrih cu kihca unna, Topa hi tin upat un, nangmu lungmu sung a na pom uh mite thu a dongtu pa kha khat a um haw tale, a dotmi donleh paih thei tukin ngallingsa in um leleng un.

1 PETER 3:2

Itahim titale, na ngamtat phatnak uh le na lungmu uh a thiang dan amuh haw ten upat tak zetin mu haw tuk hi.

1 JOHAN 4:10

Itnak tihmi cu hi bangin hi. Eimuh in Pathian it hung tih hi kha ma hi. Amah lam saw in it in, a Capa piasuk hi; mahmi cu eimu sual ngaihthiamnak tukin hi.

1 JOHAN 4:19

Pathian a itnak uh cu amah in, a it masak hangin hi.