JOHAN 15:11 - Ngawm Bible

¹¹ Ka lungdamnak nohtei sungah umin, nohtei lungdamnak a cangkim theihnak tukin hi thu cu nohtei lakah hilh ing.

JOHAN 15:11 Iomraidhean Croise

ISAIAH 53:11

Haksatnak a thuak nungten lungdamnak tawk tuk; A thuaknak cu a thawnthong ma hi tih cu thei tuk hi. Amah cu a dik, a manmi keima nadektu a hih hangin ka lungdam ing. Mi tampi tei ca in dantatnak thuak tuk a, amuhte cu a sualnak haw ngaidam tung.

ISAIAH 62:4

“Zam sanmi,” tin sammi hileh tukma toh ci. “Maakmi zi,” tih hei in, na ngam cu sam hileh tukma toh ci. Na min thak cu “Pathian a humah a lungdam,” tih hi tuk hi. Na ngam cu “Lungdam zetin huaimi,” tih hi tuk hi. Itahim titale Topa cu na humah a lungdamin hi. Na ngam ca in amah cu pasal bang tuk hi.

JEREMIAH 32:41

Amu ca in thilpha bawl cu noptik tung a, hi ngamah a kumkhua in khotik tung hi.

JEREMIAH 33:9

Jerusalem cu ka ca in lungdamnak, maitainak le ultunnak bulpi hi tuk hi. Jerusalem tei ca in thilpha ka bawlmi le hi khuapi ca in khantohnak ka hentik mi cu leihummi hempohin, a zak haw ten lau in, can li haw tuk,” ti hi.

ZEFANIAH 3:17

Topa na Pathian cu na nelah um hi, a ngilnak huhamin nehnak pia hi. Topa cu na humah a lungdamin, a hehpihnak hangin nunnak thak pia tuk hi. Lasa tuk a, na humah a lungdam tuk hi.

LUKA 15:23

Mahten khuino a thaubel khi ngo unna, lungdamnak puai bawl tuk hung hi.

LUKA 15:32

Mahnaven na nau pa hi a thi zo tohmi nungleh hi. Paithong zo toh naven atu-in muleh hung hi. Mah hangin lungdam le thatui in puai bawl tak hihim hi,’ tin ti hi,” tin hilh hi.

LUKA 15:5

A muhleh ten a lungdam leita in, a ko humah pua in,

LUKA 15:9

A muhleh ten a ngualcam le innnel samkhawmin, ‘Ka paihtikmi tangka muleh zo toh ing. Mah hangin lungdamin, puai bawl tuk hung,’ tin ti hi.

JOHAN 16:24

Tuni tian ka min suangin, na nget uhmi imah umma laih hi. Ngen unna, ngah tuk uh ci a, mahten na lungdamnak uh cangkim tuk hi.

JOHAN 16:33

Nohte cu keimah tuah na pehzomnak uh i hu le thawm hangin lungmuannak na ngah theihnak tuk uhin hi thu hi nohte hilh ing. Leihumin nohte cu haksatnak pia tuk hi. Mahnaven lau ngawlin ngalhang zetin um un! Leihumpi cu neh zo ing!” ti hi.

JOHAN 17:13

Atu-in nangma lakah hung tuk toh ing a; leihumah hi thu ka hilhnak cu ka lungdamnak amu lungmu sungah cangkim zetin, a neih theihnak haw tukin hi.

JOHAN 3:29

Huaimi mothak cu a huaitu tangvalpa ta hi; mahnaven zihuaitu tangvalpa i ngualcam, dingin, a aw nging a ngaitu pa cu, tangvalpa i aw a zak ten a lungdamnak cu cangkim hi.

ROM Khua Khristian Tei Lakah Paul i Laikuat (Paul’s Letter to the Romans) 15:13

Hawvang Thiangtho i cahnak thawmin, na muansannak uh cu khang tawto hen na, muansannak bulpi Pathian in, amah na upnak uh thawmin lungdamnak le lemdaihnak phunkim tuah dimtik tahen.

2 KORIN 1:24

Na upnak tuk uh thu pen hi tin, muang unna, hi cu muang pahsuh un tin thuneih tum ma ung. Na upnak uhah khohzet uh ci tih cu thei ung hi. Nangmuh tei lungdamnak tukin nadek langkhat saw hung hi.

EFESA 5:18

Micipte zukham pahsuh un, zu cu mi siatsuahtu bek hi. Mah sangin Hawvang tuah dim saw un hi.

FILIPI 1:25

Mahmi cu ciang zetin ka theih hangin nung hih tung. Upnak sungah na khantohnak uh le na lungdamnak uh a belh bawmtu tukin nangmu lakah ngei nung tuk laih ing.

1 THESALON 5:16

Catngawlin, na lung uh dam un;

1 PETER 1:8

Amah cu mu awng ma nave uhcin it uh ci, mu ma nave uhcin um uh ci. Mah hangin kam hei son zawh ngawlmi a sunglawimi lungdamnak nei uh ci.

1 JOHAN 1:4

Ka lungdamnak uh kim hen tin, hilai hi nangmuh tei lakah ngan ung hi.

2 JOHAN 1:12

Son tuk tampi nei ing; mahnaven lai le laitui tuah hilh tuk mang. A lungdamnak uh a cangkim theihnak tukin nangmu lakah zinin bulpak otpih nuam ing.