JOHAN 15:1 - Ngawm Bible

¹ Jesuh in, “Kei cu sabit nguipi ing a, Sabit huan neitu cu ka Pa hi.

JOHAN 15:1 Iomraidhean Croise

SOLOMON LA 7:12

Zingtungno in thatho ngelin, dum sung vak ngel pah nung; Thing paakte palh maw tih le Tale pak toh maw tin, Mahlai a huan sungno pen, deihnakno hilh tung.

ISAIAH 4:2

Mah hun a hen ten, ngamsung thingkung le ankungte cu Topa in, ngengtikin, mawitik tuk hi. Israel tei lak pen a tangmi ten, a ngam haw pen a suakmi ante amuh haw ten a lungnopin, a mitmai phaleh haw tuk hi.

ISAIAH 60:21

Na miten a manmi bawl haw tuk a, hi ngam cu a kumkhua in luah haw tuk hi. A venghawng haw humah ka thawm ngengnak langtik tukin ka phutmi le ka bawlmi hi haw hi.

ISAIAH 61:3

Zion pen a tauli tei lakah thasiatnak ai-in, lungdam thatuinak Khaw-ngaihnak ai-in, thangphatnak la hentu tukin keimah hah zo hi. Topa ama phutmi thingkung bang hi haw tuk hi. A venghawng haw in, a manmi bawl haw tuk a Pathian cu a thil bawlmi hangin thangphat hi tuk hi.

JEREMIAH 12:10

Ngamdang uktu ten ka sabit huan siatsuah khawng haw hi. Ka lo ngam cilpek khawngin, a deih awh zetmi ka ngam cu, phillawnin suaktik haw hi.

JEREMIAH 2:21

Sabit ngui phabel sung pen a pha saw deuh bangin phut ing. Ci pha sung pen tenmi hi ci. Mahnaven iti bang nge cim tih zo hemin! A muat a uihmi le nemcuam ngawl sabit ngui in cang zo ci.

EZEKIEL 19:10

Na nu cu tuimawk a cinmi sabit ngui bang hi. Mah sabit ngui cu tui tampi a um hangin a ngah le a cehin khuh hi.

HOSEA 10:1

Israel cu a ngah zetmi sabit kung bang hi. A hauh dedeuh haw ten biaklandawh tam dedeuh bawl haw hi. A ngam hawah an tam deuh a suah ten a biak haw mi thingmungte cu mawi dedeuhin bawl haw hi.

ZEKHARIAH 3:8

Mah hangin Thiampi Sang; Joshua, phano in ngai in, thiampi Joshua i ngualcamte, nohte cu mailam hun pha limlaktu hi uh ci. Thingkak tin a sam haw mi keima nadektu cu na nelah langtik tung hi!

MATTHAI 15:13

Jesuh in, “Vancungah a ummi ka Pa i phut ngawlmi kung cu bawhvawk tuk hi.

MATTHAI 20:1

Jesuh in, “Vancung Uknak cu hi bangin hi. Mi pa khat cu a sabit huan sungah nadektu zei tukin zingtungno in tul hi.

MATTHAI 21:33

Jesuh in, “Hi tehkipnak hi ngai hih hem un. Mi pa khat cu sabit huan bawlin, mah a huan cinnak tukin buk sa hi. Sabit suknak tuk khuk co in, a cinnak tukin deubuk sa hi. Mah nungten sabit huan nadektu tei lakah zawngtikin, amah cu khualzin tukin hawhta hi.

MARKA 12:1

Mah nungten Jesuh in amuh tei lakah tehkipnak tuah thu hilh hi. “Ni dang laihin, mi pa khat cu sabit huandum bawl hi. Sente umin, sabit suknak tuk lei khuk co in le ki hunnak tukin taitan sa hi. Mahceng ten a bunlawh nuamtu tei lakah pia in, amah cu khualzin hawhta hi.

LUKA 13:6

Jesuh in amuh tei lakah tehkip thu hi bangin hilh hi. “Nidang laihin mi pa khatin, a huan sungah theipi kung pa khat phut hi. A ngah le ngah ngawl veh lehcet naven mu awng ma hi.

JOHAN 1:17

Pathian i Daan cu Moses lak pen pia naven hehpihnak le thutak cu Jesuh Khrih sung pen hung hi.

JOHAN 1:9

Mah vaknak cu vaknak ngangai hi. Mah vaknak cu leihumah hungin mi hempoh a vaktiktu vaknak hi.

JOHAN 15:2

Ngah a ngah ngawl a kung hempoh cu talh khawngin, ngah a ngahmi a kungte cu tam sesemin, a ngahnak tuk thiang siuhseuhno in bawl hi.

JOHAN 6:32

Jesuh in, “Thutakin hilh ing. Moses i piakmi cu vanhum cangho hi kha ma hi. Vanhum cangho ngangai a piatu cu ka Pa bek hi.

JOHAN 6:55

Itahim titale an ngangai cu ka taksa hi a, ka thisan cu in tukmi ngangai hi.

ROM Khua Khristian Tei Lakah Paul i Laikuat (Paul’s Letter to the Romans) 11:17

A cin haw mi olif kung i a kangkak khenkhatte cu talhin, hampa lak a po mi olif kung kangkak tuah peh haw hi. Noh Gentail mi cu hampa lak a pomi olif kung tuah bangve in, Judah tei hawvang lam nunnak le a thazaang haw co bok uh ci.

1 KORIN 3:9

Itahim titale ohte cu Pathian ca in nadek khawmte hung a, nohte cu Pathian nadehnak lo ngam hi uh ci.

1 JOHAN 2:8

Mahnaven atu nangmu lak a, ka ngatmi thupiaknak hi thupiaknak thak hi. Itahim titale hi thupiak cu thutak hi tihmi Khrih sung le nangmu sung pen muh theih hi; Itahim titale khuathim cu pai vawk pepel a, vaknak tatak cu lang zo hi.