JOHAN 14:9 - Ngawm Bible

⁹ Jesuh in, “Nohtei lakah ngeipi um zo naveng sing, keimah thei ma laih cim, Filip? Keimah a mutu pawpoh ten ka Pa mu bok haw hi. Mah hangin ita na Pa lak tehin tin ti thei cim?

JOHAN 14:9 Iomraidhean Croise

PIANPATNAK 26:9

Abimelek in Isaak cu samin, “Rebekah hi na zi si. Ita ka celnu hi, ti cim?” tin dong hi. Isaak in, “Ka zi hi, ka ti bang ahin, that kha haw tuk tih ka ngaihsut hangin,” ti hi.

SAAM LABU 11:1

Ka himnak tukin Topa muang ing. Ita noh ten, “Vano bangin mual humah a lengin hi.

JEREMIAH 2:23

Itin kaw mi nawngkai hi awng mang, Baal pathian bia awng mang na tih theih? Hawkluam sung a, na sual zia hi zo hemin! Thil sual na bawldan hi zo hemin! Kep theih ngawlin ama nuamnakah a tai zuzul limi kalauk hun bang thong ci.

MARKA 9:19

Jesuh in, “Upnak nei ngawlte,” tin a nungzuitute liat hi. “I tuk tian nangmuh tuah um kawm tuk laih ing kaw? Nohte tuah i can thuak tuk laih ing kaw? Naupang pa cu ka lakah hunpih un!”

LUKA 12:56

Noh mi ultungte aw lei le van zo in, hun le can thei zo uh ci. Mah tale ita tulaih khang thu um zia thei zo ngawl uh cim?” tin ti hi.

JOHAN 1:14

Mah Thu cu mihingah cangin, eimu lakah um a; hehpihnak le thutak tuah dim hi. A sunloihnak mu hung a, Pa in, a Capa neihcalam lakah a piakmi sunloihnak hi.

JOHAN 10:30

Ka Pa le kei cu pumkhat, sakhat ung,” ti hi.

JOHAN 12:45

Keimah a mutu cu keimah a tiiktu Pa vang mucih bok haw hi.

JOHAN 14:20

Mah ni le hun a hen ten kei cu ka pa i sungah ka um lam thei tuk uh ci. Nangmuh vang keima sungah na um lam uh le nangmu sungah kei ka um lam thei bok tuk hi uh ci.

JOHAN 14:7

Atu-in noh ten keimah thei ngah zo na hih uh hangin ka Pa hei thei bok tuk uh ci. Tu pepanin noh ten amah cu thei in, mu zo uh ci,” ti hi.

JOHAN 8:19

Amuh ten, “Na Pa cu ilai ah kaw a um?” tin dong haw hi. Jesuh in, “Keimah hei thei ma uh ci, ka Pa hei thei ma uh ci. Keimah na thei uh bang ahin ka Pa vang thei bok tuk nave uhcin,” tin don hi.

1 KORIN 15:12

Thuthang a phuan uhmi cu, Khrih cu thihnak pen thawhlehtik hi zo hi tihmi thu hi. Mahnaven tu in mi khenkhat ten ita a thi mite thawhtikleh hi haw tukma tin ti thei uh cim?

FILIPI 2:6

Khrih cu Pathian hihnak nei leleng hi. Mahnaven Pathian bang tukin tumlo awng ma hi.

KOLOSE 1:15

Khrih cu muh theih ngawlmi Pathian i mel langnak hi. Amah cu ca upabel hi a, bawlmi thil hempoh sangin humtabel hi.

HEBRU 1:3

Amah cu Pathian sunloihnak langtiktu hi a, Pathian bang cikcek hi. Huham a neihmi thu tuah lei le van pumpi cu umtikin, cingkhawi hi. Mihing tei sualnak ngaidam le sual a thiantik ceng ten vanhum a Cungnungbel Pathian taklamah khung hi.

1 JOHAN 5:20

Pathian Capa hungsukin, ohtei nelah theihnak pia zo tih theih hung hi. Amah cu thuman tih thei hung a, ohte cu thuman sungah um hung hi. A Capa Jesuh Khrih sungah hei um hung hi. Himi hi kumkhua nunnak thuman hi.