JOHAN 14:6 - Ngawm Bible

⁶ Jesuh in, “Kei cu lampi, thutak le nunnak ing. Keimah tawn ngawlin kuamah in ka Pa i lakah heng thei haw tukma hi.

JOHAN 14:6 Iomraidhean Croise

MATTHAI 11:27

“Ka Pa in, ka khut sungah ihempoh pia khawng zo hi. Pa sialngawl kuamah in, Capa cu thei haw ma hi; mahten Capa in thei bok haw hen tin, a ten mite sial ngawl, kuamah in Pa thei haw ma hi.

JOHAN 1:14

Mah Thu cu mihingah cangin, eimu lakah um a; hehpihnak le thutak tuah dim hi. A sunloihnak mu hung a, Pa in, a Capa neihcalam lakah a piakmi sunloihnak hi.

JOHAN 1:17

Pathian i Daan cu Moses lak pen pia naven hehpihnak le thutak cu Jesuh Khrih sung pen hung hi.

JOHAN 1:4

Mah Thu cu nunnak tawpatnak hi a, mah nunnakin mihing lakah vaknak hengtik hi.

JOHAN 10:28

Kumkhua nunnak pia ing a, ituk mahten thileh haw tukma toh hi. Amuh vang ka kut sung pen kuamah in lonsak thei haw tukma hi.

JOHAN 10:7

Mah hangin Jesuh in hi bangin hilhleh hi. Thutakin hilh ing. Keimah cu tuu tei tumnak kongka ing.

JOHAN 10:9

Kei cu kongka tumnak ing. Keimah tawnin, a hawhtu pawpoh cu nunpatnak ngah tuk hi. Tumtuak, tultuakin hamhing dimdem mu haw tuk hi.

JOHAN 14:19

Imah can um ngawlin leihumpi in, kei cu muleh tukma toh hi. Mahnaven noh ten kei cu mu tuk uh ci. Mahbek sial ngawlin keimah ka nun bang bokin nohte vang nungbok tuk uh ci.

JOHAN 15:1

Jesuh in, “Kei cu sabit nguipi ing a, Sabit huan neitu cu ka Pa hi.

JOHAN 18:37

Pilat in, “Kumpi hi ngai a cim maw?” tin dong hi. Jesuh in, “Nang in, Kumpipa ci tin ti ci. Leihumah ka hunsanbel cu thu pa khat bek hi. Mahmi cu thutak lamah tettikhan tukin hi. Thutak sung a ummi hempohin ka thuhilhmi ngai haw,” ti hi.

JOHAN 5:21

Pa in mithi thotikin, nunnak a piak bangin Capa hei in nunnak a deihtu lakah pia bok hi.

JOHAN 6:33

Pathian i piakmi cangho cu vanhum pen hungin leihumah nunnak a piatu pa khi hi,” ti hi.

JOHAN 6:51

Vancung pen a hungsukmi nunnak cangho cu keimah ing hi. Hi cangho a eitu pawpoh cu kumkhua in nung haw tuk hi. Ka piakmi cangho cu ka taksa hi toh hi. Ita pia hing ngim titale leihum mitei nunnak tukin hi.”

JOHAN 6:57

A nungmi Pa in keimah tiikin, ka nunnak hi amah hangin nung ing. Mahti bang bokin, keima taksa a eitu cu keimah hangin nungbok haw tuk hi.

JOHAN 6:68

Simon Peter in, “Topa a koi lakah kaw ka hawh cuang tuk uh? Nang cu kumkhua nunnak thuneitu hi toh sisi?

JOHAN 8:32

Thutak thei tuk uh ci a, mah thutakin nohte suakcatik tuk,” ti hi.

JOHAN 8:51

Thutakin hilh ing. Ka thu zuitute cu ituk mahten thi haw tukma,” ti hi.

NUNGZUITU 3:15

Noh ten nunnakah mi a puitu pa khi that uh ci, mahnaven Pathian in thihnak pen tholehtikin, keimuh hi mah a theihpihtu ung hi.

NUNGZUITU 4:12

Ama sung bekah nunpatnak um hi; Pathian i piakmi nunpatnak sialngawl leihum hempoh ah min dang kuamah umma,” ti hi.

NUNGZUITU 9:2

Damaskas khua a, pumkhawm inn uktu ten amah khi a theihnak haw tukin laiken tukin ngen hi. A tuptahmi cu mahlai ah Topa i lampi zuitu a um haw tale numei pano ti ngawl man khawngin, Jerusalem ah pui tung, tin ti hi.

ROM Khua Khristian Tei Lakah Paul i Laikuat (Paul’s Letter to the Romans) 15:16

Gentail mite cu Pathian nelah cosan takmi biakpiaknak bang a hihnak haw tukin le Hawvang Thiangtho i thawmin Pathian lakah apmi a hihnak haw tukin Pathian lak pen a hengmi Thuthangpha ka phuan ten thiampi bangin dek ing.

ROM Khua Khristian Tei Lakah Paul i Laikuat (Paul’s Letter to the Romans) 5:2

Upnak hangin a co uhmi Pathian i hehpihnak sungah Aman henpihin, atu-in mah a hehpihnak sungah um hung. Mah hangin Pathian i thawm ngengnak co thei bok tuk hung tih muansannak a um hangin lungnopzet hung hi.

ROM Khua Khristian Tei Lakah Paul i Laikuat (Paul’s Letter to the Romans) 5:21

Mah hangin sualnakin thihnak tuah mi a uk bangin Pathian i hehpihnakin dikcangnak tuah mihingte uk bok hi; mahten, a Topa uh Jesuh Khrih i hangin kumkhua nunnak sungah pui hi.

1 KORIN 15:45

Itahim titale Lai Thiangtho in, “Mihing masabel Adam cu a nungmi mihingin bawl,” ti hi. Mahnaven a dawltabel Adam cu nunnak piatu Hawvang hi.

EFESA 2:18

Khrih i hangin Judah mi hihen, Gentail mi hihen, a venghawng uhin Pa Pathian mai ah Hawvang pa khat i hangin zuan thei hung hi.

KOLOSE 2:17

Mahti bang zui tuk le zui tuk ngawl tihmi cu, a hengleh tuk laihmi lak hamnak bek hi haw hi. A ngangai mi cu Khrih hi toh hi.

KOLOSE 2:9

Itahim titale Pathian hihnak cu Khrih i mihing hihnak sungah cangkim zetin umin,

KOLOSE 3:4

Mahmi na nunnak tatak uh cu Khrih hi a, amah a langleh ten nohte vang amah tuah langkhatin, a sunloihnak co kawm bok tuk uh ci.

HEBRU 7:25

Mah hangin atu le kumkhua in ama sung pen Pathian a zuantu hempoh cu a nun haw pan thei hi; itahim titale kumkhua in, a nun hangin Pathian nelah ngetsak leleng hi.

HEBRU 9:8

Hitih bang a bawlnak sung haw pen Hawvang Thiang i cangcian zetin, a langtikmi cu; puanbuk pualam deuhah a umlaihin, Mun Thiangthobel hawhnak lampi hong ma laih, tihnak hi.

1 PETER 1:21

Amah hangin Pathian muang uh ci, Pathian in amah cu thihnak pen tholehtikin, sunloihnak pia hi. Mah hangin na upnak uh le na muansannak uh cu Pathian humah a phutmi hi uh ci.

1 PETER 2:4

Topa i lakah hung un; Amah cu mihing ten nemcuam ma hi tin, a lawl haw hei in Pathian in, a sunglawi tin, a tenmi a nungmi suang hi.

1 PETER 3:18

Itahim titale mihing tei sualnak hangin Khrih cu kumkhua phaat thihnak thuak hi; nangmuhte Pathian nelah hen tukin mipha pa cu misual tei ai-in thi hi. A tisa in thihnak thuak naven Hawvangin nunglehtik hi.

1 JOHAN 1:8

Sualnak nei ma ung a ti uh tale eimuh le eimuh a zoldun copin a sung uhah thutak umma hi.

1 JOHAN 2:23

Itahim titale Capa a nialtu cu Pa vang nial bok hi. A kuakua hei hihen Capa a umtu cu Pa vang um bok tuk hi.

1 JOHAN 5:20

Pathian Capa hungsukin, ohtei nelah theihnak pia zo tih theih hung hi. Amah cu thuman tih thei hung a, ohte cu thuman sungah um hung hi. A Capa Jesuh Khrih sungah hei um hung hi. Himi hi kumkhua nunnak thuman hi.

1 JOHAN 5:6

Jesuh Khrih cu tuiphumnak le thisan luangin thihnak tuah a hungmi hi. Tui tuah bekin hungmi hi ngawlin tui le thisan tuah a hungmi hi. Hitih bang a hunnak cu a dikmi loli hi tin Hawvangin theihpih hi; itahim titale Hawvang cu thutak hi.

2 JOHAN 1:9

Akua hei hihen Khrih thuzilhnak sungah um ngawlin a valthau in, a nungtu cu Pathian nei ma hi. Mahnaven Khrih thuzilhnak sungah a umtu cu, Pathian nei in, a Capa vang nei bok hi.

MANGMUHNAK 1:5

A muanhuai theihpihtu, hin masakbel Capa, thihnak pen thawh kiklehtikmi leihum kumpite uktu Jesuh Khrih i hehpihnak le lemdaihnak thupha cu nohtei humah um tahen. Ohte it in, a thihnak hangin sualnak pen luattik zo hi.

MANGMUHNAK 19:11

Mahten vancung khi hongin mu ing a, cipuh ngo pa khat um hi. A hum khungtu cu muantak le midik tin sammi hi. Thu a khen ten le ngal a do ten thumannak tuah khenin do hi.

MANGMUHNAK 20:15

Akua hei hihen nunnak laibu sung a, min ngan ahi ngawl hempoh cu tuiting bangmi meipi sungah vawk na hi haw hi.

MANGMUHNAK 22:1

Mahten mahmi vancungmi in, thalang bangin a de mi nunnak luitui cu lak hi. Mah lui cu Pathian le Tuuno i kumpi khunnak pen puttulin,

MANGMUHNAK 22:17

Hawvang Thiangtho le mothak ten, “Hungin hi,” ti haw hi. Hi thu a zatu hempoh ten, “Hungin hi,” ti haw hi. Adangdummi hempoh hung un, nunnak tui a duhtu hempohin man piak ngawlin in haw hen.

MANGMUHNAK 3:14

“Laodisia pawlpi i vancungmi lakah hi bangin nganin hi. “Amen tihmi, muantak le theitu tetti dik hi in Pathian i semsuahmi hempoh tei bulpi, a tawpatnak i thucahmi cu hi bangin hi.

MANGMUHNAK 3:7

“Filadelfia pawlpi i vancungmi lakah hi bangin nganin hi. “A thiangthomi le a dikmi i thucahmi cu hi bangin hi. Amah cu David i tawh keemtu na hi a, kongka a honmi kuamah in khak thei haw tukma hi. Ama khahmi cu kuamah in hong thei haw tukma hi.