JOHAN 14:30 - Ngawm Bible

³⁰ Hi leihumpi uktu pa hung li toh a hih hangin thu saupi sonpih man lehma toh ing. Keima humah thuneihnak imah nei ma hi.

JOHAN 14:30 Iomraidhean Croise

LUKA 1:35

Vancungmi in, “Hawvang Thiangtho cu na nelah um tuk a, Pathian huham cu na humah heng tuk hi. Mah hangin a thiangthomi nau cu Pathian Capa tin sam hi tuk hi.

LUKA 22:53

Nisial Biakinn ah nangmu lakah um leleng naveng man awng ma si uh si. Mahnaven atu-in khuathim huham cu ngil laihtak a hih tak nohtei nadeh can hi,” tin ti hi.

JOHAN 12:31

Atu-in hi leihum thu a khen hun le leihum uktu neh huncan hi tuk toh hi.

NUNGZUITU 1:3

A thih nungten ni sawm li sung amu lakah vei tampi langin nungleh zo hi tih kuamah i el theih hihim tuk ngawlin phun tampi in langtik hi.

2 KORIN 4:4

Mahmi ten sang haw ma hi, itahim titale hi leihum i pathian sesuakin, a lungmu haw cu khuathim lakah a koih leleng hangin hi. Thuthangpha i vaknak Khrih i sunloihnak pen a hengmi vaknak cu mu haw ma hen tin mah pathian in lim leleng hi. Khrih cu Pathian tuah bangve loli hi.

2 KORIN 5:21

Khrih i hangin Pathian i dikcangnak kawm thei bok tukin, Pathian in eimuh tei sualnak hangin, sualnak a nei vingviang ngawlmi Khrih cu misualah cangtik hi.

EFESA 2:2

Mah hun laihin leihum daan pha ngawl zui uh ci; Van le lei laklawh a hawvang huham neitu, Pathian thu a zui nuam ngawlte uktu i thu khi zui uh ci.

EFESA 6:12

Itahim titale a do uhmite cu mihing hi kha haw ma hi, van a ummi hawvang sia tei huhamte, uktu, thuneitute le a thimmi leihum pumpi uktute haw hi.

KOLOSE 1:13

Amah in khuathimnak huham sung pen ohte pan suakin, a Capa i uknak sungah ohte tumpih zo hi;

HEBRU 4:15

Ohtei Thiampi Sang cu a nawmtamnak uh theihpih ngawltu Thiampi Sang kha ma hi, Eimuh bangin sualsohnak a phunkim a tawkmi pa bok hi. Mahnaven amah cu sual ma hi.

HEBRU 7:26

Mahti bang a hih hangin Jesuh cu a kul uhmi a kimtik theitu Thiampi Sangbel hi. Amah cu a thiangthomi hi; sualnak nei ngawlmi le sonbang ngawlmi hi. Misual lak pen khenkhuaimi hi a, vanhumah cawi toh hi zo hi.

1 PETER 1:19

A luattiktu cu a sunglawimi, Khrih thisan hi; Khrih cu sonbang ngawl, a thiangthomi tuuno bang hi.

1 PETER 2:22

Khrih in sualnak imah bawl ma hi, a kam pen zolthu son hi tihvang miten thei awng haw ma hi.

1 JOHAN 4:4

Mahnaven ka cate aw, nohte cu Pathian cate hi uh ci. Profet man ngawlte vang neh zo uh ci. Itahim titale nangmu sungah a ummi Hawvang cu leihum mitei sung a, hawvang sangin ngil saw hi.

1 JOHAN 5:18

Pathian cate cu sualnak bawl leleng ma hi tih thei hung hi. Itahim titale Pathian Capa in hupin, Satan in siatsuah thei ma hi.

1 JOHAN 5:19

Leihum buppi cu Satan in uk naven ohte cu Pathian ta hung hi tih thei hung.

MANGMUHNAK 12:9

Ngulpi ngengpi, tanglaih ngulpi, Dawi ahimata Satan tin sammi, lei buppi zoltu cu van pen vawksukin um zo a, a vancungmite vang amah tuah um haw hi.