JOHAN 14:27 - Ngawm Bible

²⁷ Lungmuannak nohte zam ing. Keima lungmuannak tatak khi pia ing. Leihum mitei piakmi bangin pia kha mang hi. Lungmu tamin na umta pahsuh un hi. Thinsu li hei in, na umta pahsuh un hi.

JOHAN 14:27 Iomraidhean Croise

2 KHANGSIALNAK 20:30

Topa in, a ngamsung khua tihkimah lemdaihnak pia in, Jehoshafat in lemdaihnak tuah a ngam uk hi.

JOB Laibu (The Book of Job) 34:29

Pathian in zamsan thong tukin a ngaisung tale, akua in kaw a mawhsiat thei tuk? A mai a sel ten milai ten ikaw a tih theih haw tuk?

SAAM LABU 11:1

Ka himnak tukin Topa muang ing. Ita noh ten, “Vano bangin mual humah a lengin hi.

SAAM LABU 112:7

Mah hangin thusia thei tuk cu lau ma hi. A upnak kho in Topa cu muang hi.

SAAM LABU 27:1

Topa cu ka vaknak le ka nunpatnak hi; akua him ka lau tuk? Topa cu ka belhmi suangpi hi, imah lau tuk mang.

SAAM LABU 28:3

Siatnak bebek a bawltute le a awnkam haw cu hum naven, a lungmu haw cu huatdunnak tuah a dimmi, mipha ngawlte bangin kei humah thukhen pahsun hi.

SAAM LABU 29:11

Topa in, a mihingte cu zaangtha ngilnak pia in; lungmuannak tuah muicu pia hi.

SAAM LABU 56:11

Amah ka muan hangin imah lau tuk mang. Mihingin ka humah ikaw a bawl thei tuk?

SAAM LABU 56:3

Lauthawngnak ka neih ten, maw Cungnungbel Topa, nangmah muang ing.

SAAM LABU 72:2

Na mihingte komzetno in, thukhensak thei tuk a, diknak tuah mi ca-ngahte uk thei tuk hi.

SAAM LABU 72:7

A nun sung hempoh ah diknak pungzai henna, hade um sung hempoh khantoh nunnopnak um leleng zal hen.

SAAM LABU 85:10

Itnak le muantak hihnak cu tawkdun haw tuk hi; Dikcangnak le lemdaihnak cu kawidun haw tuk hi.

SAAM LABU 91:5

Zanlam a tawh theihmi thinsuk launakte hei lau tukma ci. Sunlam in, a heng thei mi haksatnakte hei lau tukma ci.

THUPAUCAP 3:25

Mipha ngawl tei lakah huihsiapi bangin siatnak a hen ten na ca in lungkhamnak imah um tukma hi.

ISAIAH 12:2

Pathian cu keimah Pantu hi; Amah muang tung a, imah lau tuk mang. Topa in huham le thazaang pia hi; Amah cu keimah Pantu hi,

ISAIAH 41:10

Imah lau pahsun, na lakah um ing. Keimah cu na Pathian ing hi, imah in lautik pahsuh hen. Nangmah bawm tung a, ngiltik tung; Hup tung a, pan tung hi.

ISAIAH 41:14

Topa in, Israel nang cu miphun neuno le thanem em hi ci. Mahnaven imah lau pahsun, keimah in bawm tung. Israel i Pathian thiangtho keimah cu nangmah pantu pa ing.

ISAIAH 54:13

“Na mite cu keimah loli in zilh tung a, lemdaihnak le khantohnak pia tung hi.

ISAIAH 55:12

“Lungdam zetin Babilon pen tul kik tuk uh ci, thatui zetin puitulmi hi tuk uh ci. Na mai uhah mualsang hihen, mualniam hihen, lasa in au bengbung haw tuk hi. Thingkungte vang lungdamin, au leilui haw tuk hi.

ISAIAH 57:19

Khawlapi ah a ummi hihen, naino ah ummi hihen, a venghawng haw i humah lemdaihnak pia ing. Ka mihingte cu damtik tung hi.

ISAIAH 9:6

A lak uhah nauno hing zo hi; Capa piak hi zo hung hi; Amah cu eimuhte uktu hi tuk hi. A min cu, “Thasiahhuai, Lembawltu,” “A cakmi Pathian,” “Kumkhua Pa,” “Lemdaihnak Kumpi,” tin sam hi tuk hi.

JEREMIAH 1:8

Lau pahsun, na lakah um tung a, nangmah humhim tung. Keimah, Topa in hilh zo ing hi!” ti hi.

KAH LA 3:17

Damnak, lemdaihnak le lungnopnak ten hawhsan haw. Lungdamnak cu iti bangta hi a, tih hei cingleh ma toh ing.

EZEKIEL 2:6

“Mihing pa, Ezekiel aw, amuhte hihen, a ot haw mi cu lau pahsun. Nangmah langpang haw tuk a, ling le so le micik thei aikam tei lakah um bang tuk ci. Mahnaven hi ngalthote cu lau pahsun; a otmi haw hei lau pahsun.

DANIEL 4:1

Kumpi Nebuchadnezzar in miphun, hinnam le awn hempoh tei lakah a nuailam a thu hi na cah hi. Na hum uhah lemdaihnak um tahen!

DANIEL 6:25

Mahten kumpipa Darias in, miphun, nam le awn a mangtu leihummi hempoh lakah lai ngan hi. “Na hum uhah lemdaihnak um zal hen!

ZEKHARIAH 6:13

Biakinn a saklehtu cu amah hi tuk a, kumpi zahin minthannak co in, mihingte cu amah in uk tuk hi. Thiampi pa khat cu a bawi khunnak elah ding tuk a, lemdaihnak le luallemnak tuah munkhatin, nadek langkhat haw tuk tin hilhin hi.’

MIPUM SIALNAK 6:26

Topa in, a mitmai pha cu na hum uhah umtikin, lemdaihnak hu pia zal hen; ti haw tuk hi.

MATTHAI 10:26

“Mah hangin mihing lau pahsuh un, atu a sel hempoh cu hon khawng hi tuk a, thu-ip hempoh cu phuan hileh khawng tuk hi.

LUKA 1:79

Thihnak lim nuai a um tei humah vanhum pen vaknak hengsuk tuk hi. Lemnak lampi ah hawhtik tuk,” ti hi.

LUKA 10:5

Inn pa kha khat sung na tum uhten a masabelin, ‘Hi inn sungah lungdaihnak um tahen,’ tin ti un hi.

LUKA 12:4

Jesuh in, “Ka ngualcamte aw, noh tei lakah hilh ing: Taksa pumpi bek that thei amah sangin a nase saw dang a bawl theih ngawl cu laukha viang pahsuh un hi.

LUKA 2:14

“A sangbel vanah Pathian cu thangphatin um tahen, A ihmi mihing tei umnak hi lei humah lemdaihnak um tahen,” tin sa haw hi.

JOHAN 14:1

Jesuh in, “Thinkham le ngaihsut haksa in, um pahsun un hi. Pathian um unna, keima hei um bok un hi.

JOHAN 16:33

Nohte cu keimah tuah na pehzomnak uh i hu le thawm hangin lungmuannak na ngah theihnak tuk uhin hi thu hi nohte hilh ing. Leihumin nohte cu haksatnak pia tuk hi. Mahnaven lau ngawlin ngalhang zetin um un! Leihumpi cu neh zo ing!” ti hi.

JOHAN 20:19

Mah Nipi ni taklamin nungzuitute munkhatah tawkdun khawm haw hi. Judah thuneitute a lau haw hangin kongka hempoh khak khawng haw ten Jesuh cu langin amu lakah dingin, “Nohtei lakah lemdaihnak um tahen,” ti hi.

JOHAN 20:21

Jesuh in amuh tei nelah, “Nohtei lakah lemdaihnak um tahen! Ka Pa in, a tiik bangin nangmuh vang tiik bok ing,” ti hi.

JOHAN 20:26

A nung nipi khat lawi ten nungzuitute inndat sungah um haw a, Thomas vang um bok hi. Kongkalh haw naven Jesuh cu langin a laklawh hawah dingin, “Nohtei lakah lemdaihnak um tahen,” ti hi.

NUNGZUITU 10:36

Mi hempoh tei a Topa uh Jesuh Khrih sung pen lemdaihnak Thuthangpha cu Pathian in Israel tei lakah pia hi, tih cu thei uh ci.

NUNGZUITU 18:9

Zan khat cu Paul in muhnak nei a, mahlai sung pen, “Paul, lau pahsun! Hilh li pohin, thasia him pahsun.

ROM Khua Khristian Tei Lakah Paul i Laikuat (Paul’s Letter to the Romans) 1:7

Mah hangin Rom khua a um Pathian i ihmi le ama mihingte hi tukin a sammi na venghawng uh lakah hi laikuat hi ngan ing. Pa Pathian le Topa Jesuh Khrih in hehpihnak le lemdaihnak cu nohte pia tahen.

ROM Khua Khristian Tei Lakah Paul i Laikuat (Paul’s Letter to the Romans) 15:13

Hawvang Thiangtho i cahnak thawmin, na muansannak uh cu khang tawto hen na, muansannak bulpi Pathian in, amah na upnak uh thawmin lungdamnak le lemdaihnak phunkim tuah dimtik tahen.

ROM Khua Khristian Tei Lakah Paul i Laikuat (Paul’s Letter to the Romans) 5:1

Atu-in upnak hangin thiancotikmi hi zo hung hi; a Topa uh Jesuh Khrih hangin Pathian tuah lemdun zo hung hi.

ROM Khua Khristian Tei Lakah Paul i Laikuat (Paul’s Letter to the Romans) 5:10

Ni dang laihin, Pathian ngal hi nave hung, atu-in, a Capa i thisan hangin a ngualcamin bawl zo hi. Pathian i ngualcam a hih zo uh hangin Khrih i nunnakin itih zahin ohte cu nunpan tuk him?

ROM Khua Khristian Tei Lakah Paul i Laikuat (Paul’s Letter to the Romans) 8:6

Mihing hihnak i uk mitei tawh tukmi, cu thihnak hi; Hawvang i uk mitei co tukmi cu nunnak le lemdaihnak hi.

1 KORIN 1:3

Pathian a Pa uh le Topa Jesuh Khrih in hehpihnak le lemdaihnak thupha pia zal tahen.

GALATI 1:3

A Pa Pathian uh le Topa Jesuh Khrih in hehpihnak le lemdaihnak cu nohte pia tahen.

GALATI 5:22

Mahnaven Hawvang i ngah a ngahtikmi cu itdunnak, lungdamnak, thinnopnak, lungmuannak, hehpihnak, phatnak, muantakmi hihnak,

GALATI 6:16

Mah thuman cu a nunnak hawah a nisialin, a zuitute cu Pathian i lemdaihnak le hehpihnak co zazal haw tahen. Pathian i mihing hempoh tei nunah vangin um zal tahen.

FILIPI 4:7

Mahten mihing tei ngaihsut bat ngawlmi, Pathian i lemdaihnakin, na lungmu uh le na ngaihsutnak uh cu Khrih Jesuh tuah na pehzomnak uh sungah himdamno in koih tuk hi.

KOLOSE 1:2

Pathian i lungkimnakin Khrih Jesuh i palai keimah Paul le Khrih sungah a unau uh Timote in laikuat ung hi. A Pa uh Pathian in, a thupha le lemdaihnak thupha pia zal tahen.

KOLOSE 1:20

Mahten a Capa i sung pen lei le van cu Pathian i lakah kiklehtik nuam hi. Pathian in, a Capa thinglamteh hum a, thisan i hangin van le lei a thil hempoh tuah lemnak bawlin mahten ama lakah pui kikleh hi.

KOLOSE 3:15

Khrih i piakmi khenkhuai theihnak cu thu na son uhten na soncatnak hempoh uhah a hotu in bawl un, itahim titale hi lemdaihnak sungah um tukin Pathian in taksa pumpi pa khat sungah a sam mite hi uh ci. Mah hangin lungdamin um un.

2 THESALON 1:2

Pa Pathian le Topa Jesuh Khrih in hehpihnak le lemdaihnak thupha pia tahen.

2 THESALON 3:16

Lemdaihnak bulpi ohtei Topa in lemdaihnak cu a phunkimin, i hun bang hunah hei in, pia tahen. Topa cu nangmu venghawng lakah um tahen.

2 TIMOTE 1:7

Itahim titale Pathian i piakmi Hawvang Thiangtho in ngalnawm tukin bawl ma hi: huham, itnak le mah le mah ukdun theihnak tuah dimtik saw hi.

HEBRU 13:20

Biakpiaknak tukin a nun a piaknak hangin Tuucing ngengbel Topa Jesuh cu Pathian in thihnak pen tholehtik zo hi; mahten a thihnak hangin kumkhua thutiamnak cu khotik zo hi.

HEBRU 7:2

Mahten Abraham in, a ngal tei khut sung pen a lonmi thil cu Melkhizedek lakah seh sawm seh khat pia hi. (Melkhizedek min a sullam pa khatnak cu “Dikcangnak, Kumpipa,” tihnak hi. Amah cu Salem Kumpipa a hih bangin “Lemdaihnak kumpipa,” tih vangin hi.)

MANGMUHNAK 1:4

Asia ngamsung a ummi pawlpi salih tei lakah keimah Johan in hitin nuksat ing. Tu laih takin, a ummi le a um awng zo mi le mailam hei ah a um tuk laihmi Pathian le a kumpi khunnak mai a ummi hawvang salih le,

MANGMUHNAK 2:10

Na thuak tukmi haksatnak cu lau pahsun, Satan in mi khenkhat thawngah khiak tianin teh tuk hi. Ni sawm sung haksat thuak tuk ci. Thihnak tian thuak tuk ahi hei in, muantakin um unna, na neh man uh nunnak sui lukhuh pia tung hi.

MANGMUHNAK 21:8

Mahnaven, ngalnawm mite, ngalnawmte, ningdelhhuai khawhuai biatute, laithatte, nupa sualnak bawltute, mitzial thiamte, milim biatute le zolthu sontu tei umnak tuk cu tuitingpi bangin meipi le kaat mei sungah na hi tuk a, mahmi cu vei nih thihnak hi,” ti hi.