JOHAN 14:26 - Ngawm Bible

²⁶ Mahnaven Ka Pa in keima minin, a tiik tukmi Bawmtu, Hawvang Thiangtho in, nohte cu ihempoh hilh tuk hi. Nangmuh ka hilhmi thu hempoh cinglengtik tuk hi.

JOHAN 14:26 Iomraidhean Croise

SAAM LABU 51:11

Na umnak na mai pen hawlvawk zal pahsun. Na hawvang thiangtho cu ka lak pen la zal pahsun.

ISAIAH 54:13

“Na mite cu keimah loli in zilh tung a, lemdaihnak le khantohnak pia tung hi.

ISAIAH 63:10

Amah cu dodalin, a hawvang thiangtho cu thasiatnak tuah dimtik haw hi. Mah hangin Topa cu a ngal hawah cangin, amuh do hi.

MATTHAI 1:18

Jesuh Khrih i hinnak cu hi bangin hi. A nu Mary cu Josef in hamin, a huaidun haw deuh laih ngawlin Hawvang Thiangtho ca nei tung tih thei hi.

MATTHAI 1:20

Mahnaven hi bangin a ngaihsut laihtakin, Topa i vancungmi pa khat cu a mangah langin hitih hin hilh hi. “David casuan Josef aw, Mary sung a ummi nau cu Hawvang Thiangtho i neihtikmi a hih hangin zi tukin lau pahsun.

MATTHAI 28:19

Mah hangin miphun hempoh tei lakah hawh unna, keima nungzuitute suaktikta un. Pa, Capa le Hawvang Thiangtho minin tuiphumnak pia un hi.

MATTHAI 3:11

Sualnak pen sikleh uh ci tih theihnakin, kei in tui tuah tuiphumnak pia ing. Mahnaven keima nung pen a hung tukmi pa in, Hawvang Thiangtho le mei tuah hinthaknak pia tuk hi. Amah cu kei sangin a thawm ngeng saw hi; kei cu a kedam cawitu tuk hei in tak mang.

MARKA 12:36

David cu Hawvang Thiangtho in hilhin: ‘Topa in, ka Topa i lakah, na ngalte na ke nuai ah ka koih laklawh, ka taklamah khungin,’ ti hi.

MARKA 13:11

Nangmuhte cu manin, zungah a het haw ten itin heng ka don tuk tin, a laih ngawlin thinsu pahsuh un. A hun a hen ten na hilh tuk uhmi cu theihtik hi tuk uh ci. Itahim titale na hilh tuk uh le na ot tuk uhmi cu nangmu ot hi tukma hi; Hawvang Thiangtho i hilhmi hi tuk hi.

LUKA 1:15

Amah cu Topa i mai pen mi thawmngengzet pa khat hi tuk hi. Sabittui le a ngui thei zute in ngawlin, a nu i pum sung hihim pen Hawvang Thiangtho tuah dim tuk hi.

LUKA 1:35

Vancungmi in, “Hawvang Thiangtho cu na nelah um tuk a, Pathian huham cu na humah heng tuk hi. Mah hangin a thiangthomi nau cu Pathian Capa tin sam hi tuk hi.

LUKA 1:41

Elizabeth in Mary i aw a zak bek ten a pum sung a nauno cu phia hi. Elizabeth cu Hawvang Thiangtho tuah dim hi.

LUKA 1:67

Johan i pa Zekhariah cu Hawvang Thiangtho tuah dimin, hitih bangin Pathian thu phuang hi.

LUKA 11:13

Nangmuh misual poh nangawnin thilpha piak tuk na thei uh tale van a um na pa uhin, a ngentu cu Hawvang Thiangtho pia ngawlin i um tuk him?” tin ti hi.

LUKA 2:25

Mah hunin Simeon a tih haw pa cu Jerusalem ah um hi. Amah in Israel tei nunpatnak a ngah haw tuk khi ngak leng hi. Hawvang Thiangtho cu a lakah umin,

LUKA 24:49

Keimah hihimin ka Pa i tepsa mi cu nohtei humah puak tung hi. Mahnaven humlam hu le thawm cu na hum uhah a hen laklawh Jerusalem pen na ngak un,” tin ti hi.

LUKA 3:22

Mahten van pen aw ngingin, “Nang cu ka ihmi ka capa hi ci, na humah ka lungdamzet ing.”

JOHAN 1:33

Amah cu akua him tih thei ma naveng tui tuah tuiphumnak pia tukin kei a tiiktu Pathian in, ‘A Hawvang heng tuk a, mi pa khat humah a kop khi mu tuk ci; mahpa cu Hawvang Thiangtho tuah tuiphumnak piatu hi tuk hi,’ tin hilh hi.

JOHAN 12:16

Mah hunlaihin, a nungzuitu ten a sullam imah thei haw ma hi. Mahnaven minthannak tuah a thawhleh nungten, ama thu ah Lai Thiangtho in hi bangin hilhin, amu ca tukin hi bangin bawlsak hi tih khi thei pheng haw hi.

JOHAN 14:16

Ka pa i lakah ngen tung a, bawmtu dang Hawvang Thiangtho nohte pia tuk hi. Amah cu nohtei lakah kumkhua in um tuk hi.

JOHAN 14:25

Hi thu hempoh nohtei lakah ka umlaihin hilh ing.

JOHAN 15:26

Ka Pa i lak pen Bawmtu, Hawvang heng tuk a, amah cu Pathian i thutak langtiktu tuk hi. Ka Pa i lak pen tiik tung a, keima cungcang hilh tuk hi.

JOHAN 16:7

Mahnaven thutakin hilh ing. Ka hawh hi nohtei ca in pha saw hi. Itahim titale ka hawh ma ahin Bawmtu Hawvang nohtei lakah hung tukma hi. Ka hawh ahi tale amah cu nohtei lakah tiik tung hi.

JOHAN 2:22

Mah hangin Jesuh thihnak pen a thawhleh nungten a nungzuitu ten ama taksa pumpi thu hilh hi tih cu theileh haw in, Lai Thiangtho hilhmi le Jesuh hilhmi cu um haw hi.

JOHAN 20:22

A hum hawah a haihawh cu hawl tulin, “Hawvang Thiangtho cota un!

JOHAN 6:45

Profet tei laibu sungah, ‘Mi hempoh cu Pathian in hilh tuk laih hi,’ tin um hi. Pa i thu zain, a zuitu cu keima lakah hung haw hi.

JOHAN 7:39

Jesuh i hilhnuammi cu Hawvang Thiangtho thu hi. Mah Hawvang Thiangtho cu amah umtu hempoh tei ngah tukmi hi. Hi hunlaihin Hawvang Thiangtho cu piakin umma laih. Itahim titale Jesuh cu sunloihnak tuah thawhtik hi ma laih hi.

NUNGZUITU 1:2

a na bawlmi hempoh le a thuzilhmi hempoh cangkim zetin ngan ing. Vancungah laktoh a hih laih ngawlin a tenmi a nungzuitute cu Hawvang Thiangtho huham tuah thuphano in, a zilh celh ten vanah laktohin umta hi.

NUNGZUITU 1:4

Amuh ten amah cu mitcang loli tuah mu haw in, Pathian Uknak thu cu amu lakah hilh hi. Mahten munkhatah a tawhdun khawm haw laihin, amu lakah hi bangin thupia hi; “Jerusalem pen imah lai ah hawh pahsuh un. Ka pa in laksawng pia tuk hi tin ka sonsa mi saw khi ngak un hi.

NUNGZUITU 1:8

Mahnaven nangmu lakah Hawvang Thiangtho a hen ten ngilnak huham tuah dim tuk uh ci, mahten Jerusalem khua, Judah ngam, Samaria ngam hempoh le leihum khua hempoh ah keima tetti hi tuk uh ci,” ti hi.

NUNGZUITU 11:16

Mahten Topa in, ‘Johan cu tui tuah tuiphumnak pia hi; mahnaven nohte cu Hawvang Thiangtho sungah phum hi tuk uh ci,’ tin, a tihmi phawkleh ing.

NUNGZUITU 13:2

Amuh cu an cangin Pathian a biak haw laihin, Hawvang Thiangtho in, “Barnabas le Saul cu ka tiikmi na bek dek tukin, a dangno umtik un,” ti hi.

NUNGZUITU 13:4

Hawvang Thiangtho in, a hah bangin Barnabas le Saul cu Sileusia ah hawh haw a, mahlai pen Saipras tuikulhah heng haw hi.

NUNGZUITU 15:28

Hawvang Thiangtho le ohte cu lungkimnak nei hung a, hi a kulmi daante sialngawl a dang vanngit nohtei humah koih tuk nuam ma ung hi.

NUNGZUITU 15:8

Mahten mi hempoh tei ngaihsutnak a thei khawngtu Pathian in Gentail mite vangin a uptheih hawnak tukin eimu lak a Hawvang Thiangtho a piak bang bokin amu lakah vangin Hawvang Thiangtho a piaknak pen langtik bok hi.

NUNGZUITU 16:6

Asia ngam sungah Thuthangpha hilh tukin Hawvang Thiangtho in, a phal ngawl hangin Frizia le Galati ngam sungah zin kawkawi haw hi.

NUNGZUITU 2:33

A pa, Pathian i taklamah sunglawi zetin hentik hi zo in, a tepsa bangin Hawvang Thiangtho cu a Pa i lak pen co zo hi. Tu a na muh uhmi le na zak uhmi cu eimu humah a leihsukmi ama laksawng hi.

NUNGZUITU 2:4

A venghawng haw in, Hawvang Thiangtho tuah dim haw a, Hawvangin ot theihnak a piak hangin, awn phundangin awn haw hi.

NUNGZUITU 20:28

Mahti bang a hih hangin nangmuh le nangmuh cingkhawi thiam unna, Hawvang Thiangtho in, na khut sung uhah a koihmi tuuhon khi phano in cingkhawi un hi. Pathian in, a Capa i thihnak i hangin amata in, a bawlsami Pathian i pawlpi cingkemtu na hita un!

NUNGZUITU 20:35

Ihempoh ah nasezet dekin, a thanemte bawm tuk hung tih khi lak zo ing; Topa Jesuh hei in, “Ngahlam sangin piaklamah lungdamnak tam saw, tih cu cing leleng un hi,” tin thucah hi.

NUNGZUITU 28:25

Paul in thu pa khat hilhin, mah thu hangin a lungmu haw cundun thei ngawlin khen khekdun khawng haw hi. A hilhmi cu: “Hawvang Thiangtho in, profet Isaiah mangin, na pu le pa tei lakah thu a hilhmi cu manzet hi.

NUNGZUITU 5:3

Peter in, “Ananias, itakaw Satan in neh a, na thil zuaknak pen na ngahmi sum cu a khenkhat lam imin, Hawvang Thiangtho na zol?

NUNGZUITU 7:51

“Thinlianzet si uh si! Na lungmu uh cu Pathian thei laihngawl tei lungmu hi. Pathian thu ngaihnak tukin na beng uh bul thong si maw? Nangmuh vang cu na pu le pa bangbok leng thong si uh si. Hawvang Thiangtho langpang leleng uh ci!

NUNGZUITU 7:55

Mahnaven Stefen cu Hawvang Thiangtho tuah dimin, vanlam a zohto ten Pathian sunloihnak le Pathian taklamah Jesuh a dingleng khi mu hi.

ROM Khua Khristian Tei Lakah Paul i Laikuat (Paul’s Letter to the Romans) 14:17

Itahim titale Pathian Uknak cu ei le in hi saw ngawlin; Hawvang Thiangtho i piakmi dikcangnak, lemdaihnak le lungdamnakte hi saw hi.

ROM Khua Khristian Tei Lakah Paul i Laikuat (Paul’s Letter to the Romans) 15:13

Hawvang Thiangtho i cahnak thawmin, na muansannak uh cu khang tawto hen na, muansannak bulpi Pathian in, amah na upnak uh thawmin lungdamnak le lemdaihnak phunkim tuah dimtik tahen.

ROM Khua Khristian Tei Lakah Paul i Laikuat (Paul’s Letter to the Romans) 15:16

Gentail mite cu Pathian nelah cosan takmi biakpiaknak bang a hihnak haw tukin le Hawvang Thiangtho i thawmin Pathian lakah apmi a hihnak haw tukin Pathian lak pen a hengmi Thuthangpha ka phuan ten thiampi bangin dek ing.

ROM Khua Khristian Tei Lakah Paul i Laikuat (Paul’s Letter to the Romans) 5:5

Hi muansannakin, a lung uh siatik ma hi, itahim titale Pathian in, a itnak cu Hawvang Thiangtho mangin eimu thin sungah buak zo hi. Mah Hawvang Thiangtho cu Pathian piakmi laksawng hi.

1 KORIN 12:3

Mahnaven Pathian Hawvang i lampui miten, “Jesuh cu tamsiat hi tahen,” tin ti thei tukma hi. Hawvang Thiangtho lampui mite bekin, “Jesuh cu Topa hi,” tin ti thei haw tuk hi.

1 KORIN 6:19

Na taksa pumpi uh cu Pathian i piakmi le na sung uh a nungmi Hawvang Thiangtho i biakinn a hihlam thei ma uh cim? Nohte cu nangmuta hi ma uh ci, Pathian ta uh ci.

2 KORIN 6:6

Ka ziaza phatnak uh hei in hihen, thuman theih theihnak uh le thinsau in hehpihnak ka neihnak uhin hihen, Pathian nadektu ka hihnak uh langtik ung hi. Mah i humah Hawvang thiangtho ka co uhmi le itnak tatak ka neih uhmi in hihen,

EFESA 1:13

Nangmu lakah nunpatnak a hentu Thuthangpha a manmi thuthang cu na zak uhten nangmuh vang Pathian i mihing bok uh ci. Khrih sungah um uh ci a, Pathian in amata na hihnak uh langtiknakin nangmu humah melciknak pia hi; mahmi melciknak cu pia tukin a tepsami Hawvang Thiangtho khi hi.

EFESA 1:17

Mahten a Topa uh Jesuh Khrih i Pathian a sunglawimi a Pa uhin, nangmu lakah Hawvang pia zazal tukin ngen ing. Mah Hawvangin theiciangtik tuk a, Pathian cu nangmu lakah langtik bok tuk hi. Mahten Pathian cu thei tuk uh ci.

EFESA 4:30

Pathian i Hawvang Thiangtho khi khaw-ngaitik pahsuh un; itahim titale Hawvang cu Pathian ta hi uh ci, tih sialsiahnak a hih hangin Pathian i luattiknak Ni heng tuk hi tih theihnak tuk na hi.

1 THESALON 4:8

Mah hangin hiti bang thuzilhnak a zui nuam ngawltu cu mihing i thu a el hi ngawlin Hawvang Thiangtho piatu Pathian i thu el hi.

2 TIMOTE 1:14

Eimuh tei sung a nungmi Hawvang Thiangtho i huhamin nangma lak a piakmi na phate cu phazetno cingkhawi in hi.

TITUS 3:5

Oh ten na pha a bawl uh hang hi saw ngawlin ama hehpihnak hangin nunpatmi hung hi. Hawvang Thiangtho i somciangnak hangin hinthaknak le nunnak thak ngah hung hi.

HEBRU 10:15

Mahten Hawvang Thiangtho hei in, a theihpihnak eimu lakah langtik hi. A masabelin,

HEBRU 2:4

Mah hun lengah Pathian in thasiahhuai le nalamdang a phuphunte bawlin, ama deihnak bangin Hawvang Thiangtho i laksawng khi sem ten hi.

HEBRU 3:7

Mah hangin Hawvang Thiangtho in, “Tuni Pathian i aw na za tale,

HEBRU 9:8

Hitih bang a bawlnak sung haw pen Hawvang Thiang i cangcian zetin, a langtikmi cu; puanbuk pualam deuhah a umlaihin, Mun Thiangthobel hawhnak lampi hong ma laih, tihnak hi.

1 PETER 1:12

Profet tei nadehnak cu amuh tei nemcuamnak tuk hi ngawlin nangmuh tei ca tukmi saw hi, tihmi Pathian in amuh tei lakah langtik hi. Mahten profet tei a hilh haw mi cu atu-in vancung pen a hahsukmi Hawvang Thiangtho i huham hangin Thuthangpha a phuangtu tei lak pen na zak uhmi hi. Hi thu hi vancungmite hei in, a theih nuam haw mi thu hi.

2 PETER 1:21

Itahim titale profet tei thuhilhmi cu mihing tei deihnak pen a hengmi kha ma hi, Pathian lak pen a hengmi thuthang a phuan haw ten Hawvang Thiangtho sosuahnakin, a hilhmi haw hi.

1 JOHAN 2:20

Mahnaven nohte cu Khrih in Hawvang thiangtho a buak zo hangin na venghawng uhin thutak theitu hi uh ci.

1 JOHAN 2:27

Nohte cu Khrih in, nangmu humah a Hawvang a buak zo hangin mah a Hawvang cu nangmu sungah a um sungin midang tei zilh lih kulma toh uh ci. Itahim titale a Hawvangin ihempoh hilhin, a hilhmi cu zolthu kha ma, thuman hi; mah hangin Hawvang i zilhmi cu zui unna, Khrih tuah pehzomdun lelengin um un.

1 JOHAN 5:7

Theihpihtu pa thum um haw hi:

JUDE 1:20

Mahnaven ka ihmi nohte cu a thiangthomi na upnak uh humah khangto pepel un hi. Hawvang thiangtho huham tuah thungen unna,

MANGMUHNAK 2:11

“Beng a nei ten Hawvangin pawlpi lakah a hilhmi ngai un, “Nehtu cu vei nih thihnak pen luat haw tuk hi,” ti hi.