JOHAN 14:24 - Ngawm Bible

²⁴ Keimah a it ngawltu ten ka thu ngai haw tukma hi. Ka hilhmi thu na zak lih uhte khi keima thu kha ma hi. Keimah a tiiktu ka Pa i thu hi.

JOHAN 14:24 Iomraidhean Croise

MATTHAI 19:21

Jesuh in, “Mi cangkim na nuam ngangai tale hawh inna, na neihmi hempoh zuakin, na ngahmi tangka cu mi ca-ngahte pia in hi; mahten vancungah sum le pai nei tuk ci. Mahceng ten keimah zui in,” ti hi.

JOHAN 14:10

Kei cu ka Pa i sungah um ing a, ka Pa vang cu keima sungah umbok hi tih khi umma cim maw, Filip? Nohte ka hilhmi thu cu keima sung pen a tulmi kha ma hi, ka sung a ummi ka Pa i nadehnak hi.

JOHAN 14:15

Jesuh in, “Keimah na it uh tale ka thupiakte zui tuk uh ci.

JOHAN 14:25

Hi thu hempoh nohtei lakah ka umlaihin hilh ing.

JOHAN 3:11

Thutak hilh ing: ka theih uhmi hilh ung a, ka muh uhmi theitik ung; mahnaven akua hei in, ka thu hilh uhmi pom nuam ma uh ci.

JOHAN 3:34

Pathian i tiikmi cu Pathian in, a Hawvang cangkimnak a piak hangin Pathian i thu cu phuang hi.

JOHAN 5:19

Mah hangin Jesuh in, a lak hawah, “Thutakin hilh ing; Capa in, a mahno in imah bawl thei ma hi. A Pa i bawlmi a muhmite bek bawl hi. Pa i bawlmi cu Capa hei in bawlbok hi.

JOHAN 5:38

A thuhilhmi vang na lungmu sung uhah koih ma uh ci, itahim titale a tiikmi umma uh ci.

JOHAN 7:16

Jesuh in, “Tu a, nohte ka zilhmi hi keima thu hi ngawlin keimah a tiiksuktu Pathian lak pen a hengmi thu hi.

JOHAN 7:28

Jesuh in mahtibang thu a zilh lih laih takin, “Keimah hi thei ngangai uh cim? Keima thu in, a hung hi kha mang hi. Keimah a tiiktu cu up tak ngangai mi hi. Noh ten keimah a tiiktu pa cu thei ma uh ci.

JOHAN 8:26

Nangmu lakah thuson tuk le thuhilh tuk tampi nei ing. Keimah a tiiktu cu thutak muantakzet hi a, leihumah ama lak pen ka zakmi thute bek hilh ing,” tin don hi.

JOHAN 8:28

Mah hangin Jesuh in amuh tei lakah, “Mihing Capa na khaitoh uhten ‘Keimah cu Keimah ing hi’ tih thei tuk uh ci. Keima thuneihnak tuah imah bawl mang, Pa i hilhnak bangin thuson ka hihlam thei tuk uh ci.

JOHAN 8:38

Kei cu ka Pa i laksami thute bek phuang ing. Mahnaven nohten na pa uh i hilhsa bek bawl uh ci,” ti hi.

JOHAN 8:42

Jesuh in, “Pathian cu na pa ngangai uh ahi tale keimah it tuk uh ci. Itahim titale kei cu Pathian lak pen hungin, atu-in hilai ah um ing. Keima thu in hung cawm mang hi. Keimah tiiktu pa i thu tuah hung ing.