JOHAN 14:20 - Ngawm Bible

²⁰ Mah ni le hun a hen ten kei cu ka pa i sungah ka um lam thei tuk uh ci. Nangmuh vang keima sungah na um lam uh le nangmu sungah kei ka um lam thei bok tuk hi uh ci.

JOHAN 14:20 Iomraidhean Croise

JOHAN 10:38

Mahnaven ka bawl ahi tale keimah na um nuam uh ngawl vangin ka bawlmi bek hi na um uh ahin mawi hi; mahten Pa cu ka sungah umin, Pa i sungah kei um ing, tih na theih lelengnak tukin,” ti hi.

JOHAN 14:10

Kei cu ka Pa i sungah um ing a, ka Pa vang cu keima sungah umbok hi tih khi umma cim maw, Filip? Nohte ka hilhmi thu cu keima sung pen a tulmi kha ma hi, ka sung a ummi ka Pa i nadehnak hi.

JOHAN 14:11

Kei cu ka pa i sungah um ing a, ka Pa hei keima sungah umbok hi. Hi thu hi na um poh unna, hi thu ke kek na um thei uh ngawl hei in, ka nadehnak le nalamdang ka bawlte na muh uh bek ten um un hi.

JOHAN 16:23

Mah ni a hen ten kei cu imah dongleh tukma toh uh ci. Thutakin hilh ing. Ka pa in keima min tuah na nget uhmi hempoh cu nangmuh pia tuk hi.

JOHAN 16:26

Mah hun a hen ten ama lakah ka minin, ngen tuk uh ci, a keimah in ngetsak tung tin ti mang hi.

JOHAN 17:11

Atu-in, na lakah hung tung a, kei cu leihumah umleh tukma toh naven amuhte cu leihumah um haw tuk laih hi. A thiangthomi ka Pa, nangmah le keimah pa khat a hih uh bangin leihumah a umlaih mite cu pa khat a hih theihnak tukin na piakmi na min i huham tuah humhimin hi.

JOHAN 17:26

Amu lakah na min cu than zo ing a, ka humah itnak na neihmi hi amu sungah a um boknak tukin le keimah vang amu sungah ka umboknak tukin na min cu amu lakah than pepel tuk laih ing hi, tin thungen hi.

JOHAN 17:7

Atu-in ihempoh nangma lak pen keimah na piakmi hi tin thei haw hi.

JOHAN 6:56

Ka taksa ei in, ka thi a intute cu keima sungah nung haw in, kei hei amu sungah nung bok ing.

ROM Khua Khristian Tei Lakah Paul i Laikuat (Paul’s Letter to the Romans) 16:7

Ka Judah hin pih le keimah tuah thawngta boktu Andronikas le Junia vang nuksat ing. Amuhte cu nungzuitu tei meltheih zetmi hi haw in, keimah sangin Khristian suak masa zo toh haw hi.

ROM Khua Khristian Tei Lakah Paul i Laikuat (Paul’s Letter to the Romans) 8:1

Atu-in Khrih Jesuh tuah a pehdun mitei ca in sual thukhennak pen luat zo haw toh hi.

1 KORIN 1:30

Khrih Jesuh cu na nunnak uhah a bulpantu cu amah Pathian hi. Pathian in Khrih cu eimu cihnak tukin bawl hi. Khrih i hangin ohte cu Pathian tuah lemdun zo hung. Pathian mi thiangtho in suak zo hung a, a suakcami hi zo hung hi.

2 KORIN 12:2

Nunglam kum sawm le kum li laihin ka theihmi Khristian mipa, pa khat cu van i thuah thumnakah cawito haw hi. (A tak pum ngangai maw, muhnak a ngahmi hi maw, thei mang; Pathian bekin thei.)

2 KORIN 13:5

Upnak sungah um hung maw? Um ma hung him tih theihciannakin nangmuh le nangmuh cekdun un. Jesuh Khrih eimu sungah um tatak tih thei ngai uh cim? A um tatak ngawl ahi tale mi lawhting ngawl hi uh ci.

2 KORIN 5:17

A kuakua hei hihen Khrih tuah pehzomdun tale semsuah thakmi hi; a nunlun cu bo in siam thakmi hi zo hi.

2 KORIN 5:19

Ka phuan uhmi thu cu; Khrih i hangin leihummi hempoh cu Pathian in, a lemdun lehnak bawl zo toh tihmi hi. Pathian in, a sual haw khumnak cazin koih lehma toh hi; mah ten a ngualcamin, a cannak haw thuthang hilhtu tukin keimuh nadeh tuk pia hi.

GALATI 2:20

Mah hangin a nungmi cu kei hi lehma toh ing. Ka sung a nungmi cu Khrih saw na hi. Atu nung ing ka tihmi cu keimah it in, keima ca nun a piatu Pathian Capa upnak tuah nung ing.

EFESA 2:10

Ohte cu Pathian i bawlmite hung a, eimu ca in, a tuptahsami thilpha cu bawlsak tukin Khrih Jesuh tuah a pehzopnak uh i hangin semsuah thakmi hi zo hung hi.

KOLOSE 1:19

Capa in ama sungah Pathian hihnak cangkimin, a neihnak cu amah Pathian i leitek sa hi.

KOLOSE 1:27

Pathian i tuptahmi cu mi hempoh tei ca in ngaihsutsa mi a sunglawi le nalamdang thu-ip cu atu-in, a mihing tei lakah langtik tukmi khi hi. Mah a thu-ip cu nangmu sungah a ummi Khrih a tihnuammi a hih hangin Pathian i sunloihnak khi kawm bok tuk uh ci tihnak hi.

KOLOSE 2:9

Itahim titale Pathian hihnak cu Khrih i mihing hihnak sungah cangkim zetin umin,

1 JOHAN 4:12

Kuamah in Pathian cu a mit tuah mu awng haw ma hi. Mahnaven pa khat le pa khat a itdun uh tale Pathian pehzomdunnak tuah nungca in, a itnak cu eimu sungah cangkim hi.