JOHAN 14:2 - Ngawm Bible

² Ka pa i inn sungah umnak tampi um hi. Mahlai ah nangmu umnak tuk mun bawlham tukin hawh tung. Mahtin ahi ngawl ahin nohtei lakah hilh tuk mang hi.

JOHAN 14:2 Iomraidhean Croise

LUKA 14:22

A ngeingawlno in, a innceng pa in, ‘Bawipa na thupiakmi bangin bawl khawng zo toh naveng umnak tampi tong laih hi,’ tin hilh hi.

JOHAN 13:33

Ka cate aw nohtei lakah ngeipi umleh tukma toh ing. Noh ten kei cu zei li tuk naven uhcin Judah tei lakah ka hilhsa bangin nohte hilh ing hi, ‘Keima hawhnak munah nohte hawh kha thei tukma uh ci,’ ti hi.

JOHAN 13:36

Simon Peter in, “Topa, ilai ah kaw na hawh tuk?” tin dong hi. Jesuh in, “Ka hawhnak tuk munah atu-in zui thei tukma laih ci. Mahnaven tunung deuh ten zuileh tuk ci,” tin don hi.

JOHAN 14:28

“Hawh hih tung a, nohtei lakah hungleh tung hi,” tin ka hilhmi thu za zo uh ci. Keimah na it ngangai uh tale ka Pa i lakah ka hawh tuk hi lungdamzet tuk uh ci. Itahim titale amah cu keimah sangin ngeng saw hi.

JOHAN 16:4

Hiti bangin nohtei humah a bawl haw hun a hen ten hi thu hi a hilhhamsa khi hi, tin na cin leleng theihnak tuk uhin hilh ing,” ti hi. “Nohtei lakah ka um leleng hangin hi thu hi a tung laihin, hilh mang hi.

JOHAN 17:24

Pa aw! Nangma piakmi ka sunloihnak hi amuh theihnak haw tukin nangmah in, amuhte cu ka khut sungah pia zo ci. Keima umnakah umbok tukin deih ing hi; itahim titale leipi a pian laihngawlin it zo ci.

NUNGZUITU 9:16

Mahten keima ca in, a thuak tuk mite cu lak tung,” ti hi.

2 KORIN 5:1

Ohtei umnak hi leihum thi le sa pumpi hi a siat khawng hei in, Pathian in vancungah eimu umnak tuk a sakmi, kumkhua a sia thei ngawlmi inn, eimu ca in koih hi tih cu thei hung hi.

1 THESALON 5:9

Pathian in, a thinuknak thuaktik tukin ohte teng ma hi; mahnaven a Topa uh Jesuh Khrih sung pen patnak ngah tukin teng hi.

TITUS 1:2

Mah a biaknak uh cu kumkhua nunnak muansannakah bulphuh pha mi hi. Zolthu son awng ngawl Pathian in hi nunnak cu leipi a bawl laih ngawlin a tepsami hi in,

HEBRU 11:10

Itahim titale Pathian hi kumkhua kho tukin bulphuhmi, a tawphah khimmi le a sakmi khuapi sung um tukin ngak hi.

HEBRU 13:14

Itahim titale hi leihumah kumkhua a kho mi khuapi nei ma hung; a heng tuk laihmi khuapi bek cuan hung hi.

HEBRU 6:20

Mah munah Jesuh cu eimu masuanah eimu ai-awh tukin tum zo hi. Melkhizedek i thiampi ngui zui in, a kumkhua thiampi sangah cang zo hi.

HEBRU 9:8

Hitih bang a bawlnak sung haw pen Hawvang Thiang i cangcian zetin, a langtikmi cu; puanbuk pualam deuhah a umlaihin, Mun Thiangthobel hawhnak lampi hong ma laih, tihnak hi.

MANGMUHNAK 1:5

A muanhuai theihpihtu, hin masakbel Capa, thihnak pen thawh kiklehtikmi leihum kumpite uktu Jesuh Khrih i hehpihnak le lemdaihnak thupha cu nohtei humah um tahen. Ohte it in, a thihnak hangin sualnak pen luattik zo hi.

MANGMUHNAK 21:2

Mahten khuapi thiangtho Jerusalem thak cu pasal nei tuk khanglai in, a pasal tukmi tawk tukin a mansa in, a thuamdun bangin thuamin Pathian lak pen tolhsuk khi mu ing.

MANGMUHNAK 3:12

Nehtu cu ka Pathian i Biakinn sungah sutpi khuamin bawl tung a, mah Biakinn cu taisan awng tukma hi. Ka Pathian i min vang a humah ngan tung. Mah khuapi cu vancung ka Pathian lak pen a heng tukmi hi. Mahten ka min thak vang a humah ngan tung hi.

MANGMUHNAK 3:21

Nehtu hi zo ing a, atu-in ka pa i kumpi khunnak humah ka khun bangin nehtute cu ka kumpi khunnak humah khun theihnak thupia tung hi.