JOHAN 14:19 - Ngawm Bible

¹⁹ Imah can um ngawlin leihumpi in, kei cu muleh tukma toh hi. Mahnaven noh ten kei cu mu tuk uh ci. Mahbek sial ngawlin keimah ka nun bang bokin nohte vang nungbok tuk uh ci.

JOHAN 14:19 Iomraidhean Croise

JOHAN 11:25

Jesuh in Martha lakah, “Kei cu thawhlehnak le nunnak ing hi. Keimah a umtu cu a thi hei in, nungleh tuk hi.

JOHAN 12:35

Jesuh in, “Nohtei lakah khuavaknak hun demno sung um tuk laih hi. Khuavaknak nohtei lakah a umlaihin, khuathimnak nohtei humah a heng tuk ngawlin mailamah nawt leleng un hi.

JOHAN 13:33

Ka cate aw nohtei lakah ngeipi umleh tukma toh ing. Noh ten kei cu zei li tuk naven uhcin Judah tei lakah ka hilhsa bangin nohte hilh ing hi, ‘Keima hawhnak munah nohte hawh kha thei tukma uh ci,’ ti hi.

JOHAN 14:6

Jesuh in, “Kei cu lampi, thutak le nunnak ing. Keimah tawn ngawlin kuamah in ka Pa i lakah heng thei haw tukma hi.

JOHAN 16:16

“Ngeican um ngawlin kei cu mu tukma toh uh ci a, imah can ngei ngawlin keimah muleh tuk uh ci.”

JOHAN 16:22

Mahti bang bokin nohte vang hi bok tuk uh ci. Atu-in, na tha uh sia hi. Mahnaven nohte cu muleh tung a, na lungmu uh cu lungdamnak tuah dim tuk hi. Mah lungdamnak cu kua mah i lonsak thei ngawl tohmi lungdamnak hi tuk hi.

JOHAN 6:40

Itahim titale Capa mu in, a umtu hempoh ten kumkhua nunnak a ngah haw tuk khi ka pa i deihnak hi, mahten ni dawlbel ni ten nunnakah thokiktikleh tung,” ti hi.

JOHAN 7:33

Jesuh in, “Dawmlaih sung cu nangmu lakah um hih tung a, mah nungten keimah tiiktu pa i lakah hawh tung hi.

JOHAN 8:21

Jesuh in amuh tei lakah, “Kei cu hawhta tung hi; keimah cu zei tuk na naven uhcin na sualnak sung uhah thi tuk uh ci. Ka hawhnakah hawh thei tukma uh ci,” tin ti hi.

NUNGZUITU 10:41

Mi hempoh tei lakah hi ngawlin a thutheitu tukin a ten mitei lakah langtik hi.

ROM Khua Khristian Tei Lakah Paul i Laikuat (Paul’s Letter to the Romans) 5:10

Ni dang laihin, Pathian ngal hi nave hung, atu-in, a Capa i thisan hangin a ngualcamin bawl zo hi. Pathian i ngualcam a hih zo uh hangin Khrih i nunnakin itih zahin ohte cu nunpan tuk him?

ROM Khua Khristian Tei Lakah Paul i Laikuat (Paul’s Letter to the Romans) 8:34

Akua in kaw sual a nawn tuk? Khrih Jesuh in mawhsiat tukma hi; amah cu eimuh tei ca thi in thawhlehtik a hih nungten Pathian i taklamah umin, eimu ca in Pathian nelah ngetsak hi.

1 KORIN 15:20

Mahnaven thutak cu hi tih hin hi: Khrih cu thihnak pen thawhtikleh hi zo in, a thisa thawhtikleh hi haw tuk tih theihnakin ngah masabel hi.

1 KORIN 15:45

Itahim titale Lai Thiangtho in, “Mihing masabel Adam cu a nungmi mihingin bawl,” ti hi. Mahnaven a dawltabel Adam cu nunnak piatu Hawvang hi.

HEBRU 7:25

Mah hangin atu le kumkhua in ama sung pen Pathian a zuantu hempoh cu a nun haw pan thei hi; itahim titale kumkhua in, a nun hangin Pathian nelah ngetsak leleng hi.

MANGMUHNAK 20:4

Kumpi khunnakte le a hum a khungtu, thukhen theihnak a hum haw a piakmite mu ing. Jesuh i phuanmi thutak le Pathian thu a phuan haw hang thah thuaktu tei hawvang mu ing. Mah mite in sahang bia haw ma hi; a milim vang bia haw ma hi. Sahang melciknak cu a baan hawah hei hihen, a cal hawah hei hihen nei haw ma hi. Nungleh haw in, kumpi bawi bangin Khrih tuah kum thawng khat sung uk haw hi.