JOHAN 14:17 - Ngawm Bible

¹⁷ Amah cu Hawvang hi ama Pathian thutak langtiktu hi. Leihumpi in amah pom thei ma hi. Itahim titale a theih haw ngawl hangin le amuh bat haw ngawl hangin hi. Mahnaven noh ten amah khi thei uh ci. Itahim titale nangmu lakah umcih leng a, na sung uhah amah a nun hangin hi.

JOHAN 14:17 Iomraidhean Croise

THUPAUCAP 14:10

Na lungdamnak cu nangmata hi, na lungsiatnak vang nangmata hi, kuamah in kawm kha thei haw tukma hi.

ISAIAH 57:15

Keimah cu kumkhua a nungmi Pathian, a sangmi le a thiangtho Pathian ing. A sang le a thiangthomi humah um ing; mahnaven niamkhiatnak le sihkiknak na neih lehnak tukin lungkham mi le lungnem mi lak hei ah um ing.

ISAIAH 59:21

Nangmuh tuah thutepnak bawl ing: Ka huham le ka thuhilhnakte pia ing; tu pepan zui unna, nangmu khan, na ca tei khan le casuan tei khanah hei hihen, ka thu ngai tukin zilh leleng un,” ti hi.

EZEKIEL 36:27

Na sung uhah ka hawvang khum tung a, ka daante le ka thupiakmite zui thei tuk uh ci.

MATTHAI 10:20

Itahim titale na ot tuk uh cu nohtei ot hi tukma hi; nangmu sung pen na pa uh i Hawvang Thiangtho in ot sak tuk hi.

JOHAN 14:16

Ka pa i lakah ngen tung a, bawmtu dang Hawvang Thiangtho nohte pia tuk hi. Amah cu nohtei lakah kumkhua in um tuk hi.

JOHAN 14:23

Jesuh in, “Kei a ittu pawpohin ka thu khi ngai tuk hi. Amah cu ka Pa in, it bok tuk a, keimah le ka Pa cu hungin ama lakah um tuk ung hi.

JOHAN 15:26

Ka Pa i lak pen Bawmtu, Hawvang heng tuk a, amah cu Pathian i thutak langtiktu tuk hi. Ka Pa i lak pen tiik tung a, keima cungcang hilh tuk hi.

JOHAN 16:13

Mahnaven Hawvang Thiangtho a hen ten Pathian i thutak langtiktu a hih hangin thutak hempoh sungah lamhuai tuk hi. Ama thuno in, awn tukma naven a zakmi cu hilhin, a heng tuk laihmi thu vang hilh tuk hi.

JOHAN 6:40

Itahim titale Capa mu in, a umtu hempoh ten kumkhua nunnak a ngah haw tuk khi ka pa i deihnak hi, mahten ni dawlbel ni ten nunnakah thokiktikleh tung,” ti hi.

1 KORIN 14:15

Mah ahi tale itin kaw ka bawl tuk? Thu ka nget ten hawvang tuah ngen tung a, ka lungmu hei in ngen tung hi. La, ka sak ten hawvang tuah sa tuang a, ka lungmu vangin sa tung hi.

1 KORIN 2:14

Hawvang mi ngawl ten Pathian Hawvang lak pen a hungmi laksawng cu co thei haw ma hi. A thei vang theithei haw ma hi; itahim titale mah laksawng tei manneih dante cu hawvang lungmu bekin a theihtheih hangin amuh tei ca in imah ngawl thong hi.

1 KORIN 3:16

Nohte cu Pathian biakinn hi uh ci a, hawvang na sung uhah a um khi thei ma uh cim? Pathian Hawvang i umnak inn hi uh ci.

1 KORIN 6:19

Na taksa pumpi uh cu Pathian i piakmi le na sung uh a nungmi Hawvang Thiangtho i biakinn a hihlam thei ma uh cim? Nohte cu nangmuta hi ma uh ci, Pathian ta uh ci.

2 KORIN 13:5

Upnak sungah um hung maw? Um ma hung him tih theihciannakin nangmuh le nangmuh cekdun un. Jesuh Khrih eimu sungah um tatak tih thei ngai uh cim? A um tatak ngawl ahi tale mi lawhting ngawl hi uh ci.

2 KORIN 6:16

Pathian i biakinn le umngawltu tei milimte itang kaw a lemdun theih haw tuk? Itahim titale oh cu a nungmi Pathian i biakinn hung hi. Pathian amah loli in: “Ka mihing tei lakah ka umnak inn sa tung a, amu lakah um tung. A Pathian haw hi tung a, amuhte cu ka mihing hi haw tuk,” ti hi.

GALATI 4:6

Mahten a cate na hihnak uh langtiknakin Pathian in, a capa i Hawvang cu eimu lungmu sungah pia hi. Eimu lungmu sung pen, “Ka Pa, Ka Pa,” tin, a autu cu mah Hawvang hi.

EFESA 2:22

Amah tuah na pehdunnak uh thawmin nangmuh vang amah umtu midangte tuah Hawvangin Pathian i umnak inn tukin sakcihmi hi zo toh uh ci.

EFESA 3:17

nangmu upnak thawmin, na lungmu uh cu Khrih in ama innah bawl zal tahen, tin thungen ing. Thu ka nget bet uhmi cu na zung uh cu itnak sungah mantik unna,

KOLOSE 1:27

Pathian i tuptahmi cu mi hempoh tei ca in ngaihsutsa mi a sunglawi le nalamdang thu-ip cu atu-in, a mihing tei lakah langtik tukmi khi hi. Mah a thu-ip cu nangmu sungah a ummi Khrih a tihnuammi a hih hangin Pathian i sunloihnak khi kawm bok tuk uh ci tihnak hi.

2 TIMOTE 1:14

Eimuh tei sung a nungmi Hawvang Thiangtho i huhamin nangma lak a piakmi na phate cu phazetno cingkhawi in hi.

1 JOHAN 2:27

Nohte cu Khrih in, nangmu humah a Hawvang a buak zo hangin mah a Hawvang cu nangmu sungah a um sungin midang tei zilh lih kulma toh uh ci. Itahim titale a Hawvangin ihempoh hilhin, a hilhmi cu zolthu kha ma, thuman hi; mah hangin Hawvang i zilhmi cu zui unna, Khrih tuah pehzomdun lelengin um un.

1 JOHAN 3:24

Pathian thupiakmi a zuitu hempoh cu Pathian tuah umkawmin, Pathian vangin amu lakah um bok hi. Pathian i piakmi Hawvang hangin Pathian cu eimuh tuah umkawm tih thei hung hi.

1 JOHAN 4:4

Mahnaven ka cate aw, nohte cu Pathian cate hi uh ci. Profet man ngawlte vang neh zo uh ci. Itahim titale nangmu sungah a ummi Hawvang cu leihum mitei sung a, hawvang sangin ngil saw hi.

1 JOHAN 4:6

Mahnaven ohte cu Pathian ta hung hi. Pathian a theitu hempohin eimu thu ngai haw hi. Pathian ta ahi ngawlmi in eimu thu ngai haw ma hi. Mahten a dikmi Hawvang le a dik ngawlmi hawvang deidatnak cu mu thei hung hi.

1 JOHAN 5:7

Theihpihtu pa thum um haw hi:

MANGMUHNAK 2:17

“Beng na nei uh tale Hawvang Thiangtho i pawlpi tei lakah a hilhmi cu na ngai un. “Nehtute cu selmi manna moh khenkhat pia tung hi. Mah i humah suangpeek ngo pa khat ten pia tung a, mah suangpeek ngo humah a cotu tuk tei theihmi amuh tei min thak ngatin um tuk hi,” ti hi.