JOHAN 14:12 - Ngawm Bible

¹² Thutakin hilh ing. Keima a umtu ten ka bawl bangin bawlbok haw tuk hi. Hi sangin a ngeng saw deuh hei bawl thei haw tuk hi. Itahim titale ka Pa i lakah ka hawh tuk hangin hi.

JOHAN 14:12 Iomraidhean Croise

MATTHAI 21:21

Jesuh in, “Thungai in hilh ing. Aicannak nei viang ngawlin na um ngangai uh tale hi theikung pi hum a, ka bawlmi hi nangmuh vangin bawl thei bok tuk uh ci. Hi bek hei hi ngawlin hi mual hei hi, ‘Thawn inna, tuipi sungah caak in,’ na ti uh tale na tih uh bangin piang tuk hi.

MARKA 11:13

Lam khawla thimnakah a ceh sai bimbemmi theikung pa khat mu in, a ngah um nemtim maw tih zo tukin zuan hi. Mahnaven theikung bulah a hen ten a ceh bek mu hi. Itahim titale thei min hun a hih ngaw hangin hi.

MARKA 16:17

A umtute cu nalamdang bawl theihnak huham piak hi haw tuk hi. Ka minin khawhuai hawlvawk thei haw tuk a; awn thakin awn haw tuk hi.

JOHAN 14:28

“Hawh hih tung a, nohtei lakah hungleh tung hi,” tin ka hilhmi thu za zo uh ci. Keimah na it ngangai uh tale ka Pa i lakah ka hawh tuk hi lungdamzet tuk uh ci. Itahim titale amah cu keimah sangin ngeng saw hi.

JOHAN 16:7

Mahnaven thutakin hilh ing. Ka hawh hi nohtei ca in pha saw hi. Itahim titale ka hawh ma ahin Bawmtu Hawvang nohtei lakah hung tukma hi. Ka hawh ahi tale amah cu nohtei lakah tiik tung hi.

JOHAN 4:37

Itahim titale thu santehnakin, ‘Mi pa khatin cingin; a dang pa khatin at hi,’ tihmi cu manzet hi.

JOHAN 5:20

Itahim titale Pa in, a Capa cu it in, a bawlmi hempoh lak khawng hi. Hi sangin bawl tuk a nase saw mi lak hih tuk a, lamdang sazet tuk laih uh ci.

JOHAN 7:33

Jesuh in, “Dawmlaih sung cu nangmu lakah um hih tung a, mah nungten keimah tiiktu pa i lakah hawh tung hi.

JOHAN 7:39

Jesuh i hilhnuammi cu Hawvang Thiangtho thu hi. Mah Hawvang Thiangtho cu amah umtu hempoh tei ngah tukmi hi. Hi hunlaihin Hawvang Thiangtho cu piakin umma laih. Itahim titale Jesuh cu sunloihnak tuah thawhtik hi ma laih hi.

NUNGZUITU 10:46

Itahim titale mahmi cu awn phun dadang tuah awnin, Pathian i thawmngengnak a thangphat haw khi a zak haw hangin hi. Peter in,

NUNGZUITU 16:18

Ni tampi sung cu cawl ngawlin au li hangin Paul cu a thinukin, nunglam hek vutin a, khawhuai i lakah, “Jesuh i minin thupia ing; hi nu i sung pen tulin hi!” tin ti hi. Thakhatin a khawhuai cu tul hi.

NUNGZUITU 19:12

A pavua le a taihetnak puan cawmin tina tei lakah a hawhpih haw ten a natnak haw damin, a sung haw pen dawi ngilote tul haw hi.

NUNGZUITU 2:33

A pa, Pathian i taklamah sunglawi zetin hentik hi zo in, a tepsa bangin Hawvang Thiangtho cu a Pa i lak pen co zo hi. Tu a na muh uhmi le na zak uhmi cu eimu humah a leihsukmi ama laksawng hi.

NUNGZUITU 2:41

Peter i hilhmi cu mi tampi ten a up hangin tuiphum haw hi; mah ni khat sungin, mipum thawng thum bang kim haw hi.

NUNGZUITU 4:16

Pa khat le pa khat “Itin bawl kam nung? Kuamah i bawl theih ngawl tian bawl thei haw a, Jerusalem khuasung mi hempoh ten thei khawng zo a hih haw hangin kuamah i el theihmi kha lehma toh hi.

NUNGZUITU 4:33

Topa Jesuh i thawhlehnak thu cu nungzuitu ten a nase zetmi huham tuah tettikhan haw a, Pathian in, a venghawng haw humah thupha muicu buak hi.

NUNGZUITU 4:4

Mahnaven a thuhilh haw mi zain le a umtu tampi um haw hi, thu umtute cu khang sesemin thawng nga bang tingto haw hi.

NUNGZUITU 5:15

Nungzuitu tei thil bawlmi amuh haw ten tina tampi cu khua sung lampi ah zawngin, Peter i hawh ten pa nih, pa thum bek a limno pohin, a lip khak tukin tin zaunak le lawhdei phahin, sial pepel haw hi.

NUNGZUITU 6:7

Pathian thu cu khang pepel hi. Jerusalem khua sungah thu umtute pung dedeuh haw a, thiampi tampi ten a upnak haw cu pom bok haw hi.

NUNGZUITU 8:7

Mi honpi tei sung pen khawhuaite cu nasezet au ngu-ngun thahin tul haw a, zengnat neite, khut le kezawngte hei dam haw hi.

NUNGZUITU 9:34

Peter in, “Aenias aw, Jesuh Khrih in nangmah damtik hi. Tho inna, na zauphah zialin,” ti hi. Thakhatin Aenias cu tho hi.

NUNGZUITU 9:40

Peter in, inn khan sung pen tultik khawngin, khukdin thungen hi; mahten Dorkas i luang lamah hekin, “Tabitha, tho in!” tin ti hi. Dorkas cu a mit hakto in, Peter amuh ten khung hi.

ROM Khua Khristian Tei Lakah Paul i Laikuat (Paul’s Letter to the Romans) 15:19

Hitih bang a dehmi hi awnkam le dehnakin hihen, thasiahhuai nalamdang dehnak le a lamdang cahnak huhamin hihen, Pathian Hawvang i cahnakin, a bawlmi hi. Jerusalem pepanin Illirikum tian ka khualzinnakah Khrih i Thuthangpha cu cangkim zetin phuang ing.