JOHAN 13:4 - Ngawm Bible

⁴ Mah hangin an a eih haw laihtakin cabuai pen dingto in, a angki cualpi dukin a koih celh ten khut nawtnak puan khi la in, a puan cu a tai ah het hi.

JOHAN 13:4 Iomraidhean Croise

2 KUMPI 3:11

Kumpi Jehoshafat in, “Topa thu a siampih theihnak tukin hilai ah profet akua bek um haw ma maw?” tin dong hi. Kumpi Joram i ngalbawi pa khatin, “Shafat i capa Elisha um pahcuh. Amah cu Elijah bawmtu hi,” tin hilh hi.

LUKA 12:37

A bawipa haw a kihleh ten a hakmi le ngallinnak neimi innceng cu itizah takin lungdamhuai him? Thungai in hilh ing. Mansa hilhialin, a um nungten an ei tukin khungtik tuk a, amah hihimin tuamlawm tuk hi.

LUKA 17:7

“Sontehnakin nangmu sungah pa kha khatin umlawhpa khat nei in, a umlawhpa cu leilet ahimata tuucing bang a hita ahin, inn a pin ten manlangin an ei nawnawmin, ti ni uh cim?

LUKA 17:8

Ti tukma uh ci! Mah sangin, ‘Ka takeih tuk bawlsakin hi. Na vansilh inna, ka an eih sung keimah cinglengin hi. Mahceng ten nang cu ei pheng tuk lai ci,’ tin ti saw tuk ci.

LUKA 22:27

Akua ngeng saw him? A khungin, an eitu maw an piatu? A khungin, an eitu khi ngeng saw ma maw? Mahnaven kei cu noh tei lakah an piatu bangin um ing.

JOHAN 13:12

A ke haw a somsak celh ten a angki cualpi silhin, cabuai ah khung lehin, “Tu a ka bawlsakmi thu umdante hi a sullam thei uh cim?” tin dong hi.

2 KORIN 8:9

A pa uh Jesuh Khrih i mi a hehpih daan cu thei uh ci. Amah cu hauzet naven nangmu hangin mi ca-ngah zetin cang hi; Mahti bangin a zawnnak cu mihau na hihnak tuk uh a deih hangin hi.

1 JOHAN 3:11

A pat pepan na zak leleng uhmi thu cu, “Pa khat le pa khat itdun un,” tih hi.