JOHAN 13:34 - Ngawm Bible

³⁴ Thutiam Thak nohte pia ing. Pa khat le pa khat na itdunta un hi. Keimah in nangmuhte ka ih bangbokin, nohte vang pa khat le pa khat na itdun bokta un.

JOHAN 13:34 Iomraidhean Croise

SAAM LABU 119:63

Na daan a zuitu le na nadektu hempoh tei ngualcampih ing.

SAAM LABU 16:3

Topa i mi thiangthote cu itih zahin kaw a mawi haw! Amuh tuah um cu ka lungdamnakbel hi.

THIAMPI NADEHNAK 19:18

Kua i hum hei ah phuba la pahsun; mi na huatnak vang na lungmu sungah cingleng pahsun; nangmah na ihdun bang bokin midangte it in hi. Keimah cu Topa ing.

THIAMPI NADEHNAK 19:34

Israel miten na zohdun uh bangbokin, amuh vang zo bok un. Nangmuh le muh na ngaihsakdun uh bangin amu ca ngaihsutsak bok un. Izipt ngam sungah mikhual na hih uh laih khi phawk ngil pahsuh un. Keimah cu Topa na Pathian uh ing.

MATTHAI 5:44

Mahnaven kei in, hi bangin hilh ing, na ngalte it inna, a bawlsiatu tei ca in thunget sak un.

JOHAN 15:17

Mah hangin ka thupiakmi cu hi bangin hi. Pa khat le pa khat itdun un hi.

JOHAN 17:21

A venghawng haw in, pa khat a hih theihnak tukin ngen ing. Pa aw, nangmah cu keima sungah um ci a, kei vang nangma sungah ka um bang bokin amuh vang cu eimu sungah umbok haw hen. Nangmah in kei na tiik cu hi leihumin, a san theihnak haw tukin amuhte cu pumkhatin cang zal haw hen.

ROM Khua Khristian Tei Lakah Paul i Laikuat (Paul’s Letter to the Romans) 12:10

Khristian unau ten na hih uh hangin pa khat le pa khat sunsak dunzetno in itdun un hi. Pa khat le pa khat maizah dunnak thiam un hi.

ROM Khua Khristian Tei Lakah Paul i Laikuat (Paul’s Letter to the Romans) 13:10

Mi pa kha khat na it tale ama ca in, a pha ngawlmi bawl awng tukma ci. Mah hangin Daan a kimno in zui thei tihmi cu itdun tuk tihnak hi.

ROM Khua Khristian Tei Lakah Paul i Laikuat (Paul’s Letter to the Romans) 13:8

Pa khat le pa khat itdun un, itnak sial ngawl leiba pahsun. Itnak a neitu cu Daan zuitu hi.

GALATI 5:22

Mahnaven Hawvang i ngah a ngahtikmi cu itdunnak, lungdamnak, thinnopnak, lungmuannak, hehpihnak, phatnak, muantakmi hihnak,

GALATI 5:6

Itahim titale Khrih Jesuh tuah a pehzomdun uh tale vunceptalhnak hihen, tan ngawlnak hei hihen, dangdunnak umma hi. A thupimi cu itdunnak sung pen na a dektu upnak bek khi hi.

GALATI 6:10

Mah hangin hun pha a tawh uh hempoh ah kuakua i humah hei hihen a phami cu bawl nung inna, Khristian a upnak uh lam pen a innkua tei lakah a cuangin bawl tuk hung hi.

GALATI 6:2

Pa khat le pa khat bawmngit dawndun unna, mahten Khrih i daan cu kimtik tuk uh ci.

EFESA 5:2

Khrih in eimuh it in, a nunnak eimuh ca in Pathian lungdamtiktu namtui piaknak le biakpiaknakah a piakcopnak bangin na nunnak uh cu itnakin uk hen.

KOLOSE 1:4

Ita lungdamnak thu hilh kam ung titale Khrih Jesuh na upnak uh le Pathian i mihing hempoh tei lakah itnak na neih uh khi ka zak uh hangin hi.

1 THESALON 3:12

A Topa uhin pa khat le pa khat itdunnak le mi hempoh na ih uh cu khangtik tahen na, nangmuh ka ihnak uh a ngeng bangin ngengtik bok tahen.

2 THESALON 1:3

U le naute nangmuh hangin Pathian humah lungdamzet ung hi. Mahti bangin Pathian a thangphat uh cu a dikmi hi. Itahim titale na upnak uh khang zetin pa khat le pa khat na itdunnak uh vang khang tawto hi.

HEBRU 13:1

Khristian u le nau na hih uh bangin pa khat le pa khat itdun leleng un hi.

JAMES 2:8

Lai Thiangtho sungah na inn nelte cu nangmah na ih bang bokin it in, tihmi Pathian Uknak i daan cu na zui thei tale, a manmi bawl ci.

1 PETER 1:22

Atu-in, thutak na zuinak uh hangin thianthohtikmi hi zo uh ci, umtu unau dang khi lungmu takin it uh ci. Mah hangin na lungmu tak uh tuah pa khat le pa khat itdun un.

2 PETER 1:7

Pathian kihcaknak na neih uhmi humah unau ningnat dunnak bet unna, mahten Khristian unau ningnat dunnak humah itnak beet un.

1 JOHAN 3:11

A pat pepan na zak leleng uhmi thu cu, “Pa khat le pa khat itdun un,” tih hi.

1 JOHAN 3:23

Thu a piakmi cu Khrih i thupiakmi bangin, a Capa Jesuh Khrih umin, pa khat le pa khat a ihdun theihnak tukin hi.

1 JOHAN 4:21

Khrih i piakmi thukham cu hi tih bangin hi. Kua hei hihen Pathian a ittu cu a unau vang it bok tuk hi.

2 JOHAN 1:5

Mah hangin ka ihmi le upatmi Nu, pa khat le pa khat itdun ten nung tin kun ing. Hitih bangin ka ngatmi hi thukham thak kha ma hi. A pat pepan a zaksa uhmi thukham hi.