JOHAN 13:33 - Ngawm Bible

³³ Ka cate aw nohtei lakah ngeipi umleh tukma toh ing. Noh ten kei cu zei li tuk naven uhcin Judah tei lakah ka hilhsa bangin nohte hilh ing hi, ‘Keima hawhnak munah nohte hawh kha thei tukma uh ci,’ ti hi.

JOHAN 13:33 Iomraidhean Croise

JOHAN 13:36

Simon Peter in, “Topa, ilai ah kaw na hawh tuk?” tin dong hi. Jesuh in, “Ka hawhnak tuk munah atu-in zui thei tukma laih ci. Mahnaven tunung deuh ten zuileh tuk ci,” tin don hi.

JOHAN 14:19

Imah can um ngawlin leihumpi in, kei cu muleh tukma toh hi. Mahnaven noh ten kei cu mu tuk uh ci. Mahbek sial ngawlin keimah ka nun bang bokin nohte vang nungbok tuk uh ci.

JOHAN 14:2

Ka pa i inn sungah umnak tampi um hi. Mahlai ah nangmu umnak tuk mun bawlham tukin hawh tung. Mahtin ahi ngawl ahin nohtei lakah hilh tuk mang hi.

JOHAN 7:36

“Keimah zei tuk nave uhcin tawk tukma uh ci. Ka umnak tuk munah nohte hawh kha thei tukma uh ci,” ti hi. “A sullam i nantim?” tin ti haw hi.

GALATI 4:19

Ka itmi ka cate aw, numei ten naukei a thuak bangin Khrih i mel nangmu sungah a pian laklawh thuakleh hih tuk bangin um sing.

1 JOHAN 2:1

Ka cate aw, sualnak na bawl ngawlnak tuk uhin hilai hi nangmuh tei lakah ngan ing. Mahnaven pa kha khatin sualnak a bawl tale, a dikcangmi Jesuh Khrih, eimu ai-awhin Pa Pathian nelah thu a hilhsak theitu nei hung hi.

1 JOHAN 4:4

Mahnaven ka cate aw, nohte cu Pathian cate hi uh ci. Profet man ngawlte vang neh zo uh ci. Itahim titale nangmu sungah a ummi Hawvang cu leihum mitei sung a, hawvang sangin ngil saw hi.

1 JOHAN 5:21

Ka cate aw, milimte bia kha tuk ngawlin cingcaizet un hi.