JOHAN 13:3 - Ngawm Bible

³ Pa in huham cangkim zetin pia zo hi tih cu Jesuh in theicop leng hi. Pathian lak pen hungin, Pathian nelah hawhleh tung hi tihvang cu thei hi.

JOHAN 13:3 Iomraidhean Croise

MATTHAI 11:27

“Ka Pa in, ka khut sungah ihempoh pia khawng zo hi. Pa sialngawl kuamah in, Capa cu thei haw ma hi; mahten Capa in thei bok haw hen tin, a ten mite sial ngawl, kuamah in Pa thei haw ma hi.

MATTHAI 28:18

Jesuh in amu lakah zuanin, “Lei le Van i thuneihnak hempoh cu ka lakah piak hi khawng zo hi.

LUKA 10:22

“Ka pa in, ihempoh ka lakah pia zo toh hi. Capa hi akua him tih cu Pa sialngawl kuamah in thei haw ma hi. Mahti bang bokin, Pa hi akua him tihvang Pa le Capa i phuan mitei lakah sial ngawl kuamah in thei zo haw ma,” ti hi.

JOHAN 1:18

Kuamah in, Pathian cu mu awng ma hi. A Pa in, a Capa neihcalam, a angsungah a umtiknakin langtik zo hi.

JOHAN 13:1

Atu-in Kaltan Puainak tuk ni khat bek sam toh hi. Leihum zamsanin, Pa i lakah a hawh lehnak tuk hun heng zo tih thei hi. Hi leihum a ummi a mihingte khi it lelengin, amuhte a dawltawpnak tian it hi.

JOHAN 17:2

Capa i lakah na piakmi mihing hempoh tei lakah kumkhua nunnak a piak theihnak tukin leihum hinnam hempoh tei humah thuneihnak pia zo ci.

JOHAN 3:13

Vancung pen a tolh sukmi Mihing Capa sial ngawl kuamah vancungah a kaitu um haw ma,” ti hi.

JOHAN 3:35

A Pa in, a Capa cu it in, ihempoh a khut sungah pia hi.

JOHAN 7:29

Mahnaven kei cu thei ing. Itahim titale ama lak pen hung ing a, a tiiksuktu cu amah hi,” tin nging zetin au hi.

JOHAN 7:33

Jesuh in, “Dawmlaih sung cu nangmu lakah um hih tung a, mah nungten keimah tiiktu pa i lakah hawh tung hi.

JOHAN 8:14

Jesuh in donlehin, “Mah kha ma hi. Keima thu lala ka son cop li vangin ka sonmi thu cu thuman hi. Itahim titale ilai pen hungin, ilai ah hawh tung kaw tihvang thei zo ing. Nohten ilai pen hung ing a, ilai lamah hawh tung kaw tih hei thei ma uh ci.

JOHAN 8:42

Jesuh in, “Pathian cu na pa ngangai uh ahi tale keimah it tuk uh ci. Itahim titale kei cu Pathian lak pen hungin, atu-in hilai ah um ing. Keima thu in hung cawm mang hi. Keimah tiiktu pa i thu tuah hung ing.

NUNGZUITU 2:36

“Israel mite aw, thinglamteh humah na thah uhmi Jesuh khi, Pathian in Topa le Khrih in bawl zo hi, tih hi ciang zetin, na zak khawng theihnak tukin kul loli,” ti hi.

1 KORIN 15:27

Itahim titale Lai Thiangtho in, “Pathian in ihempoh a ke nuai ah koih khawng tuk,” ti hi. “Ihempoh” tih ten Pathian amah tel ma hi tih cu hilh kulma hi. Pathian in, na hempoh cu Khrih i nuai ah koih khawng tuk hi.

HEBRU 1:2

Mahnaven hun dawllam ten ohtei lakah a Capa tawnin hilh hi. A Capa tawnin lei le van bawlin a dawlbel ten ihempoh nei khawngtu tukin teng hi.