50 Hilh tuk ci tin, a tiikmi thu cu kumkhua nunnak piatu hi tih khi thei ing. Mah hangin ka hilhmi thu cu ka Pa in hilh tuk ci tin, a tihmi thu khi hi,” ti hi.
Mahnaven hi zong hi ngan ing a, ka ngatnak sullam cu noh ten Jesuh cu Khrih, Pathian Capa hi tih umin amah na muannak uh i hangin nunnak na neihnak tukin hi.
Mah hangin Jesuh in, a lak hawah, “Thutakin hilh ing; Capa in, a mahno in imah bawl thei ma hi. A Pa i bawlmi a muhmite bek bawl hi. Pa i bawlmi cu Capa hei in bawlbok hi.
Mah hangin Jesuh in amuh tei lakah, “Mihing Capa na khaitoh uhten ‘Keimah cu Keimah ing hi’ tih thei tuk uh ci. Keima thuneihnak tuah imah bawl mang, Pa i hilhnak bangin thuson ka hihlam thei tuk uh ci.
Mahnaven Pathian in ka humah hehpihnak nei hi. Mahtibang a neihnak cu tunung lam ten Khrih Jesuh cu umin, kumkhua nunnak a ngahtu tuk tei ca in zohtehtak hi tukin misual hempoh lak pen misualbel keimah lakah a langtik zo hangin hi.
Pathian Capa hungsukin, ohtei nelah theihnak pia zo tih theih hung hi. Amah cu thuman tih thei hung a, ohte cu thuman sungah um hung hi. A Capa Jesuh Khrih sungah hei um hung hi. Himi hi kumkhua nunnak thuman hi.