JOHAN 12:43 - Ngawm Bible

⁴³ Mihing tei mitmaipha muh tuk cu Pathian i mitmaipha muh tuk sangin deih saw haw hi.

JOHAN 12:43 Iomraidhean Croise

SAAM LABU 22:29

Mi ultung tuangkhawng le mihaute a mai ah bok haw tuk hi. A thi thei mi mihing hempoh le mahno in, a nungleh duntik thei ngawlte cu a mai ah kun haw tuk hi.

THUPAUCAP 29:25

Midang tei ngaihsut saknak ngaisang zetin um cu a lauhuaibel hi. Mahnaven Pathian na muansan tale lau tuk umma hi.

MATTHAI 6:2

“Mah hangin mi tingsam tei lakah thil pa kha khat na piak uhten mi ultung tei biakpiaknak mun le zapi mai a, a bawl haw bangin tuangkhawng pahsuh un. Amuhte cu mipi tei pah tukin bawl haw hi. Thungai in hilh ing, a ngah haw tukmi ngah khawng zo haw hi.

LUKA 16:15

Jesuh in amuh tei lakah, “Mipi mai ah midikbel bangin langdun cawmtik hi uh ci. Mahnaven Pathian in, na lungmu uhte thei khawng hi. Itahim titale mihingin man neizet a ngaihsutmi cu Pathian muhnak pen imah ma hi.

LUKA 19:17

A bawipa in, ‘Pha hi. Nang cu nadektu pha hi ci. Na neuno humah na muantak hangin khuapi sawm khat uktu in koih tung,’ tin ti hi.

JOHAN 12:26

Akua hei hihen ka na a dek nuamtu ten ka nungzuitute hi haw tuk hi. Itahim titale ka nadektu cu keimah tuah um kawm thei tuk hi. Keima nadektu cu ka Pa in pahcoihnak pia tuk hi.

JOHAN 5:41

“Mihing tei lak pen pahcoihnak ngah tukin zei mang.

JOHAN 5:44

Pa khat le pa khat lak pen pahcoih tuk cu nuamzet uh ci. Mahnaven amah bek Pathian ummi lak pen pahcoihnak tuk hei tum ma uh ci. Mahtin ahi tale itin kaw kei na up theih tuk uh?

JOHAN 7:18

Mai deihdanin mi a zilh theite cu ngual tei sunloih le thangphat tuk zeiduntute haw hi. Mahnaven a tiiktu i minthannak tuk bek a deihtu cu thuman son hi. A sungah zolthu umma hi.

JOHAN 8:54

Jesuh in, “Keimah pahcawi duncop tale keimah le keimah pahcoih dunnak cu imah man nei tukma hi. Keimah a pawhcawitu cu ka Pa hi. Mahmi cu ka Pathian hi, tin na tih uhmi khi hi.

ROM Khua Khristian Tei Lakah Paul i Laikuat (Paul’s Letter to the Romans) 2:29

A sunglam saw ah Judah lungmu in vunceptalhnak a ngahtu khi Judah mi ngangai haw hi. Mahmi cu ngatmi Daan i bawlmi kha ma hi. Pathian Hawvang i bawlmi hi. Mahti bang mihing cu mihing lak pen hi ngawlin Pathian lak pen thangphatnak ngahtu hi.

ROM Khua Khristian Tei Lakah Paul i Laikuat (Paul’s Letter to the Romans) 2:7

Mi khenkhat ten thilpha bawl lelengin sunloihnak, minphatnak le kumkhua nunnak zei haw hi; Mah mite cu Pathian in kumkhua nunnak pia tuk hi.

1 KORIN 4:5

Mah hangin a hun a kim laih ngawlin kuamah in, a thu haw son pahsuh un hi. Topa a hun ten dawlbel thukhennak um tuk hi. Amah in khuathim sung a selmi thukuhte cu khuavak sungah tulpih tukin, mihing tei lungmu sung a ngaihsut kuhte cu phuanglang khawng tuk hi. Kuakua hei in Pathian lak pen a co haw tukmi covo thangphatnak cu ngah haw tuk hi.

2 KORIN 10:18

Itahim titale mi pa kha khat cu amah le mah tawkzet ing, tin, a ngaihsut ten Pathian in sang ma hi; Pathian in pha tin, a ngaihsut bek ten cosang hi laih hi.

1 THESALON 2:6

Nangmu lak pen hihen, midang tei lak hei pen hihen, pahcoihnak ngah nuam kha ma ung hi.

1 PETER 3:4

Pathian i mitmai pen a sunglawibel mi mawinak ngangai cu nangmuh tei lungmu sung a ummi a bo thei ngawl thinnemnak le lungdaihnak saw khi hi.

1 SAMUEL 15:30

Saul in, “Sual zo ing. Mahnaven Israel mi hempoh le ka mihing puitu tei mai cang bekah keimah na upatnak cu langtik zal inna, Topa na Pathian ka biak theihnak tukin ka lakah kik hih zalin,” tin ngen hi.

1 SAMUEL 2:30

Na unaupihte hihen, na phunpih hihen kumkhua in keima thiampi dek un hi, tin Israel i Topa Pathian, keimah hihimin tiamsa zo ing. Mahnaven mah bangin hi tukma toh hi tih thu hilh ing. Keimah a sunloihtu cu sunloih bok tung, a zawnsaktu cu zawnsak bok tung.