JOHAN 12:42 - Ngawm Bible

⁴² Hiti bangin hi thu a piang vangin Judah thuneitu tampi ten Jesuh cu um haw hi. Mahnaven Farasi ten Biakinn pen hawlvawk tuk a lau haw hangin langtaak zetin awn ngam haw ma hi.

JOHAN 12:42 Iomraidhean Croise

THUPAUCAP 29:25

Midang tei ngaihsut saknak ngaisang zetin um cu a lauhuaibel hi. Mahnaven Pathian na muansan tale lau tuk umma hi.

ISAIAH 51:7

Diknak a theitu nohte, ngai un. Ka zilhnak lungmu sungah a koihtu! Midang ten thumin, a zawnsak haw hei in imah lau pahsuh un!

ISAIAH 57:11

Topa in, “Na lungmu sung uhah launak a piangtiktu hi dawihte hi, a kuate kaw?” Mahti bangin na lau uh hangin, ka lakah zolthusonin kei cu phawkngil bikbek uh ci! Cingdenno in ka umden hangin maw kei na upatleh uh ngawl?

ISAIAH 66:5

Topa i otmi hi ngai hem un, noh amah a lautu le a thu zuitute; “Keimah na muang uh hangin na phunpih uh mi khenkhat ten, hua in, imah simsial haw ma hi. Zotsaknak tuah ‘Lungdam thatui in, na khuasak uh cu mu nuam ung hi.’ Mah hangin Topa in, a ngilnak langtikin hup hen,” tin ti haw hi. Mahnaven amuhte saw zakca haw tuk hi.

JEREMIAH 38:19

Mahnaven kumpipa in, “Babilon tei lakah a taitu eimu ngamsung mite lau ing. A khutsung hawah ka heng tale bawlsia loli haw tuk tin,” ti hi.

MATTHAI 10:32

“Mi pa khatin mipi mai ah kata a hihnak a phuangtul ngam tale vancung i ka Pa i mai pen amah cu tanpihleh bok tung hi.

LUKA 12:8

“Nohtei lakah hilh ing. Akua abang hei in, keima ta a hihnak mitei mai ah a phuang ngamtu cu mihing Capa vangin Pathian vancungmi tei mai ah keima mi tin sonleh bok tuk hi.

LUKA 23:13

Pilat in thiampi upate, lampuitu upate le mipite cu samkhawmin,

LUKA 6:22

Mihing Capa i hangin miten nangmuh hua in, a deidat hangin le zawnsakin, a sonsia haw ahi tale mi muicu hi uh ci.

JOHAN 11:45

Mary tohpih tukin a hungmi Judah mipi ten hi bangin a nadehnak amuh haw ten Jesuh um haw hi.

JOHAN 12:11

Itahim titale Lazaras i thu hangin amuh lampuitu lehlam nunghek zamin, Jesuh a up saw haw hangin hi.

JOHAN 16:2

A pumkhawm inn haw pen nangmuh hawlvawk haw tuk a, mahbek sial ngawlin nangmuh a thah tuk khi Pathian nadeh pa khat hi tin a ngaihsut hun heng tuk hi.

JOHAN 19:38

Mahnung ten Arithmathea khua mi Josef in, Jesuh luang la tukin Pilat lakah ngen hi. Josef cu Jesuh nungzuitu pa khat hi, mahnaven Judah hotu a lau hangin a kuhno in zui ngut hi. Pilat in Jesuh luang cu la thei ci, a tih ten Josef in la hi.

JOHAN 3:2

Zan khat cu Jesuh lakah hawhin, “Rabbi, nang cu Pathian i tiikmi zilhtu hi ci, tih thei ung. Nalamdang na bawl mite hi Pathian tel ngawlin kuamah in bawl thei haw tukma,” ti hi.

JOHAN 7:13

Mahnaven Judah upate a lau haw hangin a thu cu kuamah in tangzal zetin son ngam haw ma hi.

JOHAN 7:31

Mahnaven mi honpi sung pen mi tampi ten amah um haw in, “Khrih i hen ngai ten hi pa sangin nalamdang tam saw bawl thei a ni maw?” tin ti haw hi.

JOHAN 9:22

A nu le pa ten ita hi bangin donleh haw him titale, Judah thuneitu ten Jesuh cu Khrih hi tin, a titu pawpoh cu biaknak inn pen hawlvawk tuk hung hi, tin lungkimnak a neihsa haw mi a lau haw hangin hi.

JOHAN 9:34

Amuh ten, “Nang, sualnak sung pen tulin sualnak tuah a khangtomi in kohte thuhilh tuk ngen ngaisung bok cu?” tin pumkhawm inn pen hawlvawk haw hi.

NUNGZUITU 5:41

Nungzuitute cu khonsil upa tei lak pen a tul haw ten lungdamzet haw hi; Itahim titale Jesuh min hangin minsiatnak thuak tukin Pathian i teksa hi tin ngaisung haw a hih hangin lungdam mahtak haw hi.

ROM Khua Khristian Tei Lakah Paul i Laikuat (Paul’s Letter to the Romans) 10:10

Upnak hangin Pathian tuah lemdunnak co hung hi; a phuannak uh hangin patnak ngah hung hi.

1 JOHAN 4:15

Kua hei hihen Jesuh cu Pathian Capa hi tin, a phuangtu cu Pathian a sungah umin, Pathian sungah vang amah um bok hi.

1 JOHAN 4:2

Pathian Hawvang hi le hi ngawl cu hi bangin thei tuk uh ci; kua hei hihen Jesuh Khrih cu mihingin hung hi tin, a phuangtu cu Pathian lak pen a hungmi Hawvang neitu hi.