JOHAN 12:41 - Ngawm Bible

⁴¹ Isaiah in hi thu a hilhmi cu Jesuh in sunloihnak co zo tih amuh hangin hi.

JOHAN 12:41 Iomraidhean Croise

LUKA 24:27

Jesuh in, amuh tei lakah, Moses i laibu hempoh pepan profet tei ama thu le la a ngat haw mi hempoh khi hilhciang hi.

JOHAN 1:14

Mah Thu cu mihingah cangin, eimu lakah um a; hehpihnak le thutak tuah dim hi. A sunloihnak mu hung a, Pa in, a Capa neihcalam lakah a piakmi sunloihnak hi.

JOHAN 1:18

Kuamah in, Pathian cu mu awng ma hi. A Pa in, a Capa neihcalam, a angsungah a umtiknakin langtik zo hi.

JOHAN 14:9

Jesuh in, “Nohtei lakah ngeipi um zo naveng sing, keimah thei ma laih cim, Filip? Keimah a mutu pawpoh ten ka Pa mu bok haw hi. Mah hangin ita na Pa lak tehin tin ti thei cim?

JOHAN 5:39

Lai Thiangtho sialin cung uh ci; mah bangin na cunnak uh cu hi Lai Thiangtho sungah kumkhua nunnak mu tuk ung tin na ngaihsut uh hang hi. Hi Lai Thiangtho cu a venghawngin keima thu a hilhtu hi.

NUNGZUITU 10:43

Profet hempoh ten ama thu cu hilh haw in, amah a umtu hempoh ten a min i cahnak huham i hangin a sualnak haw ngaihdam hi tuk hi, tin ti haw,” ti hi.

2 KORIN 4:6

“Khuathimnak sung pen khuavaknak suak hen,” tin, a titu Pathian cu Khrih i mitmai hum a, Pathian i sunloihnak khi ka theih zawhnak tukin keimu lungmu sungah a vaknak piatu cu Pathian amah leleng hi.

HEBRU 1:3

Amah cu Pathian sunloihnak langtiktu hi a, Pathian bang cikcek hi. Huham a neihmi thu tuah lei le van pumpi cu umtikin, cingkhawi hi. Mihing tei sualnak ngaidam le sual a thiantik ceng ten vanhum a Cungnungbel Pathian taklamah khung hi.

1 PETER 1:11

Ituk ten kaw mah hun cu a hen tuk tin zei suak tukin a tumtah haw mi hi. Amu sungah a ummi Khrih i hawvangin, Khrih i thuak tukmi haksatnak le mah nungten a co tukmi sunloihnak thu a hilh ham ten atu hun hi, a son nuammi hun hi.

MANGMUHNAK 19:10

Mahten amah bia tukin a ke bulah kun ing; mahnaven amah in, “Mahtin kun pahsun, kei vang nangmah bangbokin, a nadektu ing hi. Jesuh i phuanmi thutak a pom ngahtu na unaupih tei lak pen pa khat hi bok ing hi; Pathian bek biak tukmi hi,” ti hi. Profette lungthotiktu cu Jesuh i phuanmi thutak khi hi.