JOHAN 12:34 - Ngawm Bible

³⁴ Mi honpi ten, “Keimuh Daan, ‘Khrih cu kumkhua catngawlin nung leng tuk hi,’ tin hilh hi. Mah ahimata iti bangin Mihing Capa cu khaitohin um tuk tin ti thei nge cim? Mihing Capa tihmi cu akua him?” tin ti haw hi.

JOHAN 12:34 Iomraidhean Croise

2 Samuel 7:13

Ka ca in biakinn sa tukin, a casuan cu kumkhua in kho tuk hi.

SAAM LABU 110:4

Topa in tepdunnak cu bawl zo a, khelleh thong tukma toh. “Thiampi Melkhizedek bangin, kumkhua in thiampi hi tuk ci,” ti hi.

SAAM LABU 72:7

A nun sung hempoh ah diknak pungzai henna, hade um sung hempoh khantoh nunnopnak um leleng zal hen.

ISAIAH 53:8

Amah cu man haw, thah tukin a thukhen haw hi. A thih tuk hei cu kuamah in poi sa kha haw ma. Eimuh, mihing tei sualnak hangin thihnak tawk hi.

ISAIAH 9:7

A kumpi uknak le huham cu khangto pepel tuk; A uknak sungah kumkhua in lemdaihnak um tuk hi. David Kumpi ai-in uk tuk hi; Diknak le thuman tuah uk tuk, atu le kumkhua in uk tuk hi. Cungnungbel Topa in, hi thu hempoh hengtik tuk hi.

DANIEL 2:44

Mah ngamuktu bawi ten ngam a uk haw ten vancung a Pathian in, a bo awng ngawlmi uknak umtik tuk hi. Kuamah in mah uknak cu neh haw tukma hi; mahnaven uknak dang hempoh cu siatsuah khawng tuk a, kumkhua in kho tatuk hi.

DANIEL 7:14

miphun, hinnam le awn hempoh tuah a awnmi ten ama nadeh theihnak tukin a lakah thuneihnak, minthannak, upatnak le kumpi huham hempoh cu piakin um hi. A thuneihnak cu kumkhua kho in, a uknak cu bo awng tukma hi.

DANIEL 7:27

Leihum uknak hempoh tei huham le thawm ngengnak cu Cungnungbel Pathian mihing tei lakah piak hi tuk hi. A co haw mi kumpi huham cu boleh awng tukma toh hi, leihummi uktu hempoh ten a nadeh sakin, upat haw tuk,” ti hi.

MIKAH 4:7

Ke bai haw a, inn pen ngam khawlapi ah um haw hi. Mahnaven a thakin dinpihleh tung a, miphun ngengpi in cang haw tuk hi. Zion mual pen mah hun pepanin, a kumkhua tiang keimah in uk tung,” ti hi.

MATTHAI 16:13

Jesuh cu Sisaria Filipi khuapi elah hawhin, mahlai ah a nungzuitute cu “Miten Mihing Capa hi akua tin ti haw kaw?” tin dong hi.

MATTHAI 21:10

Jesuh cu Jerusalem khua sungah a tum ten a khua buppi in, au leilui haw a, “Hi pa hi akua him?” tin khua miten dong haw hi.

MATTHAI 8:20

Jesuh in, “Cingne ten kua nei in, vano ten bu nei haw naven Mihing Capa in lu ngaknak tuk hei nei ma,” ti hi.

JOHAN 10:34

Jesuh in, “Nangmu Daan laibu sungah Pathian in, ‘Nohte cu pathiante hi uh ci,’ tin ngatin um hi.

JOHAN 12:32

Lei pen khaitohin ka um ten mi hempoh ka lakah pui khawng tung,” ti hi.

JOHAN 15:25

Hi thu cu hi bangin hituk himpo hi. Itahim titale amu Daan sung a, ‘Imah thei ngawlin kei hua haw hi,’ tin, a ngatmi thu a cangkimnak tukin hi.’

JOHAN 8:28

Mah hangin Jesuh in amuh tei lakah, “Mihing Capa na khaitoh uhten ‘Keimah cu Keimah ing hi’ tih thei tuk uh ci. Keima thuneihnak tuah imah bawl mang, Pa i hilhnak bangin thuson ka hihlam thei tuk uh ci.

ROM Khua Khristian Tei Lakah Paul i Laikuat (Paul’s Letter to the Romans) 3:19

Atu-in Daan sung a thupiakmi hempoh cu Daan i delhcih mitei ca in hi, tih thei hung hi. Mahmi cu kuamah i phaat theih tuk ngawlin le lei buppi hi Pathian i thukhennak nuai ah henpih tukin hi.

ROM Khua Khristian Tei Lakah Paul i Laikuat (Paul’s Letter to the Romans) 5:18

Mahti bang a hih hangin sualnak pa khat bawlmi in, mi hempoh sual a puaktik bangin diknak pa khat bawlmi in mi hempoh luattikin nunnak vang pia hi.

HEBRU 7:24

Mahnaven Jesuh cu kumkhua nungin, thiampi hi leleng hi.