JOHAN 12:32 - Ngawm Bible

³² Lei pen khaitohin ka um ten mi hempoh ka lakah pui khawng tung,” ti hi.

JOHAN 12:32 Iomraidhean Croise

2 Samuel 18:9

Phawhkhak ngawlin David ngalkapte le Absalom cu tawkdun lok haw hi. Absalom cu laak hum khungin, a laak cu sasua kungpi nuai pen tai in, thingkakin Absalom cu a lu pen awk hi. A laak cu tai suakin, Absalom cu a ke lei tong kha ngawlin thinghumah khai leng hi.

SOLOMON LA 1:4

Na khut momno tuah len pah ni ci, ngaihno taikawm pah nung. Ka bawimang hi pah ni ci, na zaunakah zuan pah nung. Munkhatah nopzetno in, sungdunnak tiam thahin, itdunnak tuah diatdun leng pah nung. Zozaam tei, ngaihmawh viang ngawl. Na thuang cawmno cu maw!

ISAIAH 11:10

Mah ni ten, David casuan sung pen kumpi thak suak a, miphun tampi tei ca in, tiamtehnak hi tuk hi. A khuapi sungah tawkdun khawm haw tuk a, upatnak pia haw tuk hi.

ISAIAH 49:6

Topa in, “Ka nadektu, na dehvo thu pi sesem um hi; A tang calam Israel tei nelah, ni dang laih bang lengin minthannak na hen lehtik tuk bek hi ngawlin, Lei buppi in luatnak a ngah theihnak tukin, nangmah cu miphun tampi tei lakah vaaknak tukin bawl tung,” ti hi.

HOSEA 11:4

Itnak le hehpihnak tuah pui ing. Cawi in, a biang pen thut ing a, kun thahin ancah ing.

MIPUM SIALNAK 21:9

Moses in a hilhnak bangin daal ngul cu bawlin, khuam humah tak hi. Ngul i cih mite mah daal ngul zotu hempoh cu dam haw hi.

JOHAN 1:7

Johan cu mitei lakah mah vaknak thu hilh tukin hung hi. A hilhmi hempoh a zak haw tukin le a up haw tukin hung hi.

JOHAN 12:34

Mi honpi ten, “Keimuh Daan, ‘Khrih cu kumkhua catngawlin nung leng tuk hi,’ tin hilh hi. Mah ahimata iti bangin Mihing Capa cu khaitohin um tuk tin ti thei nge cim? Mihing Capa tihmi cu akua him?” tin ti haw hi.

JOHAN 18:32

Jesuh in iti bang thihnak nantim ka thuak tuk tin, a sonsami awnkam a kimnak tukin hitih bangin a piannak na hi, hi.

JOHAN 19:17

Jesuh cu a thinglamteh pua thahin tulpih haw a, “Lu-nguh mun,” a tih haw mi Hebru awnin, “Golgotha,” ah hawhpih haw hi.

JOHAN 3:14

“Moses in phillawn pen ngolh humah daal ngul a khai bangin Mihing Capa vang khai hi bok tuk hi;

JOHAN 6:44

Keimah a tiiktu pa in keima lakah heng tukin a bawl ngawl ahin, ka lakah hung thei haw tukma hi; amuhte cu ni dawlbel ni ten nunnakah thotik tung hi.

JOHAN 8:28

Mah hangin Jesuh in amuh tei lakah, “Mihing Capa na khaitoh uhten ‘Keimah cu Keimah ing hi’ tih thei tuk uh ci. Keima thuneihnak tuah imah bawl mang, Pa i hilhnak bangin thuson ka hihlam thei tuk uh ci.

GALATI 3:13

Mahnaven Khrih cu eimu ca in tamsiatmi a hih hangin Daan i henpihmi tamsiatnak pia in, tanleh zo hi. Itahim titale Lai Thiangtho in, “A kuakua hei hihen thing hum a takmi cu Pathian i tamsiatnak cotu hi,” ti hi.

1 TIMOTE 2:6

Mah kamtaitu cu mi hempoh nunpan tukin a nunnak a piatu Khrih Jesuh hi. Mahtin a nunnak a piakmi cu Pathian in, a hunkim ten mi hempoh nunpan khawng nuam hi tih langtiknak hi.

HEBRU 2:9

Mahnaven Jesuh cu Pathian i hehpihnak hangin mi hempoh ca tukin a thihnak tukin hun comno sung vancungmite sangin niam saw deuhin, bawl hi tih mu hung. Mahti bang thihnak a thuak hangin atu-in sunloihnak le upatnak lukhu khu in mu hung hi.

1 PETER 2:24

Khrih in ama pumpi loli tuah a sualnakte uh cu thinglamteh humah a henpih zo hangin ohte cu sualnakah mithi hi zo nave hung diknak sungah a nung tuk mite hung hi. A thuaknak liammate hangin damnak ngah zo uh ci.

1 PETER 3:18

Itahim titale mihing tei sualnak hangin Khrih cu kumkhua phaat thihnak thuak hi; nangmuhte Pathian nelah hen tukin mipha pa cu misual tei ai-in thi hi. A tisa in thihnak thuak naven Hawvangin nunglehtik hi.

1 JOHAN 2:2

Jesuh Khrih amah hangin a sualnakte uh ngaidam hi, eimu sualnak bek hi ngawlin mi hempoh tei sualnak vang ngaidam hi.

MANGMUHNAK 5:9

La thak hi tin sa haw hi. “Nangmah cu laizial latu tukin le tacik duktu tukin tak ci. Itahim titale thahnak thuak zo ci a, na thihnak thawmin phun le nam hempoh le awn namkim ten za in, mi tampi Pathian nelah henpih ci.