JOHAN 12:31 - Ngawm Bible

³¹ Atu-in hi leihum thu a khen hun le leihum uktu neh huncan hi tuk toh hi.

JOHAN 12:31 Iomraidhean Croise

PIANPATNAK 3:15

Numei nu tuah ngalduntik tung a, na casuan uh tianin ngaldun tuk uh ci. Amuh ten na lu supeek haw tuk a, nang vangin, a kecawk cik tuk ci,” tin ti hi.

ISAIAH 49:24

Ngalkap tei laksa mi na cu longleh kik thei ni uh cim? Hehpihnak nei ngawltu i matsami thawngtate cu pan suahleh thei ni uh cim?

MATTHAI 12:28

Khawhuai hawlvawk theihnak huham piatu cu Beelzabul hi ma hi, Pathian i Hawvang hi. Mahti bang a hih hangin Vancung Uknak cu nangmu lakah heng zo tihnak hi.

JOHAN 14:30

Hi leihumpi uktu pa hung li toh a hih hangin thu saupi sonpih man lehma toh ing. Keima humah thuneihnak imah nei ma hi.

JOHAN 3:19

Thukhennak tihmi cu hi tin hi: leihumah vaknak heng naven miten vaknak sangin thimnak deih saw haw hi; itahim titale a bawlmi haw a pha ngawl hangin hi.

JOHAN 9:39

Jesuh in, “Hi leihumah thukhen tukin hung ing. Mitcawte khua mutik tukin le khua musate mit cawtik tukin,” ti hi.

NUNGZUITU 26:18

A mit haw haktik tuk ci a, khuathimnak sung pen khuavaknakah Satan huham sung pen Pathian i lakah kiklehtik tuk ci. Mahten keimah a upatnak haw i hangin a sualnak haw cu ngaihdam hi haw tuk a, Pathian i mihing tenmi sungah tel bok haw tuk,” ti hi.

1 KORIN 1:20

Mah hangin micipte ilai ah kaw a um haw? Mithiamte ilai ah um haw kaw? Leihum thu el thiamte ilai ah kaw a um haw? Leihum cihnak cu silhahzet tih cu Pathian in langtik zo hi.

1 KORIN 1:21

Mihing ten amu cihnak tuah Pathian a theih ngawlnak haw tukin Pathian in ama cihnak tuah bawlhamsa zo hi. “Sil thu” hi tin, a ngaihsut haw mi Thuthangpha a umtute nunpan tukin Pathian i bawlmi hi.

2 KORIN 4:4

Mahmi ten sang haw ma hi, itahim titale hi leihum i pathian sesuakin, a lungmu haw cu khuathim lakah a koih leleng hangin hi. Thuthangpha i vaknak Khrih i sunloihnak pen a hengmi vaknak cu mu haw ma hen tin mah pathian in lim leleng hi. Khrih cu Pathian tuah bangve loli hi.

EFESA 6:12

Itahim titale a do uhmite cu mihing hi kha haw ma hi, van a ummi hawvang sia tei huhamte, uktu, thuneitute le a thimmi leihum pumpi uktute haw hi.

KOLOSE 2:15

Mahten hawvang uktu tei huham cu thinglamteh pen siatsuah khawng a, ngalmatmi sal bangin pui khawng hi.

HEBRU 2:14

Mahten “Naupangte” tin a sammi a mihingte cu thi le sa a neimi a hih haw hangin Jesuh hei cu amuh bangin thi le sa nei in mihing nunah nung bok hi. Hi tin, a bawlnakin, a tuptahmi cu ama thihnak pen thihnak hum a, thuneitu Satan khi siatsuahin,

1 JOHAN 3:8

Kua hei hihen sualnak a bawl lelengtu cu Satan ta hi. Itahim titale Satan cu a pat pepan sualnak a bawltu hi. Pathian Capa a hunnak cu Satan nadehnak siatsuah khawng tukin hi.

1 JOHAN 4:4

Mahnaven ka cate aw, nohte cu Pathian cate hi uh ci. Profet man ngawlte vang neh zo uh ci. Itahim titale nangmu sungah a ummi Hawvang cu leihum mitei sung a, hawvang sangin ngil saw hi.

1 JOHAN 5:19

Leihum buppi cu Satan in uk naven ohte cu Pathian ta hung hi tih thei hung.