JOHAN 12:27 - Ngawm Bible

²⁷ Jesuh in, “Atu-in ka lungmu haksa hi. Itin ti kam nang? Pa aw hi huncan cu ka humah hengtik pahsun, tin ti tung maw? Itahim titale hi cimnak huncan cu a thuak tuk hihimin, ka hunnak cu hi zo hi.

JOHAN 12:27 Iomraidhean Croise

SAAM LABU 6:3

Ka nunnak cu vancaukapin um hi. Maw Topa aw, ituk tian kaw hi tin ka um tuk hi.

SAAM LABU 88:3

Haksatnak tampi ten ka nungzui in, mithi khua ah heng awndiak toh ing.

ISAIAH 38:15

Zankhua pek nat thuakin kapin tau ing; Kiosa in ka nguh ektuah khawng bangin thuak ing. Pathian in ka nunnak botik na hi si, tin ti ing.

ISAIAH 53:3

Amah cu a zotsak uhmi le a vawkthong uhmi hi. Natnak le haksatnakte thuak hi. Kuamah in, a zo hei zo nuam haw ma. Phukthong poh tin, a zamthong uhmi hi.

MATTHAI 11:25

Jesuh in, “Maw ka pa, lei le van i Topa! Micip le mithiam tei lak pen a sel lelengmi khi atu-in imah a thiam ngawl tei lakah na langtik hangin lungdam ing.

MATTHAI 11:26

Mahzuh hi, Ka Pa, hitih bangin a piang tukin na deihmi hi.

MATTHAI 26:42

Jesuh cu thungen hawh lehleu hi. “Ka pa hi thuaknak khuat pen luat theih ngawlin ka in, a kul tale nangma deihnak bangin hi tahen,” ti hi.

MATTHAI 26:45

A nungzuitu pa thum tei lakah kiklehin, “Hihbu in cawl leng laih uh cim? Zo un! Mihing Capa cu misual tei khut sungah a hentiknak haw hun heng zo hi.

LUKA 22:44

A lungmu cawl mahtakin um naven teima dedeuhin thungen hi. A khua-um cu thisan bangin cak kukuih hi.

LUKA 22:53

Nisial Biakinn ah nangmu lakah um leleng naveng man awng ma si uh si. Mahnaven atu-in khuathim huham cu ngil laihtak a hih tak nohtei nadeh can hi,” tin ti hi.

JOHAN 11:41

Suangpek cu thawn haw in, Jesuh cu van hekto in, “Pa aw, ka thu na ngaih hangin lungdam ing.

JOHAN 12:23

Jesuh in, “Mihing Capa cu minthannak ngengpi a ngahnak tuk hun heng zo hi.

JOHAN 13:21

Hi thu a son celh ten Jesuh cu thasia zetin hi bangin hilhciang hi. “Thutakin hilh ing. Nangmu sung pen mihing pa kha khatin keimah zuak tuk uh ci,” ti hi.

JOHAN 18:37

Pilat in, “Kumpi hi ngai a cim maw?” tin dong hi. Jesuh in, “Nang in, Kumpipa ci tin ti ci. Leihumah ka hunsanbel cu thu pa khat bek hi. Mahmi cu thutak lamah tettikhan tukin hi. Thutak sung a ummi hempohin ka thuhilhmi ngai haw,” ti hi.

1 TIMOTE 1:15

Khrih Jesuh cu misual tei nunpan tukin leihumah tolh hi tihmi cu a manmi awn hi a, cangkim zetin pomtak le santak hi, mah misual tei lak pen kei cu misualbel ing.

HEBRU 2:14

Mahten “Naupangte” tin a sammi a mihingte cu thi le sa a neimi a hih haw hangin Jesuh hei cu amuh bangin thi le sa nei in mihing nunah nung bok hi. Hi tin, a bawlnakin, a tuptahmi cu ama thihnak pen thihnak hum a, thuneitu Satan khi siatsuahin,

HEBRU 5:7

Leihum a umlaih khin Jesuh in thihnak pen a nunpantu Pathian nelah ngingzet au in, hitui luang thah thungen hi. Mi niamkhiat le nun piatu a hih hangin Pathian zaksak hi.