JOHAN 12:26 - Ngawm Bible

²⁶ Akua hei hihen ka na a dek nuamtu ten ka nungzuitute hi haw tuk hi. Itahim titale ka nadektu cu keimah tuah um kawm thei tuk hi. Keima nadektu cu ka Pa in pahcoihnak pia tuk hi.

JOHAN 12:26 Iomraidhean Croise

SAAM LABU 17:15

Mahnaven kei in diknak tuah na maimu tung hi. Ka khatlawh ten na maimu in, ka lungdamnak kim tuk hi.

SAAM LABU 91:15

A sam haw ten don tung, haksatnak a tawh haw ten amu lakah umpih tung; luattik tung a, minphatnak pia tung hi.

THUPAUCAP 27:18

Theikung cu phano in, na tuamlawm tale thei min eih tuk nei tuk ci. A bawipa a zo phatu a umlawh cu upatnak co tuk hi.

MIPUM SIALNAK 14:24

Mahnaven ka silapa Kaleb cu ngaihsutnak dang nei in, a lungmu venghawng tuah keima thu zui hi.

MIPUM SIALNAK 32:11

Ka humah muannak a neih haw ngawl hangin Izipt ngam pen a tulmi sung pen kum sawm nih le a humlam pano hempoh cu Abraham, Isaak le Jakob lakah ka tepsa mi Kanaan ngamah kuamah heng hihim haw tukma hi, tin tamsiatnak tuah thutiam zo hi.

MATTHAI 16:24

Jesuh in, a nungzuitu tei lakah, “Kua hei hihen keimah a zui nuamtu cu ama deihnak zamin, ama haksatnak thinglamteh pua in zui hen.

MATTHAI 25:21

A bawipa in, ‘Umlawh pha, muantakzet ci! A dawmno i humah muantak na hih hangin tampi cingtu in bawl tung hi. Hung inna, ka lungdamnak puai sungah tel bokin,’ tin ti hi.

MARKA 8:34

Jesuh in mi honpi le a nungzuitute samin, “Mihing pa khat pawpohin ka nung a zui nuam tale, ama deihnak zamsanin, ama haksatnak thinglamteh pua in zui hen.

LUKA 12:37

A bawipa haw a kihleh ten a hakmi le ngallinnak neimi innceng cu itizah takin lungdamhuai him? Thungai in hilh ing. Mansa hilhialin, a um nungten an ei tukin khungtik tuk a, amah hihimin tuamlawm tuk hi.

LUKA 6:46

“Jesuh in, ‘Topa, Topa,’ tin sam li sihin, ka hilhmite bawl ma si uh ci?

LUKA 9:23

A venghawng haw i lakah, “Akua nabang hei hihen kei a zui nuamtu ten kei ing tihnak khi zamsanin, a nisialin ama haksatnak thinglamteh pua in zui haw tahen.

JOHAN 10:27

Ka tuu ten ka aw ngai haw hi, amuh vang thei ing a, amuh hei in keimah zui haw hi.

JOHAN 13:16

Thutakin hilh ing. Sila cu a bawipa sangin ngeng saw awng ma hi. Tiikmi pa hei a tiiktu pa sangin ngeng saw awng bokma hi.

JOHAN 14:15

Jesuh in, “Keimah na it uh tale ka thupiakte zui tuk uh ci.

JOHAN 14:3

Hawh tung a, nohtei umnak tuk mun ka bawl celh ten hungkikleh tung hi. Nohte cu keima lakah pui tung a, ka umnakah umbok tuk uh ci.

JOHAN 15:20

‘Sila cu a bawipa sangin ngeng saw awng ma hi,’ tih thu ka hilhmi khi cing leleng un hi. Keimah a bawlsia haw tale nohte vang bawlsia bok haw tuk hi. Ka thuzilhmi a ngai haw tale nangmu zilhmi vang ngaibok haw tuk hi.

JOHAN 17:24

Pa aw! Nangma piakmi ka sunloihnak hi amuh theihnak haw tukin nangmah in, amuhte cu ka khut sungah pia zo ci. Keima umnakah umbok tukin deih ing hi; itahim titale leipi a pian laihngawlin it zo ci.

JOHAN 21:22

Jesuh in, “Ka hunleh laklawh tian nung tukin ka deih tale nangca i khak kha kaw? Keimah zui pohin hi!” tin ti hi.

ROM Khua Khristian Tei Lakah Paul i Laikuat (Paul’s Letter to the Romans) 1:1

Pathian in, a Thuthangpha phuangtu tukin a tiikmi le a tenmi, Khrih Jesuh i sal, nungzuitu keimah Paul in laikuat ing hi.

ROM Khua Khristian Tei Lakah Paul i Laikuat (Paul’s Letter to the Romans) 14:18

Mahti bangin mi pa kha khatin Khrih i na a dek tale, mahmi pa in Pathian lungdamtikin, mihing tei lungkimpihnak vang co hi.

2 KORIN 4:5

Ka hilh uhmi hi keimu cungcang thu hi ma hi; Jesuh Khrih cu Topa hi a, Jesuh i ca in kohte hi nangmu umlawh ung hi, tihmi saw hi ka hilh uhmi hi.

2 KORIN 5:8

A lungmu uh khoh, a ngal uh pha in mai nuamnak bangin a cangthei ahin hi leihum taksa, a inn uh hi zamta in Topa i innah amah tuah um langkhat teng saw tuk hung hi.

GALATI 1:10

Hitih bangin ka tih ten mihing tei lungkimnak a zei li bang ing maw? Ka tupmi cu mihing tei lungkimpihnak hi ma hi, Pathian i lungkim pihnak saw hi. Mihing tei thangphat tuk zei ing maw? Mihing tei mai ah minphatnak zei ka hi tale Khrih i nadektu hi tuk mang hi.

FILIPI 1:23

Ka lungmu mun nihah hawh hi. Hi nunnak hi zamsanin Khrih tuah um cu nuamzet ing hi; mah tih hi cu pha deuh ngangai hi.

KOLOSE 3:24

Mahten Topa in, a mihing tei ca in, a koihsami dehman cu pia tuk hi, tih khi cing leleng un hi. A na nadeh uh ngangai mi Topa cu Khrih khi hi.

KOLOSE 4:12

Epafras in nuksat bok hi, amah cu nangmu pawlah sungtel hi a, Khrih Jesuh i nadektu hi. A lungmu tatak tuah nangmu ca thungen lelengin, kho zetin, na din theihnak tukin, Khristian lamah piting na hih theihnak tukin le na upnak uh thu na theihciang theihnak tukin Pathian nelah ngen mek hi.

2 PETER 1:1

Jesuh Khrih i nadektu le a tiikmi keimah Simon Peter in, a Pathian uh i dikcangnak le nunpantu Jesuh Khrih hangin a sunglawimi ka upnak uh a co bokmi nangmu lakah hi laikuat hi ngan ing.

1 JOHAN 5:3

Itahim titale Pathian it hung a tih uh cu a thupiakmi zui hung tihnak hi. A thupiakmi cu ohtei ca in zui tuk haksa ma hi.

JUDE 1:1

Khrih i nadektu le James i nau keimah Jude in, Pathian i sammi, Pa Pathian i ihmi le Jesuh Khrih i humhimnak sungah a ummi tei lakah hi laikuat hi ngan ing.

MANGMUHNAK 14:4

Amuhte cu mi thiangtho, numei tuah sual awng ngawlmite hi haw in, khanglai thianlim bang haw a, tuuno i hawhnak hempoh ah zui haw hi. Mi hempoh lak pen tatlehmi hi haw in, Pathian le Tuuno lakah anthak bangin piak masabelmi hi haw hi.

1 SAMUEL 2:30

Na unaupihte hihen, na phunpih hihen kumkhua in keima thiampi dek un hi, tin Israel i Topa Pathian, keimah hihimin tiamsa zo ing. Mahnaven mah bangin hi tukma toh hi tih thu hilh ing. Keimah a sunloihtu cu sunloih bok tung, a zawnsaktu cu zawnsak bok tung.