JOHAN 12:20 - Ngawm Bible

²⁰ Puai sungah Pathian bia tukin Jerusalem a hawhtu mi honpi tei lakah Grik mi khenkhat tel kha bok haw hi.

JOHAN 12:20 Iomraidhean Croise

ISAIAH 11:10

Mah ni ten, David casuan sung pen kumpi thak suak a, miphun tampi tei ca in, tiamtehnak hi tuk hi. A khuapi sungah tawkdun khawm haw tuk a, upatnak pia haw tuk hi.

MARKA 7:26

Hi nu cu (Gentail nu hi), Siria ngam Fonisia peng pen suak hi. A canu i sungah khawhuai hawlvawk sak tukin kuun li hi.

JOHAN 12:1

Kaltan Puainak tuk ni luk sap ten Jesuh cu Bethani khua Lazaras innah hawh hi. Bethani khua cu thihnak pen a thawhtik lehmi Lazaras i khua hi.

JOHAN 12:19

Mahten Farasi ten, “Imah tileh thei ma toh si hung maw! Zo unna, leihummi hempoh ten amah zui zo haw!” tin pa khat le pa khat tidun li haw hi.

JOHAN 7:35

Mah hangin Judah thuneitute cu pa khat le pa khat, “Tawh theih ngawl tukin ilai mun poh hawh tum nantim? Judah tei umnak khuapi pa kha khatah hawhin, Grik mite zilhnuam hi nantih maw?” tin ti haw hi.

NUNGZUITU 14:1

Mahti bang bok lelengin Ikonium khua hei ah Paul le Barnabas cu pumkhawm innah hawhin, nase zetin thuhilh haw hi. Judah mi le Gentail mi tampi cu thu umtu ah cang haw hi.

NUNGZUITU 16:1

Paul cu Darbe khua le Listra khua ah heng haw a, mahlai ah thu umtu Timote um hi. A nu cu Judah mi thu umtu hi bok naven a pa cu Grik mi hi.

NUNGZUITU 17:4

Mi khenkhatte cu a lungmu haw ciang ngangai in Paul le Silas khi kop haw hi. Mahti bang bokin numei hotu le Pathian a biatu Grik mi tampi ten Paul le Silas lakah khawm bok haw hi.

NUNGZUITU 20:21

Judah le Gentail mitei lakah hihen, a sualnak haw zamsanin, Pathian nelah kiklehin, a Topa uh Jesuh a up haw a kul hihim tin ka hilh i humah ngallinnak tuk vang celzet hilh ing.

NUNGZUITU 21:28

“Israel mite aw, bawm un hi! Hi pa hi khua hempoh ah hawhin, Israel mite le Moses Daan sonsia in, hi Biakinn vang sonsia in thuzilh pepeltu hi. Tu hei in hi biakinn sungah Gentail mite vang hunpih a, hi mun thiangtho hi nawngkaitik zo hi,” tin au haw hi.

NUNGZUITU 8:27

A tihnak bangin Filip cu bawm bawlin hawh hi. Mahlai takin, Ethiopia pa, pa khat amu khua lamah a pin limi tawk hi. Mahpa cu tilngehmi hi a, Ethiopia kumpinu i neihmi sum le pai hempoh a cingkhawitu bawi hi. Amah cu Jerusalem ah Pathian bia tukin hung hi, a cipuhleng tuah a inn lamah a pinmi hi. A cipuhleng hum pen laisial thahin, a sial lihmi cu profet Isaiah laibu hi.

ROM Khua Khristian Tei Lakah Paul i Laikuat (Paul’s Letter to the Romans) 1:16

Thuthangpha cu zahcak pih hihim mang hi. Itahim titale Pathian i huham hangin umtu hempoh ten nunpatnak ngah haw hi. A masa in Judah mitei ca hi, mahten Gentail mitei ca hei hi bok hi.

ROM Khua Khristian Tei Lakah Paul i Laikuat (Paul’s Letter to the Romans) 10:12

Hi bangin a umtu hempoh cu a tih ten akua na bangin tel khawng hi, itahim titale Judah mi le Gentail mitei laklawhah deidat dunnak umleh ma toh hi. Pathian cu mi hempoh tei Topa, hi a, Ama min samtu hempoh tei lakah thupha muicu tampi in pia hi.

GALATI 2:3

Ka nadehpih Titus cu Grik mi hi naven vunceptan tukin kuamah in tiklo ma ung hi;

GALATI 3:28

Mah hangin Judah mi le Gentail mi tin deidat dunnak umleh ma toh hi; sal le a luatmi, numei le pano ah hei hihen deidat dunnak umleh ma toh hi. Na venghawng uhin Khrih Jesuh tuah pehzop dunnak sungah pa khat hi uh ci.

KOLOSE 3:11

Mahti bang a hih hangin Gentail mi le Judah mi tih deidat dunnak umleh ma toh hi, vunceptan le tan ngawlin deidatnak umma toh hi, misil phun le ngamsa phun, sila le miluat tih deidat dunnak imah umleh ma toh hi; Khrih cu ihempoh hi in, ihempoh sungah um hi.